நாம் தமிழர்

எம் இனமே எமக்காக ஒரு நிமிடம் ஒதுக்கமாட்டாயா????

2011-06-17T07:09:00.000-07:00

தமிழா ஓ சிதறியோடிய ஏதிலித்தமிழா!!! உன் விழிகளை கொஞ்சம் சனல் நாங்கு

தொலைக்காட்சி நோக்கி திருப்படா -அதில் ஒளிபரப்பாகிக்கொண்டிருப்பது திரைப்படம்

அல்ல உன் இனத்தின் கொலைப்படம்-அதில் சிங்களத்தின் கொலைமுகம்தெரிகிறதா

பார்

சிதறிய உடல்களும் சிந்திய உதிரமும் உனை தூற்றுவது கேட்கிறதா??இன்னும்

என்னசெய்யப்போகிறாய் என் இனமே !! என் உறவுகளின் உதிரத்தை உற்றுப்பார்

என் தமிழ் சாதியே !!நாதியற்ற நாய்களைப்போல் செத்துக்கிடக்கும் என் உறவுகளைப்பார்

ஏனடா இந்த அவல நிலை இது என் இனத்தின் சாபமா ??அல்லது நாம் செய்த பாவமா???

ஓ,,,,,,,,,, இளைய சமூகமே இளவுவீட்டில் நின்றுகொண்டு ஏன்வேடிக்கை பார்க்கின்றாய்

கதறி அழு -உன் சத்தம் செவிடர்கள்காதுகளில் ரத்தம் வரச்செய்யட்டும் -களத்தில் கிடக்கும்

உன் குலமாந்தர் உடல்களைப்பார் -என்ன தெரிகிறது?? ஆடையற்ற அவள்உடலெங்கும்

காயங்கள்இருக்கிறதே அது என்ன என்று தெரிகிறதா??அது என்ன என்று தெரிகிறதா என்

இனமே!!

சிங்கள ஓநாயின் நகக்கீறலும் அவன் விசப்பற்களின் அடையாளமும் -பத்துமாதம் சுமந்து

பத்திரமாய் பாதுகாத்து பொத்திப்பொத்தி வளர்த எம் அன்னையர் உடலெல்லாம் பற்றி

எரிகிறதே ,பாழ்பட்ட உலகம் பயங்கரவாதம் என்று இன்றைக்கு சொல்கிறதே ஏனென்று

கேட்பதற்கு ஏனடா ஏன் தயக்கம்

சிங்களவன் செல்லடித்தால் சல்லடைபிடித்த சில வல்லரசுகள் அதை நியாம் என்று சொல்கிறது

அவன் எறிந்த கற்களை எடுத்து நாம் எறிந்தால் அதை பயங்கரவாதம் என்று சொல்கிறது-

பாவப்பட்ட உலகில் காயப்பட்ட என் உறவுகள் இன்றைக்கு அரைந்தபடிஅலைகிறது எவனடா

அதைக்கண்டான்

சிங்களன் தேசத்தில் பட்டாசு வெடித்தாலும் புலி பாறாங்கல் விழுந்தாலும் புலி ஏனடா ஏன்

நாங்கள் புலியானோம் என்று எவன் வந்து எமைக்கேட்டான் -என் நிலத்தை கொள்ளையடித்தான்

என் தாயின் உடல்சிதைத்தான் என் தந்தையினை சிறைப்பிடித்தான்என் அக்காளை கற்பழித்தான்

இதையெல்லாம் கைகட்டி வேடிக்கை பார்க்கச்செல்லும் மடையர்களிடம் கேளடா உன் காலில்

கல் ஒன்று பட்டால் அதை எடுத்து முத்தமிடுவாயா என்று

புலிகள் பயங்கரவாதிகள் என்று சொல்லலும் இந்த உலகிடம் கேளடா அப்படி என்ன பயங்கரத்தை

அவர்கள் செய்தார் என்று -எந்தச்சிங்களத்தியையாவது கற்பழித்து கொலைசெய்தாரா?? -ஒரு

சிங்களவனின்குடிசைகள் மீதாவது குண்டுபோட்டாரா -?காவிஉடை தரித்தவனும் இன்றைக்கு

கற்பழிக்கின்றான் -புலி வரிதரித்த எவனுமே ஏன் அதைச்செய்வதில்லை ஏனடா தமின் ஆணுறு

-ப்பை அறுத்தா எறிந்துவிட்டான்-ஏன் ஒருவன் கூட காமத்தை தேடவில்லை அவர்களை வளத்த

வளர்ப்பு அப்படி என் தலைவன்கொடுத்த போதனைகள் மகத்தானவை அத்தகயதலைவனையும் -

பயங்கரவாதி என்று பச்சை குத்திவிட்டது இந்த உலகம்

தமிழா உனக்னான உரிமையினை கேட்டால் அது பயங்கரவாதம் என்றால் நீ பயங்கரவாதியாகவே

-இரு முட்டிபோட்டு நிற்பதிலும் நின்றுகொண்டே சாவது மேல் இன்னும் என்ன தயக்கம் ஏனாட

நக்கித்திரியும் நாய்கூட தன்வழிக்கு யாரும் தடை சொன்னால் பாய்துகடிக்கிறதே நாயைவிடக்கீழாக

உன் இனத்தை சிங்களவன் சிதைக்கிறானே ஏன் என்று கேட்பதற்கு எழுந்துவர என்ன தடை

அடிமைப்பட மறுத்துவிட்டு அகதியாகிப்போனவனே உலகெல்லாம் உன் வீடாக உன் வீடுகள்

சுடுகாடாகிப்போனதடா-எஞ்சிஉள்ள உன் தங்கையரை காமவெறிச்சிங்களன் அன்றாடம் தின்னுகின்றான்

புலப்பெயர் தேசமெங்கும் மின்விளக்குகள் நடுவினிலே நீ நித்திரை கொள்கின்றாய் மின்னுகின்ற

பவளம்போல் பாதைகளில் நீ நடந்து திரிகின்றாய்-பாவிகள் கரங்களால் என் இனம் அழிகிறது

உனக்காக களத்தில் காவல்நின்ற வேங்கைகள் இன்று கையிழந்து கால் இழந்து ஊர்ந்தபடி அலைகிறது

நீ நின்மதியாய் தூக்கம்கொள்ள எல்லையில் நின்று காவல்செய்த காவல்தெய்வங்கள் இன்று கருகிய

உலல்களுடன் உன் கண் முன்னே தெரிகிறனர் -கைகட்டி வேடிக்கை பார்கும் கோழைசாதிகளே! என்ன

துனிவிருந்தால் இந்தச்சிங்களக்கொலைவெறியர் எம் அக்கா தங்கையரை கொன்றுவிட்டு அதை கானெளி

-யாய் பதிந்திருப்பார்

பூகேலஅரசியலில் உன் தேசம் புழுதிபடிந்து கிடக்கிறது ஈழத்தின் பெரும்புயலே நீ வேகம்கொண்டால்

இந்தப்புழுதிகள் கலைந்தோடி உன் தேசம் மலர்ந்துவிடும்-உன் இனத்தைன் விடுதலையில் கொடும்

தலைகள் கொய்யப்படும் -உனக்கு நீதிகிடைத்தால் அநீதிகள் தீயினில் வெந்துவிடும்-நெந்துகொண்டி

-ருக்கும் நெஞ்சங்களை சந்தித்து கரம்கொடுத்து ஒன்றுபடு -ஓய்ந்துவிட்ட கால்களின் பயணங்கள்

தொடரட்டும் உன் மண்ணில் நிலைகொண்ட காலகள் எல்லாம் இனி ஓடத்தெடங்கட்டும்-ஒன்றுபடு என்

இனமே ஒற்றுபடு என் இனமே!

“என்ன செய்யலாம் இதற்காக?”

2011-01-09T09:06:00.000-08:00

நூலில் அடங்கியவை

1. ஈழ இனப்படுகொலை துயரங்களை காட்டும் 371 புகைப்படங்கள்.

2. 4 முக்கிய அட்டவணைகள்
(i) ஈழத்தமிழ் இனப்படுகொலைகள்ள் 1956 -2009 .
(ii) தோல்வி அடைந்த ஓப்பந்தங்களும் , பேச்சு வார்த்தைகளும்,
(iii) ஈழத்தமிழரின் அறவழிப் போராட்டங்கள்.
(iv) இலங்கைத்தீவில் தமிழரின் பூர்வீகம்.

3. ஈழம் குறித்து உலகப்பிரமுகர்களின் முக்கிய கருத்துக்கள்.

4.நீதி கேட்கும் 80 மனித நேய கூற்றுக்கள்

5. மனித உரிமை போராளிகளின் அணிந்துரைகள்
(i).V.R.கிருஷ்ணய்யர்,
முன்னாள் இந்திய உச்சநீதிமன்ற நீதிபதி.
(ii). டாக்டர். எலன் சாண்டர் ,
மனித நேய மருத்துவர் அமெரிக்கா.
(iii) விராஜ் மென்டிஸ்,
தலைவர், சரவதேச மனித உரிமைகள் கழகம் ஜெர்மனி,
(iv) சிறிதுங்க ஜெயசூர்யா,
பொதுச் செயலாளர் ஐக்கிய சோசலிசக் கட்சி இலங்கை.

6. மொத்தம் 216 பக்கங்கள்.

7. 12 " * 8 .5 அளவுகளில்,
தமிழ்,ஆங்கிலம்,பிரெஞ்சு மொழிகளில்

9.1.2011 அன்று ஈரோடு மாவட்ட நாம் தமிழர் கட்சியினர் நடத்தும் வேலைவாய்ப்பு மற்றும் இலவச கணினி பயிற்சி.

2011-01-05T16:05:00.000-08:00

வருகின்ற சனவரி 09.1.2011 ஞாயிற்றுக்கிழமை அன்று காலை 8 மணியளவில் சக்தி காரைக்குடி வளாகம் நல்லி மருத்துவமனை அருகில் ஈரோடு மாவட்ட நாம் தமிழர் கட்சியினர் நடத்தும் வேலை வாய்ப்பு மற்றும் இலவச கணினி பயிற்சி சேர்க்கை முகாம் நடைபெறவுள்ளது.

மனச்சோர்வால் வாடும் அரும்புகள்+வேலையை தேடி போகாதீர்கள்...உருவாக்குங்கள்!'

2011-01-04T01:40:00.000-08:00

குழந்தைகளுக்கு ஏன் மனச்சோர்வு ஏற்படுகிறது? நம் குழந்தைகள் அதனால் பாதிக்கப்பட்டுள்ளார்களா? அப்படியெனில் அவர்களை மீட்பது எப்படி? இதை நாம் தெரிந்து கொள்வது மிகவும் இன்றியமையாதது.

மனச்சோர்வுக்கான காரணங்கள் பலவாக இருக்கலாம். தாழ்வு மனப்பான்மை, அன்பற்ற சூழல், கண்டிப்பான பெற்றோர், நண்பர்கள் இல்லாமை, நண்பர்கள் அல்லது சக மாணவமாணவியருடன் ஏற்படும் பூசல்கள், சகோதர சகோதரிகள் மத்தியில் உண்டாகும் போட்டி, பொறாமை, பெற்றோர் செய்யும் ஒப்பீடுகள், ஆசிரியர்கள் காட்டும் பாரபட்சம், பாடச்சுமைகள் என எத்தனை எத்தனையோ.

கவனிக்க வேண்டிய அறிகுறிகள்:
அளவுக்கதிகமான ஒட்டுதல்: சில குழந்தைகள் வளர்ந்தபின்னும் தாய் தந்தையை ஒட்டிக்கொள்ளுவார்கள். தனியாக எங்கும் செல்ல பயப்படுவார்கள். நெருங்கிய உறவினர்களின் மரணம், புதிய பள்ளிகளில் சேர்க்கப்படுதல், வீட்டில் இன்னொரு குழந்தையின் வரவு தனது சலுகைகளைப்பறித்துவிடுமோ என்ற அச்சம் இவையெல்லாம், சில குழந்தைகளிடம் மன அழுத்தத்தைத் தூண்டலாம். உங்களையே குழந்தை சுற்றிச் சுற்றி வருதல், பிரிவு குறித்த அச்சம் இவையெல்லாம் இருக்குமானால், அது கவனிக்கப்பட வேண்டிய விஷயம்.

தனிமையை நாடுதல்: பிறருடன் சேர்ந்து விளையாடிக் களிக்க வேண்டிய குழந்தைகள், சலிப்புற்றுத் தனிமையில் அமருதல், எதிலும் ஆர்வமின்றி இருத்தல் ஆகியவை இருக்குமானால், பெற்றோர் அவர்களிடம் மனம் விட்டுப்பேசுவது அவசியம். அவர்கள் பேச மறுத்தால், குழந்தைகளுக்கான மனநல மருத்துவரை அணுகுவதும் நல்லதே!

கெட்ட பழக்கங்கள் உருவாதல்: பொய் சொல்லுதல், திருடுதல், பிறரை அடித்தல், எளிதில் கோபப்பட்டு கைக்குக் கிடைப்பதை வீசி எறிதல் போன்ற பழக்கங்கள் புதிதாக உருவாகின்றனவா? இதுவும் மன அழுத்தத்தின் விளைவாகவே இருக்கலாம்.

தன்னைத் தானே தாழ்த்திக்கொள்ளுதல்: தான் மக்கு, கெட்ட குழந்தை, அசடு, தனக்குப் படிப்பு வராது என்றெல்லாம் தன்னைப் பற்றியே ஒரு குழந்தை அடிக்கடி மட்டமாகச் சொல்லிக்கொள்கிறதா? பெரியவர்கள் எவ்வளக்கெவ்வளவு தாழ்வு மனப்பான்மை உண்டாகும்பொழுது அதை மறைக்க உயர்வாகப் பேசிக்கொள்வார்களோ அதற்கு எதிரானது குழந்தைகளின் செயல். இக்குழந்தைகள் ஏதோ காரணத்தால் தாழ்வு மனப்பான்மைக்கு ஆட்பட்டிருக்கலாம். அவர்களை அடிக்கடி புகழ்ந்துபேசி அவர்கள் மீது நம்பிக்கை இருப்பதைக் காட்டவேண்டியது பெற்றோர் கடமை.

படுக்கையை நனைத்தல்: வளர்ந்த குழந்தைகள், படுக்கையில் சிறுநீர் கழிப்பதை நிறுத்திவிட்டபின், திடீரெனத் திரும்பவும் அப்பழக்கத்திற்கு ஆட்பட்டால், அதற்கு மன அழுத்தமே காரணமாக இருக்க இயலும். இதுவும் கண்காணிக்கப்பட வேண்டியது.

கெட்ட கனவுகளால் பாதிக்கப்படுதல்: எப்போதாவது தூக்கத்தில் கெட்ட கனவுகள் கண்டு பயந்து அலறுதல் எல்லாருக்கும் உள்ளதுதான். ஆனால், அடிக்கடி பாதிப்பு உண்டாகுமானால், நீங்கள் கண்டிப்பாக மருத்துவரை அணுகுவது நல்லது.

மதிப்பெண் குறைதல், பள்ளி செல்ல மறுத்தல்: நன்றாகப் படித்துக்கொண்டிருக்கும் குழந்தை திடீரெனப் பள்ளி செல்ல மறுத்தல், பள்ளித் தேர்வுகளில் மதிப்பெண் குறைதல், தேர்வுகளில் தோல்வியுறுதல் இவையும் குழந்தைகளின் மன அழுத்தத்தின் வெளிப்பாடுகள்தான். உடன் படித்த நண்பன் வேறு ஊருக்கு/பள்ளிக்கு மாற்றலாகிச் செல்லுதல், புதிய ஆசிரியரின் வருகை, ஆசிரியர் மீது ஏற்படும் வெறுப்பு இவை ஏதேனும் காரணமாக இருக்கலாம். குழந்தை பள்ளி செல்ல மறுத்தால், திட்டி, மிரட்டி இழுத்துச் சென்று பள்ளியில் விடாமல், அன்பாக விசாரித்தல் நல்லது. பள்ளியில் ஏதாவது புதிய மாற்றங்கள் உண்டாகியுள்ளனவா என அறிவதும். அடிக்கடி பள்ளிக்குச் சென்று குழந்தையின் வகுப்பாசிரியரிடம் குழந்தை நடந்துகொள்ளும் விதம், ஆசிரியர்களுக்கும் மாணவர்களுக்கும் உள்ள உறவு இவை குறித்துத் தெரிந்து கொள்ள வேண்டும்.

இவை தவிர காரணமற்ற கோபம் மற்றும் அழுகை, எப்பொழுது பார்த்தாலும் பசி என்று சொல்லுவது அல்லது பசியே இல்லாமல் இருப்பது, அதிகக் களைப்பு, வலுவின்மை, தூக்கமின்மை அல்லது அதிகத் தூக்கம் முதலியவையும் மனச்சோர்வின் அறிகுறிகளாக இருக்க வாய்ப்புண்டு.

மனச்சோர்வின் சில வகைகள்: அதிக மனச்சோர்வு அல்லது பெருமளவு மனச்சோர்வு (Major Depression), டிஸ்தைமியா (Dysthymia), இருதுருவக் குலைவு மனநிலை (Bipolar Disorder), காலமாற்றக் கோளாறுகள் (Seasonal Disorder) முதலியவை குழந்தைகளைப் பொதுவாகத் தாக்கும் மனநோய்கள்.

அதிக அல்லது பெருமளவு மனச்சோர்வு என்பது குழந்தைகள் எந்நேரமும் வருத்தமாக அல்லது குற்ற உணர்ச்சியாலோ தாழ்வு மனப்பான்மையாலோ பீடிக்கப்ப்ட்டு இருப்பது. 'நான் நன்றாகத்தானே இருக்கிறேன்' என்று இவர்கள் சொன்னால் கூட, இவர்கள் வருத்தத்தில் ஆழ்ந்தே இருப்பதை நாம் உணர முடியும். இந்த சோகமான மனோபாவம் இவர்கள் தூக்கம் மற்றும் உணவருந்துதலையும் பாதிக்கும். டிஸ்தைமியா பாதிப்பு உடைய குழந்தைகளிடம் குறைந்த அளவு மனச்சோர்வு இருப்பினும், இது வருடக்கணக்கில் நீடிக்கும். இது அன்றாட நடவடிக்கைகளைப் பாதிக்காதவரை, பெற்றோர் இதனை கண்டுகொள்ளாமல் விட்டுவிடுவார்கள். ஆனாலும், டிஸ்தைமியாவால் பாதிக்கப்பட்ட குழந்தைகளில் பத்து சதவீதத்திற்கும் மேற்பட்டோர், காலப்போக்கில் பெருமளவு மனச்சோர்விற்கு ஆளாகி விடுவதாக மருத்துவர்கள் கருதுகின்றனர். எனவே உங்கள் குழந்தைக்கு அடிக்கடி மனநிலை மாறுபாடு (Mood Swing) ஏற்படுமானால், அக்குழந்தை மீது கவனம் செலுத்துவது நல்லது.

இருதுருவக்குலைவு என்பது குழந்தை ஒருபுறம் வருத்தம், சோகம், தாழ்வு மனப்பான்மை, குற்ற உணர்ச்சி இவற்றிற்கு ஆட்பட்டிருந்து, மறுபுறம் அதிகக் கோபம், தாறுமாறாக எரிச்சலுற்று வெடித்தல் போன்றவற்றைக் கொண்டிருப்பது ஆகும். இக்குறைபாட்டால் பாதிக்கப்பட்டிருக்கும் குழந்தைகள் ஒன்று அல்லது இரண்டு சதவீதம் ஆவர். இக்கோளாறு முதிர்ச்சியடைகையில் எந்தச் செயலிலும் கவனமின்மை, எதிர்மறையாகவே செயல்படுதல், எப்பொழுதும் பதட்டம், எதிலும் ஒரு வித வெறித்தனமான (mania) விருப்பு அல்லது வெறுப்பினைக் காட்டுதல் ஆகியவையாக உருவெடுக்கிறது.

குழந்தைகள் மனச்சோர்வுக்கு ஆளாகாமல் இருக்க என்ன செய்ய வேண்டும்? ஆளாகிவிட்டால் எந்த விதமான சிகிச்சையினை மேற்கொள்ளுதல் வேண்டும் என்பன குறித்து இப்பகுதியில் தொடர்ந்து காணலாம்.

வேலையை தேடி போகாதீர்கள்...உருவாக்குங்கள்!'

வெல்டராகத் தன் வாழ்வைத் தொடங்கி, இன்று, தனியார் பால் விற்பனை நிலையம் வைத்து உயர்ந்துள்ள ராஜேந்திர பாபு: மதுரையில் ஏழ்மையான குடும்பத்தில் பிறந்தவன். என் அப்பா வெல்டராக இருந்தார். நான் வீட்டிற்கு கடைசிப் பிள்ளை. காலையில் பள்ளிக்கு போய், மாலையில், என் அப்பா வேலை பார்க்கும் இடத்திற்கு போவேன்.அங்கு, என் அப்பா வேலை செய்யும் கஷ்டத்தைப் பார்க்கும் போது, ஒரு நிறுவனத்தை உருவாக்கி, அதில், என் அப்பாவை உட்கார வைத்து அழகு பார்க்க வேண்டும் என்ற வெறி உண்டானது. பிளஸ் 2 முடித்ததும், பாலிடெக்னிக்கில் மெக்கானிக்கல் எடுத்துப் படித்தேன். படித்து முடித்த பின், பல நாட்கள் வேலைக்கு முயன்றேன்; எதுவும் அமையவில்லை.வேலைக்காக காத்திருப்பதை விட, அப்பா செய்த வெல்டிங் வேலையை செய்யலாம் என்று தோன்றியது. பின், என் பெற்றோரின் உதவியுடன், தனியாக ஒரு வெல்டிங் ஒர்க் ஷாப்பை
உருவாக்கினேன். அப்போது, ஆவின் பால் டிப்போவிற்கு தேவையான பொருட்களை எல்லாம் வெல்டிங் செய்து கொடுக்கக்கூடிய ஒப்பந்தம் கிடைத்தது. கிட்டத்தட்ட ஐந்து வருடங்களுக்கும் மேலாக, ஆவின் டிப்போவிற்கு தேவையான பொருட்களைச் செய்து கொடுத்தேன்.என் தொழில் முறையைப் பார்த்து, டெய்ரி மில்க் போன்ற நிறுவனங்கள், அவர்களுக்குத் தேவையான பொருட்களைச் செய்து கொடுக்கச் சொல்லி ஒப்பந்தம் போட்டன. பல வருடங்கள், பல நிறுவனங்களுக்குப் பொருட்களைச் செய்து தரும்போது, அதில் ஒரு சில பொருட்கள் தேங்கிவிடும். அந்தப் பொருட்களைக் கொண்டு, பால் பண்ணை ஆரம்பிக்கும் படி என் அம்மா ஆலோசனை கூறினார்.எஸ்.என்.பி., டெய்ரி மில்க் என்ற நிறுவனத்தை உருவாக்கினேன். நான் ஆரம்பித்த இந்த நிறுவனம் தான், தென் மாவட்டத்திலேயே முதன் முதலாகத் தொடங்கப்பட்ட தனியார் பால் விற்பனை நிறுவனம். இன்று வரை வெற்றிகரமாக செயல்படுகிறது.

ஒரு பிள்ளையின் கல்விக்கு நேரடியாக உதவுங்கள் +கோவை புறநகரில் இனி இரவு 12 மணிவரை உணவகங்கள் இயங்க அனுமதி, நாம் தமிழர் கட்சியினரின் முயற்சி வெற்றி.

2011-01-02T02:18:00.000-08:00

ஒரு பிள்ளையின் கல்விக்கு நேரடியாக உதவுங்கள்

எனவே எம் அன்பிற்குரிய உறவுகளே !

எங்களின் எதிர்கால சந்ததியாகிய மாணவர்களின் எதிர்காலத்திற்காய் அனைவரும் கரங்கொடுப்போம். நீங்கள் ஒவ்வொருவரும் ஒவ்வொரு பிள்ளையை எமது அமைப்பிடம் இருந்து பொறுப்பெடுத்து இடைத்தரகரின்றி நேரடியாகவே அந்த பிள்ளைகளுடன் தொடர்பு கொண்டு அவர்களின் கல்விக்காக மாதம் £30 குறைந்தது ஒரு வருடத்துக்கேனும் நேரடியாகவே வழங்கி அழிந்துபோய் மீண்டு எழுவதற்காகத் துடிக்கின்ற எமது சந்ததிக்கு உடனடியாகக் கரம் கொடுங்கள். நாட்டிலுள்ள பல்கலைக்கழக மாணவர்களே பாதிக்கப்பட்ட மாணவர்களின் விபரங்களை சேகரித்து உங்களுக்கு வழங்குகின்றனர்

புலம் பெயர் நாடுகளிலுள்ள நல்ல உள்ளம் கொண்ட பலர் தாமாக முன்வந்து எம்மிடம் இருக்கும் விபரங்களைப் பெற்று நேரடியாக அங்குள்ள பிள்ளைகளுடன் தொடர்பு கொண்டு தாங்களே நேரடியாக உதவி செய்து வருகின்றனர். இங்கு எந்த இடைத்தரகர்களும் இல்லையென்பதால் நீங்களே பிள்ளைகளுடன் நேரடியாக தொடர்புகொண்டு அவர்களுக்கு உதவி செய்ய முடியும்.

இதனால் நம்பிக்கையும் அனுப்பப்படுகின்ற உதவி சரியாகச் சென்றடைவதை உறுதிப்படுத்தக்கூடிய நிலைமையும் பேணப்படும். எம்மிடம் தொடர்பு கொள்வதன் மூலம் உடனடியாகவே ஒரு பிள்ளையின் விபரத்தைப்பெற்று அவர்களுக்கு நீங்கள் நேரடியாகவே உதவி செய்ய முடியும்.

" விரைந்து கரங்கோடுப்போம் எதிர்கால வாழ்விற்கு வழி காட்டுவோம் " நன்றி.

l தொடர்புகளுக்கு : இணையதள முகவரி : www.itsonetwork.org மின்னஞ்சல் முகவரி : itsonetwork@gmail.com தொலைபேசி இலக்கங்கள , 00447921227920 00447921227920

ps click here -read more and see photo in

கோவை புறநகரில் இனி இரவு 12 மணிவரை உணவகங்கள் இயங்க அனுமதி
நாம் தமிழர் கட்சியினர் மேற்கொண்ட முயற்சியால் கோவை நகரில் இனி இரவு 12 மணிவரைக்கும் உணவகங்கள் இயங்கும் என கோவை மாவட்ட காவல்துறை ஆணையாளர் அறிவித்துள்ளார்.கடந்த 12 ஆண்டுகளாக கோவை நகரில் உணவகங்கள் அனைத்தும் இரவு 10 மணிவரை மட்டுமே இயங்கி வந்தது.இதனால் பயணிகள் மற்றும் பொதுமக்கள் மிகவும் சிரமத்துக்கு ஆளாகினர். இந்நிலையில் கடந்த 27.12.2010 மாவட்ட ஆட்சியர் மற்றும் மாவட்ட கூடுதல் கண்காணிப்பாளர் ஆகியோருக்கு கோவை மாவட்ட நாம் தமிழர் கட்சி சார்பாக மாவட்ட ஒருங்கினைப்பாளர் ஆனந்தராசு அவர்கள் தலைமையில் உணவகங்களை இரவு12 மணிவரைக்கும் திறக்க அனுமத்திக்கவேண்டும் என மனு கொடுத்தனர் இதனையடுத்து மாவட்ட காவல்துறை ஆணையாளர் அவர்கள் பத்திரிக்கையாளர் சந்திப்பின் போது இனி உணவகங்கள் இரவு 12 மணிவரைக்கும் இயங்கலாம் என தெரிவித்தார். பொதுமக்களின் பிரச்சனையை முன்னெடுத்த நாம் தமிழர் கட்சியினரை கோவை நகர மக்கள் பெரிதும் பாராட்டினர்

இதற்கு யார்தான் காரணம்?

2010-12-30T04:42:00.000-08:00

பொட்டம்மானால் அனுப்பட்ட புலானய்வு துறை முக்கிய போராளி கைது புலனாய்வு துறை பொறுப்பாளார் பொட்டு அம்மானால் பதுளையில் இருந்து இயக்கிவிக்க பட்ட முக்கிய போராளி ஒருவரை இரகசிய புலனாய்வு துறையினர் பதுளையில் வைத்து கைது செய்துள்ளனர் .இவர் பிரபல முக்கியஸ்தர் ஒருவரை குறி வைத்து தாக்குதல் நடத்தும் நோக்குடன் பொட்டு அம்மானால் அனுப்பட்டதாக தெரிவிக்க பட்டுள்ளது . பொட்டு அம்மான் இறந்து விட்டார் என்ற நிலை மாறி தற்போது அவரே புலிகளின் வலையமைப்பை வழி நடத்தி வருவது உறுதி படுத்த பட்ட நிலையில் ஐரோப்பாவில் எங்கும் தமிழ் மக்களிடத்தில் பெரும் பரபரப்பு கிளம்பியுள்ளது . கைது செய்ய பட்ட நபருக்கும் பொட்டு அம்மனுக்கும் நேரடி தொடர்பு இருந்துள்ளதாக தெரிவிக்க பட்டுள்ளது .

வெங்காயத்தின் விலை குறையவில்லை; தக்காளி, பூண்டு விலை குறையவில்லை; சர்க்கரை விலை குறையவில்லை; அரிசி, பருப்பு, கோதுமை விலையும் குறையவில்லை; விவசாயிகளின் தற்கொலை எண்ணிக்கையும் குறையவில்லை!
ஆமாம், 2008-ம் ஆண்டு தற்கொலை செய்துகொண்ட விவசாயிகளின் எண்ணிக்கையைக் காட்டிலும், 2009-ம் ஆண்டு தற்கொலை செய்துகொண்ட விவசாயிகளின் எண்ணிக்கை அதிகரித்திருக்கிறது. தேசிய குற்றப் பிரிவு வழக்குப் பதிவேட்டின்படி தற்கொலைக் கணக்கெடுப்பில் தெரியவந்துள்ள விவரம் இது. 2009-ம் ஆண்டு, பல்வேறு காரணங்களுக்காக 17,368 பண்ணை விவசாயிகள் தற்கொலை செய்து கொண்டுள்ளனர். இது அதற்கு முந்தைய ஆண்டைக்காட்டிலும் 1172 சாவுகள் அதிகம். வேளாண் விளைபொருள்களின் விலை சந்தையில் குறையவில்லை. ஆனால் தற்கொலையும் குறையாது என்றால் எங்கே குறை? இதற்கு யார்தான் காரணம்?
இந்தியா வளரும் நாடாக இருக்கிறது என்பதில் சந்தேகமே இல்லை. இங்குள்ள மிகப்பெரும் நுகர்வுச் சந்தைக்காக அமெரிக்க அதிபர் வந்து உடன்படிக்கையில் கையெழுத்திடுகிறார். சீன அதிபர் வருகிறார். ரஷிய அதிபர் வருகிறார். எல்லோரும் இந்தியாவுக்கு வந்து, இந்தியாவுடன் உறவை மேம்படுத்திக் கொள்கிறார்கள். ஒப்பந்தங்களில் கையெழுத்திடுகிறார்கள். ஆனால், வங்கிக் கடனுக்குக் கையெழுத்திட்ட விவசாயி மட்டும், இந்த நாட்டில் செத்துக் கொண்டிருக்கிறான். என்ன வேதனையான வேடிக்கை!
இந்தத் தற்கொலைப் பட்டியலில் 5 மாநிலங்கள் “பெருமை’ சேர்த்துக் கொண்டுள்ளன. அவை: மகாராஷ்டிரம், கர்நாடகம், ஆந்திரம், மத்தியப் பிரதேசம், சத்தீஸ்கர் மாநிலங்கள். இங்கே முந்தைய ஆண்டைக்காட்டிலும் சராசரியாக 1000 தற்கொலைகள் அதிகரித்துள்ளதாகப் புள்ளிவிவரம் கூறுகிறது.
இந்த மாநிலங்களை விட்டுத் தள்ளுவோம். தமிழ்நாட்டின் நிலைமை என்ன? தமிழ்நாட்டைப் பொறுத்தவரை விவசாயிகள் தற்கொலை அதிகம் இல்லை என்று பெருமைப்பட்டுக்கொள்ளும் அதே நேரத்தில் வருத்தம் தரும் புள்ளிவிவரம் என்னவெனில், இந்தத் தற்கொலைகள் இப்போது இரட்டிப்பாகியுள்ளன. 2008-ம் ஆண்டில் 512 ஆக இருந்த விவசாயிகளின் தற்கொலை எண்ணிக்கை, 2009-ம் ஆண்டில் 1060 ஆக உயர்ந்துள்ளது.
தமிழ்நாட்டில் விவசாயத் தற்கொலைகள் குறைவு என்று தமிழக அரசு வேண்டுமானால் பெருமை பேசலாம். ஆனால், நிலைமை நன்றாக இல்லை என்பதைத்தான் இப்போதைய இரட்டிப்புச் சாவு எண்ணிக்கை வெளிப்படையாகச் சொல்கிறது.
விவசாயிகள் எண்ணிக்கை கிராமங்களில் குறைந்து வருகிறது. நகர்ப்புறங்களுக்கு இடம் பெயர்கிறார்கள். இந்நிலையில், இருக்கும் விவசாயிகளும் கடன் தொல்லையால் தற்கொலை செய்து கொள்வார்கள் என்றால் தமிழகத்தில் யார்தான் விவசாயத்தில் ஈடுபடப்போகிறார்கள்?
கரும்பு விளைவித்தால் விவசாயிக்கு லாபமில்லை. ஆனால் சர்க்கரை ஆலைகள் கோடிகோடியாய் லாபம் அடைகின்றன.
நெல் மூட்டைக்கு கூடுதல் விலை இல்லை. ஆனால் அரிசி மண்டிகள் இப்போதே ஜனவரி மாதத்தில் அரிசிக்கு என்ன விலை என்பதைத் தீர்மானித்து விட்டன. பொன்னி அரிசி தற்போதுரூ.800-க்கு (25 கிலோ) விற்கப்படுவது பொங்கலுக்குப் பிறகுரூ. 1000 என்று தீர்மானித்து, வாடிக்கையாளர்களிடம் இப்போதே வாங்கிக் கொண்டால் பிழைத்தீர்கள் என்று சொல்லவும் செய்கிறார்கள். ஆனால் விவசாயி, மத்தியக் குழுவின் வருகைக்காகவும், அரசின் அறிக்கைக்காகவும் காத்திருக்கிறான். அரசு இழப்பீடு வழங்கினாலும், லஞ்சம் போக அவன் கைக்குக் கிடைப்பது சொற்பமாகத்தான் இருக்கும்.
சிறுஉற்பத்தியான காய்கறிகளில்கூட விவசாயி லாபம் காண முடிவதில்லை. விலையை அவனால் நிர்ணயிக்கவே முடியாது. யாரோ விலையைத் தீர்மானிக்கிறார்கள். வெங்காயம் விலை உயர்ந்தால், கொத்தமல்லி, கறிவேப்பிலைகூட விலை கூடுகிறது. இந்த விலைஉயர்வில் 10 விழுக்காடுகூட விவசாயிக்குப் போய்ச் சேர்வதில்லை. இப்படித்தான் வேளாண் விளைபொருள்கள் சந்தைப்படுத்தப்படுகின்றன.
இன்றைய தமிழகத்தின் மிகப்பெரும் சவால் பாசன வசதியுடன்கூடிய விளைநிலங்களை அரசியல் பினாமிகள் வாங்கிப் போட்டு விவசாயம் செய்யாமல் தரிசாக வைத்திருக்கிறார்கள். இன்னொருபுறம் விவசாயம் செய்யும் விவசாயிகளுக்குப் போதுமான மின்சாரம் கிடைப்பதில்லை. ஜெனரேட்டர் வைத்து நீர்இறைக்கும் சக்தி அனைவருக்கும் கிடையாது. பிறகு எப்படி விவசாயம் நடக்கும்?
புதுக்கோட்டை மாவட்டத்தில் நடந்த அரசு விழாவில், விஜயகுமார் என்கிற விவசாயி, தனக்குத் தமிழக அரசு சார்பில் வழங்கப்பட்ட இலவச டி.வி.யை அமைச்சரிடமே மேடையில் திருப்பிக் கொடுத்துவிட்டு, “விவசாயிக்கு டி.வி. வேண்டாம், குறைந்தது ஒரு மாவட்டத்துக்காவது மின்தடையில்லாமல் செய்யுங்கள்” என்று கூறியிருக்கிறார். குடும்ப அட்டை வைத்திருக்கும் அனைவருக்கும் இலவச டி.வி. வழங்குவதைக் காட்டிலும் முக்கியத்துவம் தரவேண்டிய பிரச்னைகள், குறிப்பாக விவசாயப் பிரச்னைகள் இருப்பதன் வெளிப்பாடுதான் இந்தச் சம்பவம். அரசு இதை ஓர் எச்சரிக்கையாக எடுத்துக்கொள்ள வேண்டும். விவசாயிகள் நலனில் அதிக கவனம் செலுத்த வேண்டும்.
மற்றொரு மிகப்பெரும் தவறைத் தமிழக அரசு செய்து கொண்டிருக்கிறது. தற்போது குடிசை வீடுகளை கான்கிரீட் வீடுகளாக மாற்றும் திட்டத்தில் தேர்வு செய்யப்பட்டுள்ள பயனாளிகளில் 75 விழுக்காடு பயனாளிகள் கிராமத்தில் இருக்கும் விவசாயிகள் மற்றும் விவசாயக் கூலிகள்தான். இத்திட்டத்துக்கு இரும்புக் கம்பி, சிமென்டை வழங்கிவிட்டு, அதற்கான தொகை போக மீதித் தொகையை வீடுகட்டியவருக்கும் தருகிறார்கள். ஆனால் இந்தத் தொகையில் வீடு கட்டவே முடியாது என்பதுதான் எதார்த்த நிலைமை.
அரசு குறிப்பிட்டிருக்கும் அளவின்படியே வீடு கட்டினாலும், குறைந்ததுரூ. 1.25 லட்சம் செலவாகிறது. அரசு தரும்ரூ. 75,000க்கு ஆசைப்பட்டு, மீதித்தொகையை கிராமப்புறங்களில் கடன் வாங்கி வீடு கட்டிக் கொண்டிருக்கிறார்கள். பலருக்கு இது சக்திக்கு மீறிய செலவு. அடுத்த இரு ஆண்டுகளில் இந்த வீட்டுக் கடன், வட்டியோடு பூதாகரமாக நிற்கப்போகிறது.
ஏற்கெனவே நஷ்டத்தில் சிக்கியிருக்கும் ஏழை விவசாயிக்கு இந்த வீட்டுக்கடன் பெரும் பிரச்னையாக உருவெடுக்கும்போது, இவர்களைக் காப்பாற்றப் போவது யார்?
“இந்தியா ஒரு விவசாய நாடு. விவசாயிகள்தான் இந்த நாட்டின் முதுகெலும்பு’ என்று காகிதத்தில் எழுதிப்பிடித்துக் கொள்ளத்தான் வேண்டும். ஏட்டுச் சுரைக்காய்…!

யாழில் அரச எதிர்ப்பாளர்களை சுட்டுக் கொல்லும் இராணுவப் புலனாய்வுப் பிரிவினர்! அதிர்ச்சித் தகவல் அம்பலம்

2010-12-29T02:13:00.000-08:00

“விடுதலை என்பது ஒரு தேசியக் கடமை. இதில் ஒவ்வொருவருக்கும் பங்களிப்பு உண்டு. ஒரு தேசிய இனமுமே பகிர்ந்து கொள்ளவேண்டும். இந்தத் தேசியச் சுமையை சமூகத்தின் அடிமட்டத்திலுள்ள ஏழைகள் மட்டும் தாங்கிக்கொள்ள அனுமதிப்பது நாம் எமது தேசத்திற்குப் புரியும் துரோகம் என்றே சொல்லவேண்டும். "

- தமிழீழத் தேசியத் தலைவர் மேதகு. வே.பிரபாகரன்

வன்னிப் போரின் இறுதி யுத்தத்தில் கைது செய்யப்பட்ட மற்றும் சரணடைந்து விடுவிக்கப்பட்ட தமிழீழ விடுதலைப் புலிகளின் முன்னாள் போராளிகள் சிலரை மீண்டும் கைது செய்வதற்குரிய நடவடிக்கைகள் இராணுவத்தினரால் மேற்கொள்ளப்பட்டுவருகின்ற அதேவேளை யாழ்ப்பாணத்தில் அரசாங்கத்தின் நடவடிக்கைகளுக்கு ஒத்துழைப்பு வழங்காதவர்களை சுட்டுக்கொல்வதற்குமுரிய நடவடிக்கைகளை இராணுவத்தின் புலனாய்வுப்பிரிவின் விசேட பிரிவினர் ஆரம்பித்துள்ளனர்.
யாழ்ப்பாணத்தில் கடந்த ஒரு மாத காலத்திற்குள்ளே இரண்டு கொலைச்சம்பவங்கள் இடம் பெற்றுள்ளன. ஒன்று சங்காலையில் ஆலயப்பிரதம குருவும் அவரது இரு புதல்வர்களும் துப்பாக்கியால் சுடப்பட்டு 5 நாட்களின் பின்னர் ஆலய பிரதம குரு வைத்தியசாலையில் மரணமானதாகத் தெரிவிக்கப்பட்டது.
மற்றது கடந்த 26ம் திகதி உரும்பிராய் பகுதியில் வைத்து வலிகாமம் பிரதிக்கல்விப்பணிப்பாளர் ஆயுததாரிகளால் தனது வீட்டில் கொடுமையாக சுடப்பட்டு துடிதுடித்து இறந்தார். இவ்விரு சம்பவங்களிலும் கொள்ளையர்கள் கொள்ளையடிக்க வந்ததாகவும் அதன்போதே இருவரும் சுடப்பட்டு கொலைசெய்யப்பட்டதாகத் தெரிவிக்கப்பட்டது.
ஆனால் உண்மை அதுவன்று ஆலயபிரதம குரு சுடப்பட்டதற்கும் பிரதிக்கல்விப்பணிப்பாளர் சுடப்பட்டதற்கும் ஒரே ஒரு காரணம் தான் உண்டு இருவரும் அரசின் துரோகத்தனங்களுக்கு துணைபோகவில்லை என்பதே பிரதானமாகும்.
பிரதம குரு சுடப்பட்ட அன்று யாழ்பாணத்திற்கு ஜாதிக ஹெல உறுமயவின் பாராளுமன்ற உறுப்பினர் அத்துலிய ரத்தினதேரர் உட்பட ஒரு சில பௌத்த பிக்குகள் வந்திருந்ததுடன் இந்துக்குருமார்களை அவர்களது அலுவலகத்திpல் சந்தித்து கலந்துரையாடினர்.
இதன்போது இந்துக்குருமார்களையும் பௌத்தபிக்குகளையும் இணைத்து புதிய பல திட்டங்களை மேற்கொள்வதற்கும் அனைவரையும் இணைத்து இந்து பௌத்த சமயங்களை ஒன்றாக்குவதற்கு ஜனதிபதியின் ஆசி கிடைத்திருப்பதாக ரத்திணதேரர் நயவஞ்சமாக பேசியுள்ளார்.
ஆனால் குருமார் இதற்கு இணங்கவில்லை என்றும் இதன்போது இருதரப்பினருக்கும் இடையில் யாருடைய மதம் பெரியது என வாக்குவாதம் ஏற்பட்டு பின்னர் ரத்திணதேரரின் சொற்பொழிவுடன் இருதரப்பினருக்கும் இடையில் மீண்டும் சமாதானம் ஏற்பட்டதும் குறிப்பிடத்தக்க ஒன்று இதனாலேயே இராணுவத்தின் புலனாய்வுப்பிரிவினரால் நயவஞ்சமாக பிரதம குரு கொள்ளை என்ற போர்வையில் சுடப்பட்டார்.
சுடப்பட்ட சில மணிநேரத்திலேயே அவர் யாழ்.போதனா வைத்தியசாலையில் சிகிச்சைக்காக அனுமதிக்கபட்ட நிலையில் மரணமடைந்தார் ஆனால் இதனை இராணுவப்புலானாய்வுப்பிரிவினர் வெளியில் தெரிவிக்ககூடாது என்று வைத்தியர்களுக்கு தெரிவித்ததுடன் சிகிச்சையளிக்கப்படுவதாகவும் பிரதம குரு உயிருடன் இருப்பதாகவும் தெரிவிக்கும் படி கூறியிருந்தனர் என பிரதம குருவின் உறவினர் ஒருவர் எமக்கு தெரிவித்திருந்தார்.
இதற்கு மிக முக்கியமான காரணம் யாழ்.மாவட்ட இராணுவக்கட்டளைத்தளபதி மகிந்த ஹத்துருசிங்கே அப்போது யாழ்ப்பாணத்தில் இல்லை அவருக்கு கிடைத்த விருதுக்கான பாராட்டு வைபவம் யாழ்ப்பாணத்திற்கு வெளியே நடைபெற்றதால் அவர் வரும் வரையே இக்கொலை சம்பவம் வெளியே தெரியாமல் மறைக்கபட்டதுடன் அவர் வந்து யாழ்ப்பாணத்தில் பத்திரிகை செய்தியாளர்களை சந்தித்தபோது சங்கானை சம்பவம் தொடர்பில் தெரிவிக்கும் போது இராணுவத்தினருக்கு கஞ்சா கொடுத்துவிட்டு முன்னாள போராளிகள் சிலரே இராணுவத்தினரின் துப்பாக்கிகளை வாங்கி சென்று கொலை மற்றும் கொள்ளை சம்பவங்களில் ஈடுபட்டு வந்ததாகவும் அவர்களே இதனை செய்ததாகவும் தெரிவித்ததுடன் அவர்கள் இருவரும் சம்பவத்துடன் தொடர்புடைய இராணுவத்தினரும் கைதுசெய்யபட்டுள்ளனர் என்று தெரிவித்தார்.
அன்று மாலையே பிரதம குரு சிகிச்சை பலனின்றி இறந்து போனதாக வைத்தியசாலை வட்டாரங்கள் அறிவித்தன அதேபோல் வலிகாமம் பிரதிக்கல்விப்பணிப்பாளராகவிருந்த ப.விக்கினேஸ்வரன் அண்மையில் வடமாகாண கல்விப்பணிப்பாளராக நியமிக்கப்ட்டதைத் தொடர்ந்து அங்கு சில காலம் கல்விப்பணிப்பாளர் இல்லாமல் இயங்கும் நிலைகாணப்பட்டது இதன்போது பிரதிக்கல்விப்பணிப்பாளரான இவருக்கும் இராணுவத்தினருக்கும் இவருக்கும் இடையில் ஏற்பட்ட சில தர்க்கரீதியான நிலைகளே இவரது கொலைக்கு காரணமெனத் தெரிவிக்கபடுகின்றது.
இதற்கும் பயன்படுத்தபட்ட ஆயுதம் கொளை என்றபோர்வை அதிலும் குறிப்பாக மகளின் காதிலிருந்த தோடு ஒன்றை கழற்றமுயன்றதாகவும் பின்னர் அருகிலிருந்த தந்தையார் சுடப்பட்டு கொலைசெய்யப்படார்களையும் அவர்கள் எடுத்துக்கொண்டு சென்றனர்.
இதெல்லாம் ஒரு புறம் இருக்க யாழ்.அரச அதிபர் திருமதி இமெல்டா சுகுமார் அண்மையில் நடைபெற்ற பத்திரிக்கையாளர் சந்திப்பில் விடுதலைசெய்யபட்ட முன்னாள் போராளிகளுக்கு உரிய வகையில் தொழில் வாய்ப்புக்கள் ஏற்படுத்தபடவில்லையென தெரிவித்ததுடன் யாழ்ப்பாணத்தில் நடைபெற்று வரும் கொள்ளைச்சம்வங்களை குறித்து தனது மனககவலையை தெரிவித்திருந்தார்.
இதிலிருந்து ஒன்று தெளிவாகின்றது தற்போது நடைபெறும் குற்றச்செயல்கள் யாவும் வேலையில்லாமல் இருக்கும் முன்னாள்போராளிகளே மேற்கொண்டுவருகின்றனர் என்று அரச அதிபர் தெரிவித்திருப்பதுடன் யாழ்.மாவட்ட இராணுவக்கட்டளைத்தளபதி முன்னாள் போராளிகளை சங்கானை சம்பவத்துடன் தொடர்புபடுத்தியிருப்பதும் முன்னாள் போராளிகளை மீண்டும் கைது செய்வதுடன் அவர்களில் ஒரு சிலரை கொள்ளை என்ற போர்வையில் கொலை செய்யவும் சிலரை அவற்றுடன் தொடர்புபடுத்தி கைது செய்யவும் இராணுவம் திட்டம வகுத்துள்ளது.

அதேபோல் இராணுவம் மற்றும் அரசின் நடவடிக்கைகளுக்குஎதிரானவர்களையும் அதற்கு ஒத்துழைப்பு வங்காதவர்களையும் இவ்வாறே போட்டுத்தள்ள இராணுவப்புலனாய்வுப்பிரிவின் விசேட பிரிவினர் திட்டங்களை வகுத்துள்ளனர்.
இதே போல முக்கியமான ஒரு சில தமிழ் வர்த்தகர்களையும் சுட்டுதள்ளுவதற்கு இத்திட்டத்தினுள்ளே இராணுவத்தினர் அவர்களின் பெயர்களையும் உள்ளடக்கியிருப்பதாக இராணுவ உயர் அதிகாரி ஒருவர் தெரிவித்ததாக வர்த்தகர் ஒருவர் எமக்கு தெரிவித்துள்ளார்.
ஓன்று மட்டும் எமக்கு தெரிகின்றது எமது வளங்களையும் சொத்துக்களையும் சிங்கள அரசு அழிப்பதற்குரிய சகல நடவடிக்கைகளும் மேற்கொள்ளப்படுவதோடு எமது தனித்துவங்களும் கலாச்சாரங்களையும் அழிக்கும் பனிப்போர் ஏற்கனவே ஆரம்பிக்கப்பட்டுள்ளது.

புலி மௌனித்தாலும் விடமாட்டேனெங்கிறது இந்தியா

2010-12-26T02:03:00.000-08:00

கடந்த முப்பதாண்டு கால ஆயுதப்போரில் ஈழத்தமிழர் பட்ட இன்னல்களை வார்த்தைகளால் சொல்லிவிட முடியாது. சிங்கள இராணுவத்திடம் மட்டுமா ஈழத்தமிழர்கள் போரிட்டார்கள்...ஒரு லட்சத்திற்கு மேற்பட்ட இந்திய இராணுவம் ஈழத்தில் மூன்றாண்டுகளாக செய்த கொடுமைகளைத்தான் வார்த்தைகளால் சொல்லிவிட முடியுமா...தமிழர்களை அழிக்க உலக நாடுகள் ஆயுத மற்றும் பண உதவிகளை சிங்கள காடையர்களுக்கு அள்ளிக்கொடுத்தது. ஏதோ ஜனநாயக வழிமுறையில் தமிழர்களின் உரிமையை வென்றெடுக்கலாம் என்றுதானோ என்னவோ புலிகள் தமது ஆயுதங்களை மே 17இ 2009-இல் மௌனிப்பதாக அறிவித்தார்கள். அன்றிலிருந்து இன்றுவரை ஒரு தோட்டாவாவது சிறிலங்காவில் வெடித்ததுண்டா? அப்படியாக ஒரு தோட்டாவும் வெடிக்கவில்லை. பகைவர்கள் துணிச்சலுடன் உயிருடன் வலம்வருவதுடன், தமிழர்களை ஏளனம் செய்து கொண்டிருக்கிறார்கள். இது இப்படியிருக்க கடந்த சில மாதங்களாக இந்திய ஆட்சியாளர்கள் புலனாய்வுத்துறையூடாக புலி நாட்டுக்குள் வந்துவிட்டதாக புரளியை கிளப்பிவிட்டுள்ளார்கள். ருசிகண்ட பூனை சும்மா இருக்காது என்கிற பழமொழிக்கேற்ப, இந்திய அரசியல்வாதிகளும் இதுவரை காலமும் புலியைச்சாட்டி அரசியல் செய்துவந்தார்கள்.

மே 2009-இலிருந்து புலியின் வரவே இல்லாததையறிந்து இந்தியா கவலை கொண்டுள்ளதைத்தான்; புலிகளைப் பற்றிய எச்சரிக்கை அறிக்கைகள் எடுத்துக்காட்டுகிறது. தமிழக முதலமைச்சர் கலைஞர் கருணாநிதியின் கதை வசனத்தில்தான் மத்திய புலனாய்வுத்துறையின் அறிக்கைகள் வருகிறது என்பது மட்டும் உண்மை. புலிகளைக் காரணம்காட்டி 2011-இல் இடம்பெற இருக்கும் தமிழக சட்டசபைக்கான தேர்தலை சந்திப்பது உட்பட கருணாநிதியின் அரசு மீது சுமத்தப்பட்டிருக்கும் பல ஊழல் புகார்களிலிருந்தும் எப்படியேனும் தப்பித்துவிடலாமென்று மனப்பால் குடிக்கின்றார் கலைஞர் போலும். கார்கில் போரில் ஈடுபட்ட வீரர்களுக்கு வீடுகளை ஒதுக்கீடு செய்ததில் ஊழல், காமன்வெல்த் போட்டிகள் நடத்துவதில் ஊழல், ஸ்பெக்ட்ரம் ஊழல், வீட்டுமனைப்பட்டா ஒதுக்கீட்டில் கலைஞர் செய்த ஊழல், தி.மு.கவின் ராசா உட்பட பல மந்திரிகள் செய்த ஊழல்களென பல நூறு ஊழல் சம்பவங்கள் காங்கிரஸ் மற்றும் திராவிட முன்னேற்ற கழகம் போன்ற கட்சிகளை ஆட்டிப்படைத்துக்கொண்டிருக்கிறது. மன்னிக்கவும்...இந்தியா என்கிற இறைமையுள்ள நாட்டில் இடம்பெறும் அரசியல் சம்பவங்களைப்பற்றியோ அல்லது அந்த நாட்டின் அரசியல்வாதிகளைப்பற்றியோ நாம் விமர்சிப்பது அரசியல் நாகரிகமில்லை.

இருப்பினும் அவர்கள் இன்னொரு நாட்டில் வாழும் மக்களைப்பற்றி பொய்யான செய்திகளை பரப்பி அவப்பெயரை உண்டுபண்ண விளையும்போது அவற்றை எதிர்கொள்ள நாமும் எமது நியாயத்தை எடுத்துச் சொல்வதில் தப்பில்லையென்றே கருதுகிறோம். இந்தியாவின் உள்நாட்டு அரசியல் வெற்றி தோல்விகளில் கடந்த முப்பதாண்டுகாலமாக ஈழத்தமிழரின் போராட்டம் இடம்பிடித்திருந்தது என்பது உண்மை. ராஜீவ் படுகொலைக்கு முன்னர் தமிழ்நாட்டின் பிரதான கட்சிகள் ஈழத்தமிழ் போராளிக்குழுக்களை தமது பக்கம் வைத்துக்கொண்டு அரசியல் பிரச்சாரங்களை மேற்கொண்டார்கள். புலிகளின் முக்கிய பிரமுகர்கள் தமிழ்நாட்டு அரசியல் கட்சிகளின் பிரச்சார வண்டிகளில் ஏற்றப்பட்டு பிரச்சாரத்திற்காக தமிழ்நாட்டின் அனைத்துப் பகுதிகளுக்கும் அழைத்துச் செல்லப்பட்டார்கள். போராளிக்குழுக்களுக்கென போட்டி போட்டு பணத்தை வசூலித்தார்கள்.
ராஜீவ் மரணத்திற்கு பின்னர் புலிகளை எதிர்த்து பிரச்சாரம் செய்து வாக்குகளை தமதாக்கும்வண்ணம் பிரதான கட்சிகள் பிரச்சாரங்களை செய்தன. இன்றும் இதே கதை தொடர்கதையாகவே இருக்கிறது. தமிழகத்தின் மற்றக்கட்சிகள் புலிகளைப்பற்றியோ அல்லது ஈழத்தமிழர்பற்றியோ தமது கொள்கைகளை அறிவிக்குமுன்னரே, எப்படியேனும் முந்திவிட வேண்டும் என எண்ணியே கருணாநிதியின் திராவிட முன்னேற்ற கழக அரசு மத்திய உளவுத்துறையின் மூலமாக புலிகள் பற்றிய புதுக்கதைகளை கட்டவிழ்த்தி விட்டிருக்கிறது. தொடர்ந்து துன்பங்களை அனுபவிப்பவனே மீண்டும் மீண்டும் வரும் சோதனைகளை சந்திப்பான் என்பதற்கிணங்க, ஈழத்தமிழரும் மென்மேலும் பல நெருக்கடிகளை சந்திக்க இப்படியான அறிக்கைகள் வளி அமைத்துக்கொடுக்கும். தமிழர்கள் ஒருபோதும் விடியலைக் காணக்கூடாது என்று கருதும் தமிழின விரோதிகளின் சூழ்ச்சி தொடர்கதையாகவே உள்ளது. தமிழர்கள் இருட்டறைக்குள் இருக்கும்வரை அவர்களை வைத்து பிழைப்பு நடத்தலாம் என்று கங்கணம்கட்டி ஆட்சி செய்யும் நயவன்சகர்களின் தலைமையில் தமிழ்நாடு இருப்பதுவே தமிழர்களின் சாபக்கேடு.
எதிரியுடன் கைகோர்க்கும் நாட்டுடன் தோழமை ராஜீவ் மரணத்திற்குப் பின்னர் சிறிலங்கா அரசியலில் நேரடித் தலையீட்டிலிருந்து ஒதுங்கிக் கொண்டதாக இந்தியா கூறிவந்தாலும் அதன் உளவுத்துறை மற்றும் வெளியுறவுத்துறையைச் சார்ந்த அதிகார வர்க்கம் தொடர்ந்தும் திரைமறைவு செயற்பாடுகளில் ஈடுபட்டே வந்துள்ளது என்பதற்கு ஏராளமான சான்றுகள் உண்டு. ஈழத்தமிழர்களுக்கு எதிராகவும் இந்தியாவின் ஆளுகையை நிலை நிறுத்துவதற்காகவும் இந்திய அதிகார வர்க்கம் அன்று தொட்டு இன்று வரை மேற்கொண்டு வந்த சதி நடவடிக்கைகள் ஏராளமானவை. இந்தியாவின் பாதுகாப்பு ஆலோசகர்கள் மற்றும் ராஜதந்திரிகள் குறிப்பாக ஜே.என்.டிக்ஸிட், எம்.கே.நாராயணன் மற்றும் மேனன் போன்ற தமிழின விரோதிகளின் தவறுதலான வழிகாட்டுதலில் இந்திய மத்திய அரசுகளும் ஈழத்தமிழர்களுக்கு எதிராக செயற்பட்டுக் கொண்டே வந்தது.
ஈழத்தமிழர் மீதான இந்தியாவின் கொள்கையில் சிறிதளவேனும் மாற்றத்தை இதுநாள் வரை காணக்கூடியதாக இல்லை. அரசியல் மற்றும் ராஜதந்திரிகளின் கூற்றுப்படி ஏதோ இந்தியா சிறிலங்கா விடயத்தில் சில கொள்கை மாற்றங்களை செய்யும் என்று கூறினார்கள். இவர்களின் கூற்று பொய்த்துப் போய்விட்டது. இந்தியாவின் பரம எதிரி நாடுகளான சீனா மற்றும் பாகிஸ்தானுடன் சிறிலங்கா நல்லுறவைப் பேணிவருவதுடன் பல உடன்பாடுகளையும் செய்கிறது. இந்த நாடுகளின் செயற்பாடுகள் இந்தியாவின் பாதுகாப்புக்கே அச்சுறுத்தலாகவே கருத வேண்டியிருந்தும், இந்தியா தொடர்ந்தும் சிறிலங்காவுடன் நட்புறவை பேணிவருகிறது. சிறிலங்காவுடன் பரஸ்பர நட்புறவை பேணிவருவதுடன் ஈழத்தமிழர்களின் அறவழிப் போராட்டத்தை கொச்சைப்படுத்தும் வேலைகளிலும் இறங்கியுள்ளது. இந்தியாவின் இச்செயல்கள் இன்று நேற்று நடப்பவையல்ல.
ஏறத்தாள இரு தசாப்தங்களாக இப்படியான செயற்பாடுகள் நடைபெறுகின்றன. தமிழ்நாடு மீண்டும் விடுதலைப்புலிகளின் தளமாகிவிட்டதைப் போல் பொய்யான ஒரு தோற்றத்தை உருவாக்கி தமிழ்நாட்டுத் தமிழர்களை அச்சுறுத்தி அவர்களை ஈழத்தமிழரின் போராட்டத்துக்கு ஆதரவாக குரல்கொடுத்து விடாமல் வாயடைக்கச் செய்யவே இப்படியான சதி நாடகங்கள் அரங்கேற்றப்படுகிறது. பல புலனாய்வு அமைப்புக்கள் மற்றும் ஆராட்சி நிறுவனங்கள் சீனாவின் ஆதிக்கம் இந்திய உபகண்டத்தில் பெருகிவருவது இந்தியாவின் பாதுகாப்புக்கே அச்சுறுத்தல் என்று கூறிய பின்னரும் இந்தியா அதனைக் கவனத்தில் எடுத்துக்கொண்டதாக தெரியவில்லை. பிரச்சினைகளை வளரவிட்ட பின்னர் தீர்வு காண்பதென்பது சிக்கலானதொன்று என்பதை இந்தியா இன்னும் உணராமலுள்ளதா என வினாவுகின்றனர் அரசியல் ஆய்வாளர்கள்.
இந்தியாவின் மக்கள் தொகையைவிட அதிக மக்கள் தொகையைக் கொண்ட அதன் பரம எதிரியான சீனா என்கிற மாபெரும் வல்லரசுடன் உறவைப்பேணும் சிங்கள ஆட்சியாளர்களுடன் கைகோர்த்து நிற்கும் இந்தியாவுக்கு, நாற்பது லட்சமுள்ள ஈழத்தமிழர்களுக்காக போராடும் புலிகள் மட்டும் பெரும் பாதுகாப்பு அச்சுறுத்தலாக தெரிகிறதா? உண்மையான குற்றவாளிகள் யாரென்று தெரிவதற்கு முன்னரே புலிகளின் மீது குற்றத்தைப் போட்டுவிட்டு குற்றவாளிகளை காப்பாற்றும் இந்திய அரசியல்வாதிகளின் செயற்பாடுகள் இன்று நேற்றல்ல, பல தசாப்தங்களாக நடைபெறுகிறது. இந்தியா மற்றும் சிறிலங்காவில் ஏதாவதொரு அசம்பாவிதம் நடைபெற்றுவிட்டால் புலிகள் மீது பழியைப்போட்டுவிடுவதே தொடர்கதையாகவுள்ளது. புலி மௌனித்தாலும் இந்தியாவும் சிறிலங்காவும் விட்டுவைப்பதாற்போல் இல்லை.
மத்திய புலனாய்வுத்துறையின் பொய்ப்பிரச்சாரங்கள் ஈழத்தில் சண்டை ஓய்ந்து சரியாக ஒரு வருடத்தில் அதாவது மே 2010-இல் இந்தியாவின் உளவுப்பிரிவு ஒரு அறிக்கையை விட்டது. புலம்பெயர் நாடுகளில் வதியும் ஈழத்தமிழர் சிலர் இந்தியாவுக்கு எதிராக செயற்படுவதுடன், இந்தியாவின் இறையான்மைக்கெதிராக செயற்படுகிறார்கள் என்றும் இப்புலம்பெயர் தமிழர்கள் இணையத்தளங்களினூடாக இந்தியாவுக்கு எதிராக பிரச்சாரம் செய்கிறார்கள் என ஒரு குண்டையே போட்டது இந்திய மத்திய புலனாய்வுத்துறை. சிறிலங்காவை எதிரி நாடாகவும், இந்தியாவை துரோக நாடாகவுமே இப்புலம்பெயர் தமிழர்கள் பார்க்கிறார்கள் என கூறியது இப்புலனாய்வுத்துறையின் அறிக்கை. விடுதலைப்புலிகள் மீது விதித்திருக்கும் தடையை மேலும் இரண்டாண்டுகள் நீடிக்க தேவைப்பட்ட காரணத்திற்காகவேதான் இவ்வறிக்கையை புலனாய்வுத்துறை வெளியிட்டதென பின்னர் அறியப்பட்டது. திடீரென இன்னுமொரு அறிக்கையை கடந்த வாரம் மத்திய புலனாய்வுத்துறை வெளியிட்டது. இந்தியப் பிரதமர் மன்மோகன்சிங், உள்துறை அமைச்சர் பா.
சிதம்பரம், தமிழக முதலமைச்சர் மு. கருணாநிதி மற்றும் சில தமிழ்நாட்டின் சட்டப்பேரவை உறுப்பினர்கள் உட்பட முக்கிய பிரமுகர்களை சென்னையில் ஜனவரி 3, 2011 அன்று இடம்பெற இருக்கும் நிகழ்ச்சியில் வைத்து கொலைசெய்ய விடுதலைப்புலிகள் திட்டம் தீட்டியுள்ளதாக ஜப்பானின் ஹிரோஷிமாவில் அமெரிக்காவினால் போடப்பட்ட அணுகுண்டைவிட பலமான அணுகுண்டையே போட்டது இந்திய மத்திய உளவுத்துறை.
மே 2009-இல் முடிவுற்ற ஈழப்போரில் தப்பி இந்தியாவிற்குள் நுழைந்துள்ள விடுதலைப்புலி போராளிகளினால் குறிப்பிட்ட இத்தலைவர்கள் கொலை செய்யப்படுவார்கள் என புலனாய்வுத்துறை அறிக்கை தெரிவித்தது. இதனைச் சாட்டாக வைத்து தமிழ்நாட்டின் முதலமைச்சர் கருணாநிதியும் தமிழக காவல்துறையினரை உசார்ப்படுத்தியுள்ளாராம். சிறிலங்காவின் கொடிய இனவெறி அரசு தமிழர் மீது கட்டவிழ்த்து விட்ட காட்டுமிராண்டித்தனமான படுகொலைகளைக் கண்டித்து மனிதநேயமுள்ள நாடுகளும் அமைப்புக்களும் போர்க்குற்றம் தொடர்பான விசாரணைகளை முடக்கிவிட்டுள்ள இக்காலப்பகுதியில் ஈழத்தமிழரின் போராட்டத்தின் நியாயத்தை மழுங்கடிக்க நடாத்தப்படும் நாடகமாகவேத்தான் இவ்வறிக்கையை பார்க்க வேண்டியுள்ளது. ஜனனாயக வழியிலான தமிழீழ மக்களின் எழுச்சியின் பலனாக ஈழப்போராட்டத்துக்கு அனைத்துலக ரீதியில் எழுந்துவரும் ஆதரவையும் தமிழ் மக்களது அரசியல் – இராஜதந்திர நகர்வுகளையும் தகர்த்து, தமிழீழ விடுதலைப் போராட்டம் ஆயுதவழியில் மட்டுமே நாட்டங்கொண்டது என்பதைக் காட்டுவதற்கு சிறிலங்கா அரசு பல சதி நடவடிக்கைகளில் ஈடுபட்டுள்ளது.
பல்லாயிரம் தமிழர்கள் ஒன்றுகூடி மகிந்தா மற்றும் அவரின் 40-பேர் அடங்கிய தூதுக்குழுவையே இங்கிலாந்திலிருந்து துரத்தியடித்த சம்பவம் சிறிலங்காவின் அரச தலைவர்களை ஆத்திரமூட்டியது. இச்செயல் இந்தியாவையும் கவலையடையச் செய்துள்ளது போலும். தீய எண்ணங்கொண்ட சிங்கள அரசின் அணுகுமுறைக்குத் துணைபோகிறார்கள் இந்தியாவின் நடுவன் மற்றும் தமிழக அரசுகள். இன்னுமொரு பலமான குண்டையே இந்த வாரம் மத்திய புலனாய்வுத்துறை போட்டது. இறுதிக்கட்ட யுத்தத்தின் போது ஏராளமான விடுதலைப்புலி உறுப்பினர்கள் நவீன ஆயுதங்களுடன் வெளிநாடுகளுக்குத் தப்பிச் சென்றுள்ளார்கள் என கூறுகிறது இந்திய மத்திய புலனாய்வுத்துறையின் அறிக்கை. தாவூத் இப்ராகிம் என்கிற கொடிய பயங்கரவாதிகள்தான் விடுதலைப்புலிகளுக்கு நான்காம் ஈழப்போரின் இறுதிக்காலம் வரையில் ஆயுத விநியோகத்தை மேற்கொண்டார்கள் எனவும் கூறுகிறது இவ்வறிக்கை. தாவூத் இப்ராஹிம் குழுவின் முக்கிய புள்ளியான மிர்ஸா பெய்க்கிடம் நடாத்தப்பட்ட விசாரணைகளிலிருந்தே மேற்படி தகவல்கள் வெளிவந்துள்ளன கூறுகிறது இப்புலனாய்வு அறிக்கை. யுத்தம் நிறைவுற்ற பின்னரும் கூட விடுதலைப்புலிகளின் முக்கிய தலைவர்கள் பலர் தலைமறைவாக இருந்து விட்டு வெளிநாடுகளுக்குத் தப்பியிருப்பதாகவும் பிடிபட்ட இப்பயங்கரவாத முக்கிய புள்ளியுனூடாக உறிதிப்படுத்தப்பட்டுள்ளதாக இப்புலனாய்வுத்துறை அறிக்கை கூறுகிறது.
மிர்சா பெய்க்கிடமிருந்து விடுதலைப்புலிகளின் புலனாய்வுத்துறை பொறுப்பாளர் பொட்டம்மான் பற்றிய தகவல்களையும் பெற்றுக்கொள்வது தொடர்பான விசாரணைகளை புலனாய்வுத்துறை மேற்கொண்டுள்ள போதிலும், அவற்றின் விபரங்கள் இதுவரை வெளியாகவில்லை என இவ்வறிக்கை மேலும் கூறுகிறது. விடுதலைப்புலிகளின் வலையமைப்பு தொடர்பாக பிடிபட்ட குறித்த நபர் பல விடயங்கள் கூறியிருந்தாலும், பாதுகாப்புக் காரணங்களுக்காகஅவற்றை வெளியிட முடியாதுள்ளதாக மும்பை காவல்துறை வட்டாரங்கள் தெரிவித்துள்ளதாக கூறுகிறது மத்திய புலனாய்வுத்துறை. யாரை திருப்திப்படுத்த முனைகிறது இந்தியா? ஈழத்தமிழரின் போராட்டத்தை கொச்சைப்படுத்தி, அவர்களுக்கு உலகளவில் கிடைக்கும் ஆதரவை இந்தியா மூலமாக செய்ய முயற்சிக்கிறது சிறிலங்கா அரசு.
இந்தியாவும் புலிகளைப் பற்றிய செய்திகளை பரப்புவதனூடாக, தமிழ்நாட்டில் உருவாகும் ஈழத்தமிழ் மீதான அனுதாப அலையை எப்படியேனும் நசுக்கி விடலாமென்று நினைக்கிறது. கலைஞர் கருணாநிதிக்கும் இப்படியான செய்தி தேவைப்பட்டதொன்றே. இவரின் கட்சிக்கெதிராக வந்துகொண்டிருக்கும் ஊழல் புகார்களை மறைப்பதற்காகவும், தனது பிள்ளைகளின் எதிர்காலத்தை மனதில்வைத்தே இப்படியான அறிக்கைகள் உதவுமென்று கருதுகிறார் கலைஞர். கலைஞரிடத்திலோ அல்லது கலைஞரின் பிள்ளைகளிடத்திலோ சில நூறு கோடி ரூபாய்களை அள்ளிக்கொடுத்தால் போதும் மத்திய மந்திரிப்பதவி பெற என்கிற பேச்சு அடிபடுகிறது தமிழகத்தில்.
இப்படியாக பல நூறு கோடி ஊழல் சம்பவங்கள் இடம்பெற்றிருந்தாலும், தனது நிர்வாக சாணக்கியத்தால் தொடர்ந்தும் மக்களை ஏமாற்றி பிழைப்பு நடத்தலாம் என்கிற நினைப்பில் இருப்பவர்தான் கலைஞர். பாவம் கலைஞருக்கு இப்போது அறளை பிறந்துவிட்டது. அதன் காரணமாகத்தானோ என்னவோ பல லட்சம் கோடி ஊழல்கள் வெளிவரத்தொடங்கியுள்ளது. ஒரு படத்தை எடுத்து பணக்காரனானதாக சொல்லிவரும் கலைஞர்இ இன்று தனது குடும்பமே பல சினிமா படங்களை எடுக்கிறது. இது போதாதா கலைஞருக்கு பல லட்சம் கோடி ஊழல் புகார்களை மறைக்க? 86-வயது நிரம்பிய கலைஞரினால் சிந்தித்து செயலாற்றும் திறன் இப்போ மங்கிப்போய்விட்டது போலும். ஆயிராம் நாள் திருடன் ஒரு நாள் பிடிபடுவான் என்கிற பழமொழி கலைஞருக்கு பொருந்துமா என்பதை பொறுத்திருந்துதான் பார்க்க வேண்டும். ஒன்று மட்டும் உண்மை. புலி என்கிற ஆயுதத்தை எடுத்தால் போதும் இந்திய மக்களை ஏமாற்ற.
நடந்த அனைத்துச் சம்பவங்களையும் அவர்கள் மறந்துவிடுவார்கள். இப்படியான ஆயுதத்தை பாவிப்பதனாலேயோ என்னவோ அடிமட்ட தொண்டர்களாக, பணப்பலமற்றவர்களாக இருப்பவர்கள் இன்று இந்தியாவின் முதல் பத்து கோடீஸ்வரர்களின் பட்டியலில் இடம்பெற்று இருக்கிறார்கள். இவர்களைப் போன்றவர்கள் இருந்தால் போதும் இந்தியா நூறு வருடம் கடந்தாலும் மக்களின் முக்கிய தீர்க்கப்படாத பிரச்சினைகளாக இருக்கும் பசி மற்றும் நோய் தீர்க்கப்படாமல் நீடிக்க. இந்திய அரசியல்வாதிகளின் கணிப்பின்படி மக்களை ஓன்றும் தெரியாதவர்களாக, இருட்டறைக்குள் வைத்திருக்கும் வரையில்தான் தாம் மக்களை ஏமாற்றி பிழைப்பு நடத்தலாம் என நன்றாகவே தெரிந்து வைத்திருக்கிறார்கள்.
வெளிச்சத்தில் இருக்கும் மக்களையும் ஏமாற்றவே மௌனித்துள்ள புலியை வம்புக்கு இழுப்பது. வெள்ளைக்காரர்களிடமிருந்து அமைதிவளியில் சுதந்திரம் பெற்ற இந்திய பெருநாடு, சிறிலங்காவில் மூன்று தபாச்தங்களாக அமைதிவளியிலும், பின்னர் மூன்று தசாப்தங்களுக்கு மேலாக பாரிய உயிர் அர்ப்பணிப்புடனும் விடுதலைக்காக போராடிவரும் ஈழத்தமிழர்களை அழித்தொழிப்பதற்காக பேரினவாத சிறிலங்கா அரசிற்கு அனைத்துவகையிலான உதவிகளையும் வழங்குவதுடன், புலம்பெயந்து வாழும் ஈழத்தமிழரையும் சிறிலங்கா அரசுடன் சேர்ந்து இந்தியாவும் விட்டு வைப்பதாக தெரியவில்லை. இந்தியாவின் இப்படியான தமிழர் விரோதப் போக்கு எந்தவகையில் நியாயமென்பதை இந்தியா ஆழ்ந்து சிந்திக்க வேண்டும். தனிப்பட்ட காரணங்களுக்காக அரசியல்வாதிகள், ராஜதந்திரிகள் மற்றும் பாதுகாப்பு ஆலோசகர்களினால் வழங்கப்படும் ஆலோசனையை கேட்பதைத் தவிர்த்து, தமிழர்களின் உண்மையான அரசியல் கோரிக்கையை முன்னிறுத்தி நீதியை இந்தியா பெற்றுத்தர வேண்டுமென்பதே தமிழர்களின் அவா. அதைச் செய்யத்தவறினாலும் பரவாயில்லை ஈழத் தமிழரின் நலன்களுக்கெதிராக எந்தவொரு நாசகார வேலையையும் செய்யாமலாவது இந்தியா இருந்தால் போதும்.
சிங்களவர்களை சாந்தப்படுத்தவும், இந்திய மக்களை திசைதிருப்பி வர இருக்கும் தேர்தல்களில் வெற்றிவாகை சூடி மென்மேலும் நாட்டை குட்டிச்சுவராக்க எண்ணும் காங்கிரஸ், தி.மு.க. போன்ற கட்சிகளுக்காக நாட்டையே பாதுகாக்கும் உன்னத அமைப்பான புலனாய்வுத்துறையினரால் விடப்படும் புலிக்கெதிரான அறிக்கைகள் இந்திய நாட்டுக்கே அவப்பெயரைத் தேடித்தரும். மகாத்மா காந்தி இன்று உயிருடன் இருந்திருந்தால் இந்திய அரசியல்வாதிகள் செய்யும் அட்டூழியங்களைப் பார்த்து தூக்கு போட்டு மரணித்திருப்பார். விடுதலைக்காக போராடும் மக்களை வைத்து பிழைப்பு நடத்தும் இந்திய அரசியல்வாதிகளை யார்தான் திருத்துவார்களோ? இவ் ஆய்வு பற்றிய உங்கள் கருத்துக்கள் வரவேற்கப்படுகின்றன.
தொடர்புகொள்ள வேண்டிய மின்னஞ்சல்: nithiskumaaran@yahoo.com

தொடர்ந்து கொலைவெறியில் நடைவண்டி கருணாநிதியும் இந்திய ஆதிக்கமும்,

2010-12-21T23:32:00.000-08:00

இந்திய துணைக்கண்டத்தில் தமிழ்நாட்டின் அரசியல் தவிர்க்க முடியாமல் ஈழத்தமிழர்களுடன் பிணைந்த ஒன்றாகவே நீண்டகாலமாக இருந்து வருகிறது. ஈழத்தமிழர்களுக்கு எந்த லாபமில்லாவிட்டாலும் தமிழகத்து அரசியல் கட்சிகள் ஈழத்துப்பிரச்சினையை தேர்தல்களை சந்திக்கும் காலங்களில் தமது தோளில் தூக்கி வைத்துக்கொள்ளுவதுண்டு.வாயிலைப் பார்க்கிறாள்-பின்

எப்பொழுதும் தமது உள்நாட்டுப்பிரச்சினை மற்றும் ஊழல்களைமூடிமறைப்பதற்கான வடிகாலாக ஈழத்தமிழர் பிரச்சினை அவர்களுக்கு பேருதவியாக இருந்துவருகிறது. சுயநலத்திற்காக ஈழப்பிரச்சினையை கையிலெடுத்து தாம் தான் ஈழத்தமிழர்களின் மேய்ப்பர்களென்று ஆளாளுக்கு பேரணி உண்ணாவிரதம் போன்றவற்றை போட்டிபோட்டு தம்பாட்டுக்கு நடத்தி தம்பட்டமடிப்பது தமிழகத்து அரசியலில் வாடிக்கையான வேடிக்கை ஒன்று.
ஆனால் இன்றுவரை தமிழக அரசியல்வாதிகளால் ஏற்பட்ட நன்மைகளைவிட ஈழமக்களுக்கு அழிவுகளும் அவலங்களும் உபத்திரவங்களுமே அதிகம். வாழ வழியத்து கடல்வழியாக சென்று அகதியாக தஞ்சமடைந்த ஈழத்தமிழர்கள் கூட, தமிழ்த் தலைவன் தான் என கூறிக்கொள்ளும் கருணாநிதி ஆட்சிசெய்யும் தமிழ்நாட்டில் கைதிகள் போலவும், எஞ்சியவர்கள் தற்கொலை செய்து கொள்ளுபவர்களாகவும், தீக்குளித்து உயிரைப் போக்கிக்கொள்ளுபவர்களாகவும், பெண்கள் தமிழக பொலிஸாரால் கற்பழிக்கப்படுபவர்களாகவும், மாணவர்கள் உயர்கல்வி கற்பதற்கு அனுமதியற்றவர்களாகவும், சொந்தமாக ஒரு பொருளும் வாங்கி அனுபவிக்க அருகதையற்றவர்களாகவும் நாயிற்கடையராக அலைந்துதிரிகின்றனர்.

2009 ம் ஆண்டு தமிழ்நாட்டின் தலைவன் கருணாநிதியின் முழு உடன்பாட்டுடன் வஞ்சகமாக ஈழத்தில் இன அழிப்புசெய்யப்பட்டு ஒன்றரை வருடங்கள் முடிந்துவிட்டன, அங்கு யுத்தம் தொடருவதற்கான எந்த ஒரு அடையாளமும் இதுவரை காணப்படவில்லை. இந்த இடைப்பட்ட காலத்தில் பலமுறை இந்திய வெளியுறவுத்துறை அமைச்சரும், அமைச்சின் செயலரும் மற்றும் கருணாநிதியின் அரசியல்க்கட்சி பிரதிநிதிகளும், சினிமா நடிக நடிகைகளும், இலங்கைக்கு சென்று விருந்துண்டு மகிழ்ச்சியாக கொண்டாட்டங்கள் நடத்தி சொந்தமாக சொத்துக்கள் வாங்கி, தொழில் தொடங்கிவிட்டு திரும்பியிருக்கின்றனர்.
மறுபக்கம் இலங்கையின் ஜனாதிபதி மற்றும் ஸ்ரீலங்காவின் தமிழ் சிங்கள கட்சியினரும் பரசுபரம் பயணங்கள் தொடருகின்றன. தமிழர்களின் மறுவாழ்வுக்கான ஒப்பந்தங்களும் ஏதேதோ செய்வதாக கூறப்படுகிறது. செயல்முறையில் மீள் குடியேற்ற்வாசிகளுக்கு வீடு கட்டுவதற்கான அடிக்கல் ஒன்று நாட்டியது தவிர எதையும் காணமுடியவில்லை.
இந்தநிலையில் புதிய புரளி ஒன்று இந்தியாவால் கிளப்பப்பட்டிருக்கிறது. நகைப்புக்கிடமான இந்தப்புரளி சுயநலன் சார்ந்து இந்தியாவால் புலிகளின் மீது வலிந்து சுமத்தப்படுவது புலிகள் இயக்கமும் ஈழத்தமிழரும் கணக்கில் கொள்ளாவிட்டாலும், சில வேண்டத்தகாத நிகழ்வுகளை இந்தப்பிரச்சாரம் தோற்றுவிக்கக்கூடும் என்ற கவலையும் தமிழ்மக்களுக்கு ஏற்பட்டிருக்கிறது. இந்தியாவும் அந்நாட்டு அரசியல்வாதிகளும் தமது அரசியலின் குறை நிவர்த்தி செய்வதற்காகவும், மாபெரும் ஊழல்க்குற்றச்சாட்டுக்களை கழுவுவதற்காகவும் தேவையற்ற ஒரு பொய்யை மீண்டும் அழிக்கப்பட்ட ஈழத்தமிழர் மீதும் புலிகள் இயக்கத்தின் மீதும் வலிந்து சுமத்தியிருக்கின்றனர்.
இன்னும் ஒருசிலவருடங்களில் இயற்கையெய்திவிடக்கூடிய வயதிலிருக்கும், கடும் முதியவர்களான பிரதமர் மன்மோகன்சிங், ,மற்றும் எழுந்து நிற்கமுடியாத சக்கர நாற்காலி உதவியுடன் நடமாடும் கருணாநிதி, உட்பட முக்கிய தலைவர்களைப் படுகொலை செய்யும் திட்டமொன்று விடுதலைப் புலிகளால் வகுக்கப்பட்டுள்ளதாக ரைம்ஸ் ஒப் இந்தியா பத்திரிகை மூலம் வெளியிடப்பட்டிருக்கிறது.

விடுதலைப் புலிகள் இராணுவ ரீதியாகத் தோற்கடிக்கப்பட்ட பின்,
புலிகளில் பலர் இந்தியாவுக்குள் ஊடுருவியுள்ளனர். அவர்கள் மூலமே இந்திய பிரதமர் மன்மோகன் சிங் உட்பட்ட முக்கிய தலைவர்களைப் படுகொலை செய்யும் திட்டம் தீட்டப்பட்டுள்ளதாக, இந்தியப் புலனாய்வுத்துறை புதிய கண்டுபிடிப்பொன்றை கண்டுபிடித்துள்ளதாக அந்தச்செய்தி தெரிவிக்கிறது. குறிப்பாக இந்தியப் பிரதமர் மன்மோகன்சிங், காங்கிரஸ் தலைவர் சோனியா, இந்திய உள்துறை அமைச்சர் ப. சிதம்பரம், தமிழ்நாடு முதலமைச்சர் மு.கருணாநிதி, ஆகியோரை இலக்கு வைத்துத் தாக்குதல்களை மேற்கொள்வது அவர்களின் நோக்கமாக இருப்பதாக ரைம்ஸ் ஒப் இந்தியா பத்திரிகை தெரிவிக்கின்றது.
"ஈழத்தமிழர்களின் உச்ச வெறுப்புக்குள்ளானவர்கள் இந்த நான்குபேரும் என்பது ஈழத்தமிழ்த்தாயின் வயிற்றில் பிறந்த பால்குடிக்கும் குழந்தைக்கும் தெரியும்". ஆனால் இன்று போராட்டம் தற்காலிகமாக ஈழத்தில்வாழும் தமிழ் மகனின்கையில் இல்லை .புலம்பெயர் தேசங்களில்த்தான் சட்டத்துக்குட்பட்ட வகையில் நீதிகேட்டு இனப்படுகொலைக் குற்றவாளிகளை இனங்காட்டும் போராட்டம் நடந்துகொண்டிருக்கிறது. அத்துடன் எவரையும் கொலைசெய்யும் தேவை புலிகளுக்கிருப்பதாகவும் நம்பமுடியாது.
இந்தியா என்ற நாடு அறிந்திருக்காத மனுதர்மத்துடன் ஜனநாயக வழியில் சர்வதேச அரங்குக்கு போராட்டத்தை கொண்டுசென்று புலம்பெயர் தமிழர்கள் நியாயம் கேட்டு போராடிக்கொண்டிருக்கின்றனர். இந்த எழுச்சி இந்தியாவை கலக்கத்தில் ஆழ்த்தியிருக்கலாம். இந்த நேரத்தில், பிரதமர் மன்மோகன்சிங், சோனியா காந்தி, கருணாநிதி, உள்துறை மந்திரி ப.சிதம்பரம் உள்பட நாட்டின் முக்கிய தலைவர்களுக்கு விடுதலைப்புலிகளால் ஆபத்து இருப்பதாகவும், தமிழகத்தில் உரிய பாதுகாப்பு ஏற்பாடுகளை பலப்படுத்தும் படியும் மத்திய உளவுத்துறை எச்சரித்துள்ளதாக தமிழக பொலிஸ் டி.ஜி.பி லத்திகா சரண் பேட்டியொன்றில் தெரிவித்துள்ளார்.
லத்திகா சரண் சர்ச்சைக்குரிய ஒரு பொலிஸ் அதிகாரி. அவர் டிஜிபி யாக பதவி வகிக்க தகுதியில்லாதவரென உச்ச நீதிமன்றம் தீர்ப்பு வழங்கி தகுதியானவர் பதவியில் அமரும்வரை லத்திகாவை தற்காலிகமாக தொடரும்படி பணித்திருக்கிறது. கருணாநிதி தனது வசதிக்காக லத்திகாவை விட சிரேஸ்ட்ட அதிகாரியை இருட்டடிப்புச்செய்து தனது சுயலாபம் கருதி லத்திகாவை பணியில் அமர்த்தியிருக்கிறார். நன்றிக்கடனைத்தீர்க்க லத்திகா எதுவேண்டுமானாலும் செய்யவேண்டிய கட்டத்தில் இருக்கிறார்.
2011 ஆண்டு மே தமிழ் நாட்டுக்கான சட்டசபைத்தேர்தல் வரவிருக்கிறது. இந்தநேரத்தில் தொலைதொடர்புத்துறை 2G ஸ்பெக்ட்ரம் அலை வரிசை ஒதுக்கீட்டு ஊழல் பூதாகரமாக 176,000,00,00,000, லட்சம் கோடி குற்றச்சாட்டு திமுக மீதும். கூட்டாளி காங்கிரஸின் மீதும் வீழ்ந்திருக்கிறது. இச்செய்தி உலகப்பிரசித்தி பெற்றதென்பதால் அதுபற்றி விபரிக்கத்தேவையில்லை. ஆனாலும் முதல்க்குற்றவாளிகள் (திருடர்கள்) 1, ஆண்டிமுத்து ராசா.திமுக மத்திய மந்திரி தொலைத்தொடர்புத்துறை, 2, கருணாநிதியின் மூன்றாம் தாரத்து மனைவி ராசாத்தியம்மாளின் மகள் கனிமொழி. 3, திமுக ஆதரவு புலனாய்வுப்பத்திரிகை நக்கீரனின் இணை ஆசிரியர் அ. காமராஜ். 4, சென்னையில் கனிமொழியுடன் இணைந்து தொண்டு அமைப்பு என்கிறபேரில் தமிழ் மையம், என்கிற அமைப்பை நடத்திவரும் முன்னாள் பிலிப்பைன்ஸ் வெரித்தாஸ் வானொலியில் பணியாற்றி புலிகள் இயக்கத்தையும் தேசியத்தலைவரையும் ஏமாற்றிய போலிப்பாதிரி ஜெகத் கஸ்பர்ராஜ், இன்னும் நிறைய கருணாநிதியின் பினாமிகள் மாட்டியிருக்கின்றனர். இவைகளிலிருந்து மீளவேண்டுமானால் ஏதாவது பலமான திசைதிருப்பல் திமுக, காங்கிரஸுக்கு உடனடித்தேவை.
அதற்கு பலியிட்டிருக்கும் ஒரு வீண் பழிதான், மேற்சொன்ன முக்கிய தலைவர்களைப் படுகொலை செய்ய விடுதலைப் புலிகளால் திட்டமொன்று வகுக்கப்பட்டுள்ளதாக கூறப்படும் கட்டுக்கதை. இந்தக் கட்டுக்கதையை உலகமும் இந்தியாவிலுள்ள மக்களும் நம்புகிறார்களோ இல்லையோ அரசியல் மட்டத்தில் சில காய்நகர்த்தல்களை மேற்கொண்டு ஸ்பெக்ரம் பிரச்சினையை திசைதிருப்பி காலதாமதப்படுத்தி வரப்போகும் தேர்தலுக்கு பங்கமில்லாமல் தப்பிக்கவேண்டும் என்பது கருணாநிதி மற்றும் காங்கிரசின் நோக்கமாகும்.
ஸ்பெக்ரம் ஊழலின்பின் காங்கிரஸுக்கு திமுக மீது அதிக கோபமும் வெறுப்பும் உண்டாகியிருக்கிறது. ஆனால் அவற்றை வெளிக்காட்டமுடியாத சங்கடமும் காங்கிரஸுக்கு உண்டு. பிரதமரின் மந்தமான நடைமுறைதான் ஊழலுக்கு வித்திட்டதாக எதிர்க்கட்சிகள் தொடர்ந்து குற்றஞ்சாட்டுகின்றன. ஊழலில் அதிக இலாபம் பெற்றவர்கள் திமுகவினர் என்பதும் உண்மை. ஆனால் அவைகளை முன்னிறுத்தி ஊழலை ஒப்புக்கொண்டுவிட முடியாத சிக்கல் காங்கிரசுக்கு உண்டு, ஊழல் உறுதிப்படுத்தப்பட்டுவிட்டால் ஆட்சி கலைக்கப்பட்டுவிடும் அபாயம் காங்கிரஸுக்கும் திமுகவுக்கும் பீதியை ஏற்படுத்தியிருக்கிறது. இதிலிருந்து மீள்வதற்கு ஏற்படுத்தப்பட்ட பூச்சாண்டிதான் மேற்சொன்ன படுகொலை என்கிற கட்டுக்கதைத்திட்டம்.

இரண்டாவது:, ஈழத்தன் போர்க்குற்றங்களை பிரித்தானிய சனல் 4, கொல்லப்பட்டவர்களை இனங்கண்டு ஒளிப்படங்களாகவும் வீடியோவாகவும் சர்வதேச அரங்கத்திற்கும் அம்பலப்படுத்திவிட்டது. ராஜபக்க்ஷ உடனடியாக நீதியின் முன் நிறுத்தப்படுகிறாரோ இல்லையோ சில இராணுவ அதிகாரிகள் குற்றவாளிகளாக அறியப்பட்டுவிட்டனர். போர்க்குற்றம் உறுதிப்படுத்தப்பட்டு அவர்களை விசாரணைக்குட்படுத்தும் பட்சத்தில் ஈழப்படுகொலையில் இந்தியா எந்த அளவுக்கு ஈடுபட்டது என்ற உண்மை வெளிவருவதற்கு நிறைய சந்தற்பங்களுண்டு.
பிற ஆதாரங்களாக விக்கிலீக்ஸ்ஸின் ஆவணங்கள், தமிழ் நாட்டிலிருந்து வெளியாகும் சவுக்கு இணையத்தளம் மற்றும் அமெரிக்க தூதுவர் பற்றீசியா புட்டெனிஸ், அவர்கள் வெளியிட்டதாகக்கூறப்படும் சந்தேகம். மலேசிய பினாங்க் துணை முதல்வர் பி ராமசாமி அவர்கள் இந்தியாவுக்கு எதிராக அமெரிக்க ஜனாதிபதி ஒபாமாவுக்கும் ஐநாவுக்கும் அனுப்பிய போர்க்குற்றச்சாட்டு. இவை அனைத்தும் சேர்ந்து இந்திய அரசுக்கும் தமிழக முதல்வர் கருணாநிதிக்கும் எதிராக பல சங்கடங்களை தோற்றுவிக்கும்,
இதை அறிந்த இந்தியத்தரப்பு, புலிகள் தமக்கு எப்போதும் எதிரான நடவடிக்கையில் தொடர்ந்து ஈடுபடுகின்றனர், இப்போதும் இந்தியத் தலைவர்களை குறி வைத்து கொலைசெய்யும் சதியில் ஈடுபட்டுக்கொண்டிருக்கின்றனர் அதனால்த்தான் இறுதி யுத்தத்தின் போதும் நாங்கள் சிங்கள அரசுடன் இணைந்து எம்மை காப்பதற்காக புலிகளை கட்டுப்படுத்த ஸ்ரீலங்கா அரசுக்கு உதவினோம், என்று தப்பிப்பதற்கான முற்கூட்டிய தயாரிப்புத்தான் புதிதாக கிளப்பி விடப்பட்டிருக்கும் புலிகளின் படுகொலை திட்டம் என்கிற கதை. இதனுடன் 1991ம் ஆண்டு தமிழ்நாட்டின் ஸ்ரீ பெரும்புதூரில் வைத்து முன்னை நாள் இந்தியப் பிரதமர் ராஜீவ் காந்தியைப் படுகொலை செய்ததும் புலிகள் அமைப்பினர் தான் என்பதால், புலிகள் பற்றிய புலனாய்வில் தாம் தொடர் கண்காணிப்பில் இருப்பதால் தற்போதய இரகசியம் தமக்கு உடனடியாக கிடைக்கப்பெற்றதாக பரப்புகின்றனர்.
சமீபத்தில் இந்திய அரசின் சார்பில் தமிழீழ விடுதலைப் புலிகள் இயக்கத்தின் மீதான தடையை இரண்டு ஆண்டுகள் நீ‌ட்டித்து உள்துறை அமைச்சகம் செய்தி வெளியிட்டிருந்தது. மத்திய அரசு பிறப்பித்த அந்த உத்தரவை உறுதி செய்வதற்காக, சட்டத்திற்குப் புறம்பான நடவடிக்கைகள் தடுப்புச் சட்டத்தின் கீழ் அமைக்கப்பட்ட நீதிபதி விக்ரம்ஜித் சென் தலைமையிலான தீர்ப்பாயத்தில் நடந்த விசாரணையின் போது, இலங்கையில் இருந்து தப்பிவரும் விடுதலைப் புலிகள் தமிழ்நாட்டில் ஒன்றிணைய முயன்று வருகிறார்கள். அது இந்தியாவின் பாதுகாப்பிற்கும், இறையாண்மைக்கும் அச்சுறுத்தலாகும்” என்று அரசின் சார்பாக கூறப்பட்டது.
அங்கு கூறப்பட்ட நியாயம் நீதிபதியை திருப்திப்படுத்தவில்லை. அதற்கான ஆதாரங்கள் ஏதேனும் உள்ளதா என்று அவர் கேள்வியெழுப்பினார். இது உளவுத் தகவல் என்று அரசு அதிகாரிகளால் தெரிவிக்கப்பட்டது. அதற்கு நீதிபதி, இப்படி யார் வேண்டுமானாலும் கூறலாம், என்று தனது சந்தேகத்தை எழுப்பினார். அதற்கான காரணங்களை உறுதிப்படுத்துவதற்காக இப்படியொரு கட்டுக்கதை புனையப்பட்டிருக்கிறது என்றே நம்பலாம்.

தொடர்ச்சியாக தமிழீழ விடுதலைப் புலிகள் மீதான தடையை எதிர்த்து வைகோ அவர்கள் சென்னை உயர் நீதிமன்றத்தில் வழக்குத் தொடர்ந்திருந்தார், அது விசாரணைக்கு ஏற்றுக்கொண்டதை குழப்புவதற்கான சூழ்ச்சியாகவும் இந்த திட்டம் அரசு உதவியுடன் புலனாய்வுத்துறையினரால் தயாரிக்கப்பட்டிருக்கிறது.
ராஜீவ் காந்தி படுகொலைக்குப் பிறகு தமிழீழ விடுதலைப் புலிகள் இயக்கத்தை முதலில் பயங்கரவாத இயக்கம் என்றது இந்திய அரசு. ஆனால் அதனை உச்ச நீதிமன்றம் ஏற்க மறுத்த பிறகு, சட்டத்திற்குப் புறம்பான இயக்கம் என்று கூறியே தொடர்ந்து தடையை நீ‌டித்து வருகிறது. அதற்கான காரணம் எதுவும் கிடைக்காத நிலையில்தான், இப்படி ‘தமிழ்நாட்டில் ஒன்றிணைகிறார்கள்’, ‘இந்தியாவின் பாதுகாப்பிற்கு அச்சுறுத்தல்’, ‘தலைவர்களின் உயிருக்கு ஆபத்து’ என்றெல்லாம் தொடர்ந்து கதைகட்டுகின்றனர். இது இன்னுமொருவகையில் சிங்கள ராஜபக்க்ஷவை தூக்கிவிட்டு தமிழர்களை இல்லாமல் அழிக்கும் திட்டத்தின் ஆரம்பமாகவும் இருக்கலாம். இந்தியா தொடர்ந்து இப்படியான கீழ்த்தரமான செயலில் ஈடுபடுவதற்கு கருணாநிதியின் கொள்கைவகுப்பே காரணமாகித் தொடர்கின்றது.
எவ்வளவு தமிழர்களை கடலில் வைத்து சிங்கள இராணுவம் சுட்டுக்கொன்றாலும் காங்கிரஸை எதிர்த்து பதவியை பறிகொடுக்க விரும்பாத கருணாநிதி புலிகளை காரணங்காட்டி ராஜபக்க்ஷவை நியாயப்படுத்தும் எச்செயலையும் செய்யத்தயங்கமாட்டார் என்பது பல இடங்களில் உறுதியாகியிருக்கிறது.

கருணாநிதியை எதிர்க்கும் பெரும் சக்தியாக தமிழக மீனவர்களுக்கும் ஒடுக்கப்பட்டவர்களுக்கும், செந்தமிழன் சீமான் தலைமையிலான நாம் தமிழர் அமைப்பு உரக்க குரல்கொடுத்து வளர்ந்துவருவதும் கருணாநிதிக்கு வயிற்றை கலக்கும் செயல்ப்பாடாகியிருக்கிறது. புலிகளுக்கு இந்தியாவில் தடை நீக்கப்பட்டுவிட்டால் சீமானின் புலிகளின் ஆதரவு கொள்கை மக்கள் மத்தியில் வலுப்பெற்றுவிடும், என்பதால் கருணாநிதி சாகும்வரை புலி உருவத்திலான பொம்மைக்குக்கூட இந்தியாவில் தடைநீக்கம் செய்யக்கூடாது என்பதற்காக புலிப்பூச்சாண்டி கருணாநிதியைப் பொறுத்தவரை தொடர்ந்து உயிர் வாழ்ந்துகொண்டேயிருக்கும்.

ஆரம்பத்தில் சீமானின் பிரவேசம் இவ்வளவு பூதாகரமாக தன்னை எதிர்க்குமென கருணாநிதி நம்பவில்லை சீமானின் ஈழ ஆதரவுக்கொள்கை கருணாநிதிக்கு பயத்தை அதிகரித்து அடுத்தடுத்து சீமானை தேசியப்பாதுகாப்பு சட்டத்திலும் தூக்கி உள்ளேபோட்டார். ஆனால் உயர்நீதிமன்றமே அது செல்லாது என்றுகூறி சீமானை விடுவித்திருக்கிறது. கருணாநிதியின் இப்பேற்பட்ட கீழ்த்தரமான அடக்குமுறைகள் மக்களை இன்னும் சீமான் தலைமையில் அணிதிரள வைத்திருப்பதும் கருணாநிதிக்கு விடுதலைப்புலிகளை தொடர்ந்து தடைசெய்யவேண்டிய கட்டாயத்தையும் உண்டுபண்ணிக்கொண்டிருக்கிறது. விடுதலைப்புலிகளின் தடை நீக்கப்பட்டால் வைகோ நெடுமாறன் போன்றோருடன் பெரும் சக்தியாக உருவாகிக்கொண்டிருக்கும் சீமான் தலைமையில் தமிழ்நாட்டை பறிகொடுக்கவேண்டுமென்ற பயம் அவரை ஒரு நடைவண்டி ஹிட்லராக மாற்றியிருக்கிற

தூளியைப் பார்க்கிறாள்

தாழ்திறவாதே என ஏங்கியவள்

தாலாட்டுப் பாடுகிறாள்

"அழும் குழந்தைக்கு

அப்பா வருவார் ஆரிரரோ

கண்ணே மணியே கண்ணுறங்கு

காத்திருப்போம் நாம் ஆரிரரோ"

அழும் குழந்தையின் கண்ணீரோடு

அவள் கண்ணீரும் கலக்க

காத்திருக்கிறாள் அவளும்

மாதங்கள் பலவாய்...

மாலையிட்டவன் மண்ணிற்காய்

மாவீரனானது தெரியாமல்- அவள்

மறுபடியும் "அப்பா வருவார் ஆரிரரோ"

பாடினாள், இனியும் பாடுவாள்....

அந்தோ பரிதாபம்....!

football god

அந்தோ பரிதாபம்....!

பிரிகேடியர் தமிழ் செல்வனை கொலை செய்ய வயதான மூதாட்டி கொடுத்த புலனாய்வு தகவல்

2010-12-20T02:20:00.000-08:00

செந்தமிழர் மாவீரர் வன்னியசிங் கத்தை நாம்
வெந்தழலில் வைத்தோம்... விடுதலையே
சிந்தனையாய்
நின்றார் அறவீரர்! அன்னார் உயிர் நீஏன்
கொன்றாய்? கொடுஞ்சாவே கூறு!

அதிகாலைவேளை சு.ப தமிழ்ச்செல்வன் அண்ணா அவர்கள் அந்த அலுவலகத்தில் தான் இருக்கிறார் என்பது யாருக்குத் தெரியும் ? கிபீர் விமானம் தாக்குதலுக்கு வந்தால் அவர் நிச்சயம் அந்த மாமரத்துக்கு கீழ் உள்ள பங்கருக்குத்தான் செல்வார் என்று எவர் எவருக்குத் தெரியும் ? நேரடியாக தரையில் இருந்தவாறு அவர் வாகனத்தின்

நடமாட்டத்தைக் கண்காணித்து சிங்கள காடையருக்கு செய்தி சொன்னதும் ஒரு தமிழ் மூதாட்டி என்றால் நம்பமுடியுமா உங்களால் ? ஆம் நம்பித்தான் ஆகவேண்டும் ! சுப.தமிழச்செல்வன் அவர்களின் வீடு கிளிநொச்சி 55ம் கட்டையில் உள்ளது. அவர் வீட்டில் இருந்து 3வது வீடு ஒன்றில் அவர் தனது அலுவலகதை வைத்திருந்தார். அந்த வீட்டிற்கு முன் வீட்டில் 48 வயது நிரம்பிய ஆச்சி ஒருவர் வசித்துவந்தார். அவரிடம் தென்னிலங்கையில் இருந்து தெயிலை வியாபாரிகள் வந்துசெல்வது வழக்கம்.

தெயிலை வியாபாரி வேடத்தில் வந்த அவர்கள், அந்த ஆச்சிக்கு பணத்தாசையைக் காட்டி மயக்கியுள்ளனர். CDMA போன் ஒன்றையும் கொடுத்து சுப.தமிழச்செல்வனின் நடமாட்டத்தைக் கண்காணிக்கவும் சொல்லியுள்ளனர். கிபீர் விமானங்கள் தாக்குதலுக்கு வந்தால் அவர் என்ன செய்வார் என்பதைக்கூட அந்த ஆச்சி, துல்லியமாக தென்னிலங்கை தேயிலை வியாபாரிக்குச் சொல்லியுள்ளார். அதன் அடிப்படையில் தாக்குதல் நெறிப்படுத்தப்பட்டுள்ளது. கிபீர் போட்டுச் சென்ற குண்டுகள் முதலில் பதுங்கு குழிகளுக்கு மேல் உள்ள மண் மூடைகளைத் தகர்தது, அதில் இருந்து முன் நோக்கிப் புறப்பட்ட இரண்டாவது குண்டு கொங்கிரீட்டை ஊடறுத்து உள்ளே போய் வெடித்துச் சிதறியது. என்றும் நித்திய புன்னகையோடு இருக்கும் தமிழ்ச்செல்வன் வீரச்சாவை தழுவிக்கொள்கிறார். அவரோடு எப்போதும் அருகில் இருக்கும் லெப்-கேணல் அன்புமணி (அலெக்ஸ்), மேஜர் மிகுதன், மேஜர் செல்வம் கப்டன் நேதாஜி, லெப் ஆட்சிவேல், லெப் வாகைக்குமரன், ஆகியோரும் வீரச்சாவைத் தழுவிக்கொள்கின்றனர். சமாதானச் செயலகத்திற்கு இத் தகவல் பரிமாறப்படுகிறது. தாக்குதல் இடம்பெற்ற இடத்தில் சித்தார்த்தன் மட்டுமே உயிரோடு இருக்கிறார். அப்போது அங்கே ஈழப்பிரியன், ரேகா உட்பட பல போராளிகள் விரைந்துசெல்கின்றனர். எப்படியாவது குழியைத் தோண்டி

சுப . தமிழ்ச்செல்வனை உயிரோடு வெளியே எடுக்கலாம் என நம்பி தோண்ட ஆரம்பிக்கின்றனர். ஆனால் மிஞ்சியது வேதனை மட்டும்தான். அவர் வீரச்சாவடைந்த செய்தி உலகில் வாழும் அனைத்துத் தமிழர்கள் நெஞ்சையும் சொல்லெண்ணா துயரில் ஆழ்த்தியது மட்டுமல்லாது, பல உலகத் தலைவர்களிடம் இருந்து கண்டனங்கள் எழுந்தது. இச் செய்தியை அறிந்த நான் உடனே ஒரு சமாதானச் செயலாளரை இலங்கை அரசு அநியாயமாக கொன்றுவிட்டது என்பதை ஆதாரபூர்வமாக, புகைப்படங்களையும் இணைந்து ஜ.நா மனித உரிமை ஆணையகத்துக்கு அனுப்புகிறேன். அதே நேரம் அன்று மாலை அஞ்சலி நிகழ்வு ஒன்றும் நடைபெற இருப்பதாக அப்போது நான் அறிந்தேன். தமிழ் கவியரசு என்று சொல்லுவார்கள், தமிழில் பற்று உள்ளவர் என்று சொல்லுவர்கள், அத்தோடுமட்டுமல்ல தமிழ் எங்கள் உயிருக்கும் மேல் என பல மேடைகளில் பேசிவந்த, கவிப்பேரரசு வைரமுத்து அவர்களை தொடர்புகொண்டு சு.ப. தமிழ்ச்செல்வனுக்கு ஒரு இரங்கல் கவிதை எழுதித் தரும்படி கோரினேன், அவர் அங்கு இருக்கவில்லை. அவரின் செயலாளர் வைரமுத்து பங்களாவுக்குச் சென்று பாட்டு எழுதுவதில் படு பிசியாக இருப்பதாக என்னிடம் கூறினார். அவர் கவனம் முழுக்க முழுக்க சு.ப தமிழ்ச்செல்வன் மரணம் குறித்த கேள்விகளாகவே இருந்தத
. சற்று நேரத்தில் தமிழ் நாட்டில் இருந்து தினகரன், தினமணி, உட்பட பல முன்னணிப் பத்திரைகைகளில் இருந்து எனது கையடக்கத் தொலைபேசிக்கு அழைப்புகள் வரத்தொடங்கியது. தமிழ்ச்செல்வன் இறந்துவிட்டாராமே !

உண்மையா உறுதியாகக் கூறமுடியுமா ? என்று கேட்டு நச்சரித்தார்கள் அவர்கள். யாரிடம் இருந்து எனது தொலைபேசி இலக்கத்தைப் பெற்றுக்கொண்டீர்கள் என நான் வினவ, வைரமுத்துவின் பி.ஏ( செயலாளர்) தான் தந்ததாகக் கூறிய அவர்கள் சூடான செய்திகளைத் தந்தால் பணம் தருவதாக எனக்கே கூறினார்கள் என்றால் பாருங்களேன். இங்கே ஒரு இனம் தமது ஈழவிடுதலைப் போராட்டத்திற்கு 33,000 போராளிகளை விலைகொடுத்துப் போராடிக்கொண்டு இருக்கிறது, தன்னிகரில்லா அரசியல் தலைவரான சு.ப தமிழ்ச்செல்வனை இழந்து தவிக்கிறது, ஆனால் அங்கோ சூடான செய்திகளைத் தேடி, சாவையும் பணமாக மாற்ற ஒரு கும்பல் அலைந்து திரிகிறது. அதிலும் வைரமுத்துவின் பிரத்தியேகச் செயலாளர், பணம் சம்பாதித்த விததைப்பார்த்தால் பெற்ற தாயை விற்றுப்பிழைப்பதைவிடக் கேவலமானது. பல நாட்கள் ஆகியும் கவிஞர் வைரமுத்து தொடர்புகொள்ளவில்லை. நாட்கள் உருண்டோடி 3 ஆண்டுகள் ஆகிவிட்டது. குறிப்பாக சமாதான காலத்தில் பல வெளிநாட்டவர்கள் வன்னிசென்று தமிழ்ச்செல்வன் அவர்களை பார்த்திருப்பார்கள்.

அவர்களில் பலரை தழிச்செல்வன் அவர்கள் தொலைபேசியில் தொடர்புகொண்டு, பேசியுள்ளார். இறப்பதற்கு 2 நாட்களுக்கு முன்னர் அவர் தனக்குத் தெரிந்த அநெகமானோரிடம் தொலைபேசியில் பேசியுள்ளார். தாம் இறக்கப் போகிறோம் என்று முன்னரே அவருக்குத் தெரிந்துதான் எல்லோரிடமும் அவர் பேசியிருக்கிறார் என பல நண்பர்கள் எனக்குச் சொல்லியதை நான் கேட்டிருக்கிறேன். எது எவ்வாறு இருப்பினும் தமிழீழப் போராட்ட வரலாறில் சமாதன காலப் பகுதியில், பல நாட்டுத் தலைவர்களைச் சந்தித்து தமிழர்களின் பிரச்சனையை உலகறியச்செய்தவர் தமிழ்ச்செல்வன் அவர்கள்.

அவர் போராட்ட வலராற்றில் என்றும் ஒரு மைல் கல்லாகவே அமைந்து சரித்திரம் படைத்துள்ளார் என்பதே மறுக்கமுடியாத உண்மையாகும். எனது அனுபவத்தை உங்களோடு பகிர்ந்திருக்கிறேன் .

சச்சின் 50 டெஸ்ட் கிரிக்கெட்டில் வரலாற்று சாதனை

செஞ்சூரியன் : பாகிஸ்தானுக்கு 1989ம் ஆண்டு, நவம்பர் மாதத்தில் சென்ற இந்திய அணியில் 16 வயது நிரம்பிய சிறுவன் ஒருவன் இடம் பெற்றிருந்தான். அவனுடைய திறமை பாராட்டி பத்திரிகைகளில் பல செய்திகள் வந்திருந்தாலும் யாருக்கும் அதில் நம்பிக்கை இல்லை. ஆனால், சில போட்டிகளுக்கு பின் அந்த சிறுவனை கிரிக்கெட் உலகம் கொண்டாட தொடங்கியது. 21 ஆண்டுகள் முடிந்து விட்டன. அந்த சிறுவனுக்கு இப்போது 38 வயதாகி விட்டாலும் அவரது கிரிக்கெட் தாகம், ஆர்வம், திறமை சிறிதும் குறையவில்லை; மங்கவில்லை. அவர்தான் சச்சின் டெண்டுல்கர் என்ற சொல்ல தேவையில்லை.

டெஸ்ட், ஒருநாள் என 2 பிரிவு போட்டிகளிலும் பல சாதனைகளை செய்துள்ள சச்சின், இனி யாருமே நெருங்க முடியாத அளவுக்கு புதிய சாதனையை நேற்று படைத்தார். செஞ்சூரியனில் நடந்து வரும் தென் ஆப்ரிக்காவுக்கு எதிரான முதல் டெஸ்டின் 4ம் நாளான நேற்று தனது 50வது சதத்தை அடித்து புதிய உலக சாதனையை அவர் படைத்தார். கடந்த 4 டெஸ்டுகளாக இந்த சாதனையை எதிர்பார்த்திருந்த ரசிகர்களின் ஆசை நேற்று நிறைவேறியது. அத்துடன் டெஸ்ட் கிரிக்கெட் போட்டியில் சச்சின் நேற்று 14,500 ரன்னை கடந்து மற்றொரு சாதனையையும் படைத்துள்ளார்.

தேசத்தின் குரல் பலாஅண்ணா ஒரு எரிமலை பிளம்பு video

2010-12-19T03:35:00.000-08:00

சாவைச் சந்திப்பதற்கு மனிதன் துணிய வேண்டும் அந்தத் துணிவிலும், தெளிவிலும், விழிப்பிலுமே மனித வாழ்வு அர்த்தமுள்ளதாக அமையும்";. என்று அடிக்கடி கூறிய பிரமஞானி. அதன் நிதர்சனத்தோடு சாவை அணைத்துக்கொண்ட… 00:09:28 Added on 14/12/2010 “சாவைச் சந்திப்பதற்கு மனிதன் துணிய வேண்டும் அந்தத் துணிவிலும், தெளிவிலும், விழிப்பிலுமே மனித வாழ்வு அர்த்தமுள்ளதாக அமையும்”;.
என்று அடிக்கடி கூறிய பிரமஞானி. அதன் நிதர்சனத்தோடு சாவை அணைத்துக்கொண்ட “சாவைச் சந்திப்பதற்கு மனிதன் துணிய வேண்டும் அந்தத் துணிவிலும், தெளிவிலும், விழிப்பிலுமே மனித வாழ்வு அர்த்தமுள்ளதாக அமையும்”;. என்று அடிக்கடி கூறிய பிரமஞானி.
அதன் நிதர்சனத்தோடு சாவை அணைத்துக்கொண்ட சரித்திர நாயகனின் நான்காம் ஆண்டு நினைவு இன்று.

வீரத்தின் வித்துக்கள்

விடுதலைத் தீயினை நெஞ்சிலே கொண்டவர்
கொடும் பகை விரட்டிட, குமுறி எழுந்தவர்
தொடுவானம், கடல் எங்கும் தம் வீரத்தைக் காட்டியவர்
நாட்டினை மீட்டு, தமிழினை நிலை நாட்டிடத் துடித்தவர்.

வெளி வந்த விழி அதிசயிக்க...

படம் சொல்லும் செய்தி

இலங்கையில் தன் தாயாரைத்தேடும் பெல்ஜியம் மகள்+மருத்துவ படிப்புக்கு நுழைவுத்தேர்வில் கருணாநிதி இரட்டை வேடம்+செந்தமிழன் சீமான் அறிக்கை.

2010-12-17T23:49:00.000-08:00

எல்லோரையும் போல் நானும் ஒரு சாதாரண மனிதன்தான். தமிழனாகப்பிறந்த ஒவ்வாருவரும் செய்...ய வேண்டிய கடமைகளை நானும் செய்திருக்கிறேன். ஒவ்வொரு தமிழரும், தமிழரென்ற வகையில் தாம் செய்ய வேண்டிய கடமைகளை செய்தார்களென்றால் என்னை சுற்றின இந்த பிரமாண்டம் இருக்காது. நான் தலைவராகவே உங்களுக்கு தெரிய மாட்டேன்.

தேசிய தலைவர் மேதகு.வேலுப்பிள்ளை பிரபாகரன்

மருத்துவ படிப்புக்கு நுழைவுத்தேர்வில் கருணாநிதி இரட்டை வேடம்.-சீமான் அறிக்கை.

இது குறித்து நாம் தமிழர் கட்சித்தலைவர் செந்தமிழன் சீமான் இன்று விடுத்துள்ள அறிக்கையில் கூறி இருப்பதாவது.

எம்.பி.பி.எஸ்.,எம்.டி.,பி.டி.எஸ்,உள்ளிட்ட இளநிலை,முதுநிலை,மருத்துவப் படிப்புக்களுக்கு அகில இந்திய அளவில் நுழைவுத்தேர்வைக் கொண்டுவருவது என்ற இந்திய மருத்துவ கவுன்சிலின் முடிவில் தலையிட முடியாது என உச்ச நீதிமன்றம் தெரிவித்துள்ளது.இந்த தீர்ப்பின் மூலம் பல்வேறு இன்னல்கள் நமக்கு ஏற்படும். பொது நுழைவுத் தேர்வை அறிமுகப்படுத்துவது என்பது மாநிலங்களின் உரிமையில் தலையிடும் செயலாகும்.மேலும் நாம் போராடிப்பெற்ற 69 சதவீத இடஒதுக்கீடு பறிபோகும் நிலையும் ஏற்பட்டுள்ளது.நமது மாணவர்கள் அனைத்து வசதி வாய்ப்புக்களுடனும் படித்து வெளிவரும் டெல்லி,மும்பை,கல்கத்தா போன்ற பெரு நகர மாணவர்களுடன் போட்டி போட முடியாமல் மருத்துவக் கல்வி படிக்கும் வாய்ப்பினை இழப்பர்.

இனி மருத்துவக் கல்வி என்பதே நம் மாணவர்களுக்கு எட்டாக் கனியாக மாறிவிடும்.ஆனால் இதனைத் தடுக்க வேண்டிய தமிழக முதல்வரோ அதைத் தடுக்காமல் வழக்கம் போல தான் பிரதமருக்கு கடிதம் எழுதியதையும் அறிக்கை வெளியிட்டதையும் தெரிவித்து அதனையும் ஒரு நீண்ட அறிக்கையாக இன்று வெளியிட்டு தன் கடமையை முடித்து விட்டார்.மத்தியிலும் மாநிலத்திலும் ஆட்சியில் இருக்கும் கருணாநிதி இந்தப் பிரச்சனையிலும் இரட்டை வேடம் போடுகிறார்.இந்திய மருத்துவக் கவுன்சிலின் முடிவு தமக்கு சம்பந்தம் இல்லாதது என்பது போல அறிக்கை வெளியிடுகிறார்.மக்கள் விரோத மத்திய அரசின் அனைத்து முடிவுகளையும் அங்கு ஆதரித்து விட்டு இங்கு அதற்கும் தனக்கும் சம்பந்தம் இல்லை என்பது போல எதிர்ப்புத் தெரிவிப்பதும்,பிரதமருக்கு கடிதம் எழுதி பிரச்சனையை ஊத்தி மூடுவதும் கருணாநிதிக்கு வாடிக்கையாகி விட்டது.பெட்ரோல் விலை உயர்வில் இருந்து நெய்வேலி பிரச்சனை வரை அனைத்திலும் இதுதான் நிலை.

தனக்கும் தன் குடும்பத்துக்கும் வேண்டிய செல்வம் கொழிக்கும் இலாகாக்களைப் பெற மத்திய அரசை பிளாக்மெயில் செய்து தள்ளாத வயதிலும் குடும்பத்துடன் விமானம் ஏறிச்சென்ற கருணாநிதி பல்லாயிரக்கணக்கான எம் தமிழ் மாணவர்களின் வாழ்க்கைப்பிரச்சனையில் கடிதம் எழுதியதோடு கடமையை முடித்து விட்டது என்ன நியாயம்?இந்திய மருத்துவக் கவுன்சிலின் முடிவை மாற்றும் வல்லமை அவருக்கு ஏன் இல்லை?மாற்றும் வல்லமை இல்லை என்றால் இதற்கு காரணமான சுகாதார அமைச்சரையும்,பிரதமரையும் கண்டிக்கத் துப்பில்லையா?கருணாநிதி இளைஞன் படத்துக்கு வசனம் எழுதும் இடைவெளியில்,ஸ்பெக்ட்ரம் ஊழலால் தனக்கு ஏற்பட்ட கறையை எப்படிப் போக்குவது என கவலைப்படுவதற்கு இடையில் மாணவர்களின் பிரச்சனைக்கும் நேரம் ஒதுக்க வேண்டும்.பல்லாயிரக்கணக்கான எம் தமிழ் மாணவர்களின் பிரச்சனையில் கவனம் செலுத்தி பொது நுழைவுத் தேர்வு முயற்சியை கைவிடச் செய்ய வேண்டும் இல்லையெனில் மாணவர் சக்தி அவருக்கு தக்க பாடம் புகட்டும்..

இலங்கையில் தன் தாயாரைத்தேடும் பெல்ஜியம் மகள்

தன்னை சிறுவயதில் தத்துக்கொடுத்த பெற்றெடுத்த தாயினை தனக்கு இனம்காண தற்போது பெல்ஜியத்தில் வாழும் 23 வயதான இலங்கைப் பெண் ஷானிக்கா லிபேட்டி உதவி கோரியுள்ளார்.

தனது தாயார், தான் பிறந்து 6 - 9 மாதங்களுள் தன்னை கொழும்பில் உள்ள அமைப்பபொன்றிடம் வழங்கியதாகவும், அந்த அமைப்பிலிருந்து தன்னை பெல்ஜியம் நாட்டவர் தத்தெடுத்ததாகவும் அவர் தெரிவித்துள்ளார்

1987 ஆம் ஆண்டு நவம்பர் 9 ஆம் திகதி பிறந்த ஷானிக்கா, தனது பிறப்பு சான்றிதழில் உள்ள தாயாரின் விபரத்தை கொண்டு தனது தாயாரை பற்றிய விபரங்களை பெற்று கொண்டதாகவும் தெரிவித்துள்ளார். தான் பிறந்த போது தாயார் மிரிகான பகுதியில் வசித்து வந்ததாகவும் தெரிவித்துள்ளார்.

அந்த விபரங்களின்படி அவரது தாயார் நவம்பர் 14 ஆம் திகதி 1968 ஆண்டு பதுளையில் பிறந்தவர் எனவும் தெரிவித்துள்ளார். ஷானிக்காவின் தாயாரை பற்றி விபரம் தெரிந்தவர்கள் உடனடியாக 0115300800 என்ற தொலைபேசி இலக்கத்தினை தொடர்பு கொண்டு தெரிவிக்கவும்

இது உங்களுக்குப்பிடித்திருந்தால் உங்கள் நண்பர்களுக்கும் பகிரவும் valaiyakam,tamilish,tamil10 திரட்டிகளில் உங்களின் ஓட்டினையும் இடவும்

தமிழ்த்தேச அரசியல் தமிழக மக்களின் அரசியலாக்கப்பட வேண்டும்

2010-12-16T17:06:00.000-08:00

http://www.naamtamilar.org/
பொதுப்படத் தேர்தல் சார்ந்த நடைமுறைகளையே பலரும் அரசியல் என்று கருதுகின்றனர். ஆனால் அது மட்டுமே அரசியல் இல்லை. அரசுகளின் இயங்குமுறை மட்டுமல்லாமல் அவற்றை எதிர்த்து நடத்தப்படும் போராட்டங்களையும் அரசியல் என்றே குறிப்பிடுகிறோம்.

வகுப்பு(வர்க்க)ப் போராட்ட எழுச்சியை வகுப்பு (வர்க்க) அரசியல் என்றும்,
புரட்சி நோக்கிய செயற்பாடுகளைப் புரட்சிமய அரசியல் என்றும்,
தேசம் தழுவிய முயற்சிகளைத் தேசிய அரசியல் என்றுமாகவெல்லாம் குறிப்பிடுகிறோம்.

போர் என்பது குருதி சிந்தும் அரசியல் என்றும்,
அரசியல் என்பது குருதி சிந்தாப் போர் என்றும் குறிப்பிடுகிறார்கள்.

ஒவ்வொரு செயலுக்கும் பின்புலமாக அச் செயலுக்குரிய வகுப்பு (வர்க்க) அரசியல் இருக்கிறது என்று சொல்லப்படுவதைச் சரியாக விளங்கிக் கொள்ளுதல் வேண்டும்.

ஒரு மக்கள் குமுகம், குமுக, அரசியல், பொருளியல் அடிப்படைகளில் என்ன வகையில் எல்லாம் பாதிக்கப்படுகிறது என்றும், அது, அப் பாதுகாப்புகளிலிருந்து விடிவுபெற வேண்டுமானால் யார் யாரை எதிர்த்து எப்படியான வகையில் போராட வேண்டும் என்று கணிப்பதையுமே அம் மக்கள் குமுகத்துக்குரிய விடுதலை அரசியல் என்று கணக்கிட முடியும்.

அவ்வகையில், தமிழ்த்தேச அடையாளங்கள், தோற்றங்கள், செயற்பாடுகள் ஆகியவற்றை விரிவாக அறிவதையே தமிழ்த்தேச அரசியல் என்கிறோம்.

தமிழ்த்தேச அரசியல்
தமிழகத்தைப் பொருத்த அளவில் தமிழக மக்கள் குமுகம் என்னென்ன வகையில் யார் யாரிடமெல்லாம் அடிமைப்பட்டிருக்கிறது. அந்த அடிமை நிலைகளிலிருந்து எப்படி விடுதலை பெறுவது என்று அறிவதே தமிழ்த் தேச அரசியல்.

தமிழகத்தின் இன்றைய அரசியல் நிலை:

(அ) உலகில் உள்ள வல்லரசு நாடுகள் எல்லாம் எளிதே தமிழகத்தின் உள்ளே நுழைந்து தொழில்கள் தொடங்குகின்றன. அத் தொழில்கள் வழியே ஊதியத்தை மட்டுமல்லாமல், தமிழகக் கனிம வளங்களை, விளைச்சல்களை, உழைப்பை எல்லாம் கொள்ளையடித்துச் செல்கின்றன. அதனால் தமிழக மக்கள் எவரும் எளிதே தொழில் தொடங்கிட முடிவதில்லை. பன்னாட்டு நிறுவனங்களின் தொழில்களே இங்குக் கொழுத்துத் திரிகின்றன.

அதேபோல் பன்னாட்டு வணிக நிறுவனங்களும் இங்குப் பெருமளவில் நுழைந்திருப்பதால் எளிய அளவில் வணிகம் செய்ய இயலாமல் தமிழக வணிகர்கள் நலிவடைகின்றனர்.

வேளாண்மைக்குரிய வீரிய வித்துகள், வேதியல் உரங்கள், பூச்சி மருந்துகள் எனத் தமிழக வேளாண்மையையும் பன்னாட்டு நிறுவனங்கள் பாழாக்கியதோடு, அவற்றின் தேவைகளுக்காகவே இங்குப் பயிர்கள், பழங்கள், மூலிகைகள் நடப்படுவதும், ஏற்றுமதியாவதுமாக உள்ளன.

ஆழ்கடல் மீன் பிடிப்புகள் முழுமையையும் பன்னாட்டு நிறுவனங்களே உடைமையாக்கித் தமிழக மீனவர்கள் வாழ்வையே நசுக்குகின்றன.

உலகமயமாக்கம், தனியார்மயமாக்கம் எனும் பெயர்களில் தகவல் தொழில் நுட்பம், சிறப்புப் பொருளாதார மண்டலங்களை உருவாக்கிப் பரவலாகத் தமிழகத்தையே அடிமைப்படுத்தி வைத்திருக்கின்றனர்.

இவ்வகையில் எல்லாம் தமிழகம் தொழில் வழியிலும், வேளாண்மை நிலையிலும், கடலுரிமை நிலையிலும் தனித்து வளர்ந்து தன்னிறைவு கொள்ளாதபடி வல்லரசுகள் அனைத்து நிலையிலும் வல்லாளுமை செலுத்தித் தமிழகத்தை அடிமைப் படுத்தி வைத்திருக்கின்றன.

எனவே, அந்த வகையில் வல்லரசுகளின் கொள்ளையர்க்கும், தமிழக மக்களுக்கும் இடையில் இருக்கும் முரண்பட்ட அரசியலோ, முதன்மை நிலையில் ஓர் அடிப்படையானதாக இருக்கிறது.

(ஆ) பிரித்தானிய வல்லரசினால் உருவாக்கப்பட்ட இந்தியாவோ, தமக்குள் பல்வேறு தேசங்களையும் அடிமைப்படுத்தி வைத்திருக்கிறது.

பன்னாட்டுக் கொள்ளைக்கு வழி அமைத்துத் தருவதோடு, இந்தியா வைதீகப் பார்ப்பனியக் கருத்துக்களையே தன் ஆளுமைக்குரிய கோட்பாடாக வகுத்துத் தமிழகத்தை அடிமைப்படுத்தி வைத்திருக்கிறது.

தமக்குள் அடிமைப்படுத்தப்பட்டுள்ள தேசங்கள் எவற்றுக்குமான அடிப்படை உரிமைகளைக் கூட இந்திய அரசு மறுக்கவே செய்கிறது.

* தமிழக மக்கள் தமிழ்த் தேசிய இனத்தினர் என அடையாளப்படுத்திக் கொள்ள முடியாது.

* தமிழ்மொழி ஆட்சி மொழியாக, அலுவல் மொழியாக நீதிமன்ற மொழியாக, கல்வி மொழியாக இருக்கவில்லை. அவ்வாறு உருவாக்குவதற்கு இந்திய அரசே தடையாக உள்ளது.

* கல்விக்குரிய பாடத்திட்டங்களை இந்திய அரசே வகைப்படுத்தியிருக்கிறது. அதை அடியொட்டியே தமிழக அரசும் பாடத்திட்டங்களை வகுத்துக்கொள்ள வேண்டியிருக்கிறது.

* தமக்குரிய சட்டத் தைத் தமிழக அர சால் உருவாக்கிக் கொள்ள முடியாது.

* நீண்ட கடல் வளம் இருந்தும் துறைமுகத் துறை, வானூர்தித் துறை, நெடுஞ்சாலைத் துறை எதுவும் உரிமையுடையதாயில்லை.

* அஞ்சல் துறை, தொலைபேசி, தொலைக்காட்சி, பிற தொலைத் தொடர்புகள் துறை என எதையும் தமிழகம் உரிமையாக்கிக் கொள்ள இயலாது.

* நிலத்தடிப் பொருள்கள், கனிமங்கள், ஆழ்கடல் மீன் பிடிப்பு, நில விளைச்சலுக்கான விலை நிர்ணய உரிமை என எந்த உரிமையும் தமிழக அரசிடம் இல்லை.

* ஒரு செய்தித் தாளோ, இதழோ நடத்த இசைகிற உரிமை, திரைப்படத் தணிக்கை உரிமை, வெளிநாட்டுக் கடவுச் சீட்டுரிமை என அனைத்தும் இந்திய அரசுக்கே உரிமையாய் இருக்கிறது.

* உருவாக்கப் பொருள்களை வெளிநாடுகளுக்கு இந்திய அரசின் இசைவில்லாமல் தமிழகம் அனுப்ப முடியாது.

* பணம் அச்சிடும் உரிமை, பாதுகாப்புத் துறைக்குரிய படைத்துறை உரிமை என எல்லாம் இந்திய அரசிடமே உள்ளன.

ஆக தமிழகம் ஓர் அடிமை அரசாகவே இந்தியாவிடம் சிக்குண்டு கிடக்கிறது. தன் உரிமைகளுக்காகப் போராடும் நோக்கமின்றி இருக்கிறது

இந்நிலையில் இந்திய அரசுக்கும், தமிழகத்திற்கும் இடைப்பட்ட அரசியல் முரண் முக்கியமான அடிப்படை முரணமாக இருக்கிறது.

(இ) தமிழகத்தின் நிலவுடைமை அமைப்பு முற்றும் முழுமையான நிலவுடைமை அமைப்பினதாக இல்லை. நிலவுடைமையாளர்கள் தாங்களே தங்கள் நிலங்களில் என்ன விளைவிக்கலாம் என்பதைத் தீர்மானிப்பதில்லை. பன்னாடுகளின் தேவைகளுக்காகவே இங்குப் பயிரிடப்படுகின்றனர்.

தாங்கள் விளைவித்த விளைச்சலுக்கு அவர்களே விலை நிர்ணயம் செய்வதில்லை. இந்திய அரசும் தரகு முதலாளிகளுமே விலை நிர்ணயம் செய்கின்றன.

நிலத்தின் வழியான வரவு படிப்படியாகக் குறைந்த நிலையில் நிலத்தின் இருப்பையும் நிலவுடைமை யாளர்கள் படிப்படியாக இழக்கின்றனர். நிலத்தைச் சார்ந்து மட்டுமே அவர்களின் அதிகாரம் இருப்பது மாறி, அவர்கள் பிற தொழில் சார்ந்தவர்களாகவும், தங்கள் மரபு நிலை அதிகாரத்தை நிலைநிறுத்திக் கொள்கின்றனர்.

சமூகத்தில் புரையோடிக் கிடக்கிற சாதி அவர்களின் ஆளுமைக்குப் பக்க வலுவாக இருக்கிறது.

அப்படியாகப் பிற ஆளுமைகளுக்கு ஆட்பட்டிருப் பினும் அரைநிலை ஆளுமையில் உள்ள அந்நிலவுடைமையாளர்க்கும் ஏழை உழவர்களுக்கும் இடையில் முரண்கள் முக்கியமானதாக இருக்கின்றன.

(ஈ) அரை நிலையில் உள்ள நிலவுடைமை யாளர்கள் சாதி ஆதிக்கம் கொண்டவர்களாக இருப்பதிலிருந்து அவர்களின் ஆதிக்கச் சாதியப் போக்கு தொடர்ந்து நீடித்தே வருகிறது.

அடிமைப்பட்டிருக்கும் அடிநிலைச் சாதியர் சாதிய அடக்குமுறையிலிருந்து விடிவு காண இயலாது இருக்கின்றனர்.

எனவே ஆதிக்கச் சாதியர்க்கும் அடிமை நிலைச் சாதியர்க்கும் இடைப்பட்ட முரண்பாடுகளும் முக்கியமான முரண்பாடுகளாகவே இருக்கின்றன.

(உ) பன்னாட்டு நிறுவனங்களுடன் கூட்டு சேர்ந்து அதில் பங்குத் தொகை பெற்றுக் கொழுத்துக் கொண்டிருக்கும் தரகு முதலாளிகளுக்கும், எளிய மூலதனத்தில் தொழில் தொடங்கி பெரிய அளவில் விற்பனைச் சந்தையைப் பெற இயலாமல் தரகு முதலாளிகளாலும் அரசாலும் நசுக்குண்டிருக்கும் தமிழ்த் தேச முதலாளிகளுக்கும் இடைப்பட்ட முரண்பகையும் முக்கியமான அடிப்படையானதாக இருக்கிறது.

(ஊ) பொதுப்பட முதலாளிய அமைப்பே சுரண்டல் அமைப்பாக, ஆளுமை அமைப்பாக இருக்க, அத்தகைய அமைப்பைத் தூக்கி எறிந்து விட்டு, உழைக்கும் மக்களுக்கான குடியாட்சி அமைப்பை நிறுவும் நோக்கம் கொண்டிருக்கும் தொழிலாளர் வகுப்பும் முதலாளியத்திற்கும் இடைப்பட்ட முரண்பகையும் முக்கியமானதாக இருக்கிறது.

(எ) இன்றைய தமிழக அரசு ஓர் உரிமை பெற்ற அரசாக இல்லாமல், இந்திய அரசின் தொங்கு சதையாக இருப்பதை அறிந்திருந்தாலும், அது தமிழக மக்களை எவ்வகையிலும் எழுச்சி கொள்ளாமல் அடிமைப் படுத்தி வைத்திருக்கவும், அம்மக்களை மேலும் ஒட்டச் சுரண்டிக் கொழுத்திடவும், உரிமைக்குரல் எழுப்புவோரைக் கடுமையாக ஒடுக்குவதுமாக இருக்கையில், தமிழக அரசுக்கும் பரந்துபட்ட தமிழக மக்களுக்கும் இடைப்பட்ட முரணும் அடிப்படையில் முக்கியமான முரணாகவே இருக்கிறது.

(ஏ) தமிழகத்திற்கும் அண்டைய தேசத்திற்கும் இடையில் காவிரி, முல்லைப் பெரியாறு, பாலாறு போன்ற ஆற்றுச் சிக்கல்களும் சரியான வகையில் தீர்க்கப்படாத எல்லையோரச் சிக்கல்களும் இன்னும் நீடித்த நிலையிலேயே உள்ளன.

அதனால் தமிழகத்திற்கும், அண்டைத் தேச அரசுகளுக்கும் இடைப்பட்ட முரணும் ஓர் அடிப்படையான முக்கிய முரணாக இருக்கிறது.

(ஐ) தமிழகத்திற்குள்ளேயே மார்வாடி உள்ளிட்ட பிற மொழியினர் பெருமளவில் நிலங்களைப் பறித்திருப்பதும், தமிழர்களை இன, மொழி வழிப் புறக்கணித்து ஆளுமை செய்வதும் நடக்கிறது. எனவே அவ்வழிப்பட்ட பிற மொழி ஆளுமையர்க்கும், தமிழர்க்கும் இடைப்பட்ட முரணும் ஓர் அடிப்படை யான முரணாக இருக்கிறது.

(ஒ) இந்தியப் பார்ப்பனிய ஆளுமையோடும் அதன் வைதீகக் கோட்பாட்டோடும் உறழ்வதோடு தமிழக அரசிலும் மற்றும் சமூக ஆளுமைப் போக்குகளிலும் தங்களை முதன்மைப்படுத்தியிருக்கும் ஆரியப் பார்ப்பனர்க்கும் அவர்களின் ஆளுமைக்குள்ளாக்கப் பட்ட பிறர்க்கும் இடைப்பட்ட முரண்பாடும் ஓர் அடிப்படையான முக்கிய முரணாக இருக்கிறது.

ஆக மேற்சொல்லப்பட்ட பத்து முரண்பாடுகள் உள்ளிட்ட பல முக்கிய எதிர்மை முரண்கள் தமிழக அரசியல் களத்தில் நிலவுகின்றன.

அவற்றையெல்லாம் தீர்ப்பது எப்படி? எல்லாச் சிக்கல்களையும் ஒரே நேரத்தில் தீர்க்க முடியுமா? அல்லது ஒன்றன் பின் ஒன்றாகத் தீர்ப்பதா? என்று முதலில் விளங்கிக் கொள்ள வேண்டும்.

ஒரே நேரத்தில் முரண்பட்ட பல பணிகளைச் செய்திட இயலாது.

பதின்கவனகர் ஒருவர் கூட வேறுபட்ட பத்து நிகழ்வு களைக் கவனிக்கவும், அறிந்து கொள்ளவும் முடியுமே யொழிய, அந்தப் பத்தின் நிலைகளையும் அதன் விடை களையும் ஒன்றன் பின் ஒன்றாகத்தான் சொல்ல முடியும்.

அதுபோலவே சமூகத்தில் உள்ள பத்து முரண்பாடு களையும் ஒரே பொழுதில் விளங்கிக் கொள்வது என்பது வேறு; அவற்றைத் தீர்த்து வைப்பது என்பது வேறு.

ஆக எல்லா வகையான முரண்பாடுகளையும் ஒன்றன் பின் ஒன்றாகவே தீர்க்க முடியும்.

ஒன்றன்பின் ஒன்று என்று வரும்போது, எதன் பின் எது? முதலாவது எது? இரண்டாவது எது? என எவ்வாறு வரிசைப்படுத்துவது என்பதே அரசியலில் ஆழமான கேள்வி.

தமிழகத்தில் உள்ள மேற்சொல்லப்பட்ட அடிப் படையான முரண்பாடுகளையும் முகாமையானவையாக ஏற்றுக் கொண்டாலும் அவற்றில் எந்த ஒன்றைத் தீர்ப்பது மற்ற சிக்கல்களைத் தீர்ப்பதற்கும் துணையாக இருக்கும் என்று கணித்திடல் வேண்டும்.

ஒரு சிக்கலைத் தீர்ப்பதும், பின் அடுத்த சிக்கலைத் தீர்ப்பதும் என்று அடுத்தடுத்து வரிசைப்படுத்துவது என்று கூட இல்லாமல், ஒன்றின் ஊடாக மற்றொன்றின் தீர்வு நோக்கி நகர்வது என்று இயங்கு போக்கில் சிக்கல்களை அணுகித் தீர்ப்பதே முறையாகின்றது.

அவ்வகையில் மேற்சொல்லப்பட்ட முரண்களை ஆய்ந்தோமானால், இந்திய அரசுக்கும் தமிழக மக்களுக்கும் இடைப்பட்ட முரண்பாடே முதன்மை முரண்பாடாக இருக்கிறது.

அந்த முரண்பாட்டைத் தீர்ப்பதன் வழிதான் இந்திய அரசோடு பிணைந்திருக்கும் வல்லரசு ஆளுமையையும் பன்னாட்டு நிறுவனங்களின் மூலதனக் கொள்ளைகளையும் எதிர்த்திட முடியும்; தடுத்து நிறுத்திடவும் முடியும்.

அவ்விரு பெரும் அரசியல், பொருளியல் ஆதிக்கங் களையும் எதிர்த்து அவற்றிலிருந்து விடிவு பெறுகிற பொழுதே நிலவுடைமை ஆளுமையிலிருந்தும் ஆதிக்கச் சாதி ஆளுமையிலிருந்தும், தரகு முதலாளியக் கொடுமையிலிருந்தும் தமிழக மக்கள் விடுதலை அடைய முடியும்.

தமிழகம் தனி உரிமைத் தேசமாகிற போதே, அண்டைத் தேசங்களுக்கிடைப்பட்ட காவிரி, முல்லைப் பெரியாறு, பாலாற்றுச் சிக்கல்கள் உள்ளிட்ட சிக்கல்களை எளிதே தீர்க்க முடியும்.

இந்திய நாய்களே வெளியேறுங்கள் என்று அசாம், மணிப்பூர், காசுமீர மக்கள் குரெலழுப்பி மார்வாடி உள்ளிட்ட பிற இந்திய ஆளுமையர்களை விரட்டுவது போல் தமிழகத்திலிருக்கும் பிற தேச ஆண்டைகளை விரட்ட முடியும். அல்லது அவர்கள் தாமாக வெளியேற முடியும்.

தமிழகம் ஒரு முழுமையான மக்கள் குடியாட்சி அமைப்பை உருவாக்கும்போதே இங்கு மக்கள் பண்பாட்டோடு கூடிய தமிழக மக்கள் வாழ்வியலுக்குரிய மெய்யியல் அறிவு ஊற்றெடுத்து வளர்க்கப்படும்.

ஆக, அத்தகு நீண்ட நெடிய உரிமைப் போராட்ட வழித்திட்டங்களுக்கு அடிப்படையான முதன்மைப் பணி இந்திய ஆண்டை அரசின் ஆளுமைப் போக்கிலிருந்து விடுபடுவதிலிருந்தே தொடங்குகிறது.

நாம் தமிழர்கள், தமிழ்த் தேசிய இனத்தினர் என்ற உண்மையைக் கூடச் சொல்ல முடியாமல் நம்மை இந்தியர், இந்தியத் தேசிய இனத்தினர் எனப் பொய்ம்மையாய், இல்லாத ஒன்றைச் சொல்ல வைக்கும் ஆளுமைப் போக்கைத் தமிழர்களிடையே வெளிப்படுத்திக் காட்ட வேண்டியுள்ளது.

நாம் எப்படி பிரிட்டீசின் அடிமையில்லையோ, அப்படி இந்தியாவின் அடிமையும் இல்லை என்பதைச் சொல்ல வேண்டியுள்ளது.

தமிழக மக்கள் பழக்கப்பட்டு அமிழ்ந்து கிடக்கும் இந்திய, பன்னாட்டு அரசியல் களத்திலிருந்து விடுபட வேண்டுமென உணர்வை ஊட்டுகிற பணியை முதன்மையாய்ச் செய்ய வேண்டியிருக்கிறது.

தமிழகத்தின் அரசியல், பொருளியல் உரிமை களைப் போராடிப் பெறுவதற்கான அடிப்படையாக முதலில் தமிழ்த் தேசத்தின் அரசியல் போக்குகளை அறியச் செய்திடல் வேண்டும்.

தமிழகத்தின் குமுக, அரசியல் பொருளியலை ஆழமாகப் பயிற்றுவிக்க வேண்டும்.

நம் தேசம் தமிழ்த் தேசம் எனும் உணர்வோடு, அரசியலை, பொருளியலை, வரலாற்றை, வாழ்வியலை, பண்பாட்டை உணரவும், மதிப்பிடவும் வைக்க வேண்டும்.

அவ்வகையில், தமிழ்த் தேச அரசியலையே, தமிழக மக்கள் அனைவரின் அரசியலாகவும் ஆக்க வேண்டும்.

தமிழக மக்கள் இந்தியத்தை, பன்னாட்டு நிறுவனங்களை, பிற எவற்றையுமே தமிழ்த்தேச அரசியல் பார்வையிலிருந்தே எடையிடப் பழக்க வேண்டும்.

அப்படியான அரசியல் பரப்பல் பயிற்சியே இன்றைக்குத் தமிழ்த் தேச அரசியல் பேசும் இயக்கங்களின் முதன்மைப் பணியாக இருத்தல் வேண்டும்.

அதுவன்றி ஆறாவது, ஏழாவது, எட்டாவது எனப் பின்னுக்குச் செய்ய வேண்டிய பணிகளை யெல்லாம் முதன்மைப் பணிபோல் பேசுவதும், பரப்புவதும் முதன்மைப் பணியை முன்னெடுப்பதற்கே தடையாக அமைந்து விடும்.

அதாவது, தமிழ்த்தேச உரிமை அரசியலுக்கு முதன்மை எதிர்மை நிலையிலுள்ள இந்திய அரசை எதிர்க்காமல், எதிர்த்துப் போராடாமல், மழுப்புவதும், திசை திருப்புவதுமான போக்கு தமிழ்த் தேச அரசியல் எழுச்சியை குழப்பியும், சிதைத்தும் விடும்.

எனவே, அத்தகைய எச்சரிக்கை உணர்வோடு தமிழ்த்தேச அரசியலை அறியவும் அணுகவும் வேண்டும். தமிழ்த்தேச அரசியலை, தமிழக மக்கள் அரசியலாக்கப் பெரு முனைப்புக் கொள்ள வேண்டும்.
ஐ. நா. பிரேரணை குழுவுக்கு "கிளிக்" செய்து விசாரணைக்குழு அமைக்க கோருங்கள்! http://www.congressw...ttergroupid/105

இது உங்களுக்குப்பிடித்திருந்தால் உங்கள் நண்பர்களுக்கும் பகிரவும் valaiyakam,tamilish,tamil10 திரட்டிகளில் உங்களின் ஓட்டினையும் இடவும்

ஒரு போராளியின் மடல் -புலிகளின் உள் கட்டமைப்புக்குள் நடந்த குழப்பம் முடிவுக்கு வருகின்றது.

2010-12-16T02:10:00.000-08:00

வணக்கம் உறவுகளே .. இலங்கை தவிர்ந்து புலம் பெயர் நாடுகளில் பரவி வாழும் தமிழீழ விடுதலை புலிகளின் படை பிரிவுகளிற்குள் நடைபெறும் முரண் பாடுகள் பிளவுகள் உடனடியாக முடிவுக்கு இவர்களின் மடல் ஊடாக வரும் என்ற நிலையிலேயே இந்த இறுதி சமரச நடவடிக்கைகள் மேற்கொள்ள படுகின்றன .அவ்வாறு தவறும் பட்சத்தில் .இவ்வாறன ஒருவரை ஒருவர் குற்றம் சுமத்தும் மடல்கள் வருமாகின் எமது இணையத்தில் தமிழீழ விடுதலை புலிகளின் மடல்கள் பிரசுரிக்க பட மாட்டது என்பதனை வருத்தத்துடன் தெரிவித்து கொள்கின்றோம் . எமது தொடர்பில் உள்ளவர்களுக்கு இவை தொடர்பாக தெளிவாக கூறியுள்ளோம்

புலம்பெயர் தேசங்களில் வழங்கப்படும் துரோகி பட்டியலின் பின்னணி என்ன? இம்ரான் பாண்டியன் படையணியின் அறிக்கை

2010-12-14T00:35:00.000-08:00

எனது உயிரிலும் மேலாக நான் நேசிக்கும் தமிழீழ மக்களுக்கும், அங்கிருந்து புலம்பெயர்ந்து பூமிப்பந்தெங்கும் வாழும் தமிழ் மக்களுக்கும் நாம் எமது விடுதலைப் போராட்டத்தின் ஒரு நெருக்கடி மிகுந்த வேளையில் ஏற்பட்டிருக்கும் முரண்பாடான கருத்துக்களையும், பரப்புரைகளையும் தவிர்க்கவும், மக்களுக்கு எமது நிலைப்பாடு பற்றி தெளிவான விளக்கங்களையும் கொடுக்க வேண்டியிருப்பதனால் இப்பத்தி முக்கியம் பெறுகின்றது.

தனிப்பட்ட நபர்களைச் சாடுவதோ அல்லது தனிமைப்படுத்துவதோ எமது விடுதலைப் போராட்டத்தின் நோக்கம் அல்ல. இருந்தபோதும் கூட தற்போது ஏற்பட்டிருக்கும் தவறான பரப்புரைகளை தகர்கவேண்டிய கட்டாயத்தில் இருக்கின்றோம். தமிழீழ விடுதலைப் போராட்டத்தில் முள்ளிவாய்க்காலில் எமக்கு ஏற்பட்ட இராணுவப் பின்னடைவு ஒட்டு மொத்த விடுதலைப் போராட்டத்திலும் மிகப்பெரிய தாக்கத்தை ஏற்படுத்தியுள்ளது என்பது உண்மைதான். அதற்காக விடுதலைப் போராட்டம் முடக்கப்பட்டு விடுமா என்ன?.

எமது மண் மீட்பிற்கான போராட்டம் ஒரு போதும் தடைப்படப் போவதில்லை. ஆனால் தற்போது ஏற்பட்டிருக்கின்ற தமிழ்த் தேசிய இனத்தின் அரசியல் வெற்றிடத்தை நிரப்புவதற்கு சில குறுகிய சுயநல விரும்பிகள் முனைப்புக் காட்டுவது வெளிப்படையாகத் தெரிகின்றது.

முள்ளிவாய்க்கால் போரின் இறுதிக்கட்டத்தில் வன்னிக்கும், புலம்பெயர் தமிழர் கட்டமைப்புக்குமான தொடர்புகள் சீரின்மையால் இதனைப் பயன்படுத்தி சில தனி நபர்கள் தன்னிச்சையான செயற்பாடுகளில் ஈடுபட ஆரம்பித்து இன்று அது விஸ்பரூபம் எடுத்திருக்கின்றது.

இதன் வெளிப்பாடுதான் ஐரோப்பிய நாடுகளில் மேற்கொள்ளப்பட்டுவரும் துரோகிகள் பட்டம் சூட்டும் நிகழ்வுகள். உண்மையில் துரோகிகள் யார் என்பதை அடையாளம் காணவேண்டிய பொறுப்பு மக்களுடையதே தவிர தனிநபர்களினதும், அவர்களினால் நடத்தப்படும் சில ஊடகங்களினதும் கடமையல்ல.

முள்ளிவாய்க்கால் பேரவல நாட்களில் அந்த மக்களையும், மண்ணையும் மீட்பதற்கு எம்முறவுகள் அள்ளிவழங்கிய பெருந்தொகை நிதி எங்கே போனது?. அந்நிதி தமிழீழத்தை நிச்சயமாகச் சென்றடையவில்லை. அப்படியாயின் அந்த நிதி தனிநபர்களிடம் எங்கோ முடங்கிக் கிடக்கின்றது.
அந்தநிதியை வெளியே காட்டாமல் பதுக்கி வைத்துக்கொண்டு இறுதிக்கட்டப் போரில் அநாதரவாக்கப்பட்ட மக்களுக்கோ, போராளிகளுக்கோ எந்தவிதமான உதவிகளையும் செய்யாமல் அவர்களுக்கான மறுவாழ்வுத் திட்டங்களுக்கான செயற்திட்டங்களை பேச்சளவில்கூட அறிவிக்காமல் கடந்த ஒன்றரை வருடங்களைக் காலங்கடத்தி.

தமிழீழத் தேசிய நிதியைச் சூறையாடுவதையே குறிக்கோளாகக் கொண்டு தம்மை அனைத்துலக தொடர்பாளர்கள் என்று பறைசாற்றிக் கொண்டு. அதேநேரம் எமது தேசத்திற்காக ஏதாவது செய்ய முனைவோரையும், எமது போராட்டத்தின் அடுத்த படிநிலைச் செயற்பாடுகளைச் செய்ய முனையும் தேசாபிமானிகளையும், போராளிகளையும் துரோகிகள் பட்டம் சூட்டுவதிலேயே இவர்கள் குறியாக இருக்கின்றார்கள். உருத்திரகுமார் துரோகி. விடுதலைப்புலிகளின் புலனாய்வுத்துறைப் பொறுப்பாளர்கள் துரோகி.

இடைக்கால தன்னாட்சியை உருவாக்கிய மதியுரைஞர் குழு துரோகி. இறுதிக்கட்டப் போரில் வெடிபொருட்கள் தீரும் வரை போராடி ஈற்றில் மக்களோடு மக்களாக வந்த போராளிகள் துரோகி. புலம்பெயர் தேசங்களில் ஒவ்வொரு நாட்டுக் கிளைகளாலும் சேகரிக்கப்பட்ட தமிழீழத் தேசிய நிதி சார்பான கணக்கறிக்கைகளைக் கேட்போர் துரோகி. உருப்படியான செயற்திட்டங்களைக் கொடு;த்து இவர்களைச் செய்யச் சொன்னால் அவர்களும் துரோகி.

இவர்கள் எதுவும் செய்யாதவிடத்து தாமே புதிய அமைப்புக்களை உருவாக்கி உருப்படியான தமிழர் நலத்திட்டங்களைச் செய்ய முனைவோரை அச்சுறுத்துவது, தடுப்பது அதுவும் சரிவராதவிடத்து அவர்களுக்குத் துரோகிப்பட்டம் கொடுப்பது. இதுதான் இவர்களது தேசியப்பணி ஆகிவிட்டது.

இப்படியே எல்லாரையும் துரோகி என்றால் உண்மையில் யார் துரோகி. மக்களே சிந்தியுங்கள். இவர்கள் சொல்கின்ற துரோகிப் பட்டியலில் 98வீதான மக்கள் அடங்கிவிடுவர்.

அப்படியாயின் துரோகிகள் யார்? யார் மற்றவர்களைத் துரோகி என்கின்றானோ அந்த நபர்தான் உண்மையில் துரோகி. தம்முடைய இருப்பைத் தக்கவைக்கவும், தம்மைக் காத்துக் கொள்வதற்குமே இவ்வாறு எடுத்தவுடன் துரோகிகள் ஆக்கப்படுவதைக் காணமுடிகின்றது. மக்களை முட்டாள்கள் ஆக்கியும், ஈழமக்கள் இரத்தம் சிந்தி உழைத்த தழிழீழத் தேசிய நிதியைச் சுருட்டி அதனூடே வாழ்பவர்கள் தண்டிக்கப்படவேண்டியவர்களே.

இவர்களை மக்கள் இனங்காணாது விட்டால் இவர்கள் நினைப்பது போல் மக்களும் முட்டாள்கள் ஆகவே ஆகிவிட நேரிடும். யாவரையும் துரோகிகள், சிங்களத்தின் புலனாய்வாளர்களாகச் செயற்படுகின்றனர் என மற்றவர்களுக்கு துரோகிகள் பட்டம் வழங்கி அறிக்கைகள் விட்டுக் கொண்டிருக்கும் புலிகளின் அனைத்துலக தொடர்பகம் என்று தம்மைத் தாமே அழைத்துக் கொண்டு அதனைச் செயற்படுத்திக் கொண்டிருக்கும் நந்தகோபன் என்ற நபர் யார்? கேட்டுக் கொள்ளுங்கள் குறிப்பை.

நந்தகோபன் வன்னியில் மூத்தபோராளி கஸ்ரோவின் உதவியாளர் மாத்திரமே. இறுதிக்கட்ட யுத்தம் வரை இவர் களமுனைகளுக்குச் சென்றதே கிடையாது. இராணுவத்துக்கெதிராக துப்பாக்கி ஏந்தி ஒரு ரவைகூட சுடாதவர். மூத்தபோராளி கஸ்ரோ அவர்களின் உதவியாளனாக மட்டும் நின்ற இவர் புலம்பெயர் தேசத்தில் வந்து எப்படிப் பெரும்புலியானர்?. மற்றும் இறுதிக்கட்ட யுத்தத்தின் போது இராணுவத்திடம் சரணடைந்த நந்தகோபன் எப்படி வெளியே வந்தார்?.

மூத்த உறுப்பினர்கள் முதல் இறுதிக்கட்டச் சண்டை நடக்கும் போது போராட்டத்தில் இணைந்தவர்கள் வரை அனைவரையும் தனியாகப் பிரித்தெடுத்து, வௌ;வேறு இடங்களில் அடைத்து வைத்து சித்திரவதைகளுக்குள்ளாக்கிவரும் சிறிலங்கா அரசபடைகளும், சிங்கள அரசும் எவ்வாறு நந்தகோபனை வெளியில் விட்டனர். அதிலும் குறிப்பாக விடுதலைப்புலிகளின் சர்வதேச பொறுப்பாளராக இருந்த கஸ்ரோ அவர்களின் உதவியாளனாக இருந்த நந்தகோபனைக் கைது செய்திருந்தாலும், சில மாதங்களுக்குள்ளாகவே நாட்டைவிட்டு வெளியே செல்ல அனுமதித்தது ஏன்?

கவிகளின் மூலமும், இலக்கியங்கள் மூலமும் புரட்சியை ஏற்படுத்திய எமது ஆஸ்தான கவிஞராக இருந்த புதுவை இரத்தினதுரை அவர்களையே விட்டுவைக்காத சிறிலங்கா அரசு. விடுதலைப்புலிகளின் சர்வதேசப் பொறுப்பாளரான கஸ்ரோ அவர்களின் உதவியாளரான நந்தகோபன் சரணடைந்த பின்னர்; எதுவித நடவடிக்கைகளுமின்றி வெளிநாட்டுக்கு தப்பிச் செல்ல சிறிலங்கா அரசு வழியமைத்துக் கொடுத்திருந்தது.

இவ்விடயத்தை உன்னிப்பாக நோக்கில் விடுதலைப்புலிகளின் சர்வதேச வலையமைப்பை இவர்மூலம் கண்காணிக்கவும், அதனூடாக அதைச்சிதைக்கவும், அதில் பணியாற்றியோரை சந்தர்ப்பங்களைப் பயன்படுத்தி கைது செய்யவுமே சிறிலங்கா அரசு தனது கைக்கூலியாக நந்தகோபனை வெளியில் அனுப்பியிருக்கலாம் என்பது தற்போதைய அவரின் நடவடிக்கைகள் சுட்டிநிற்கின்றது. நந்தகோபன் சரணடைந்திருந்தபோது முகாமில் இராணுவப் புலனாய்வாளர்களிடம் சேர்ந்திருந்ததும், ஏராளமான போராளிகளுக்குத் தெரியும்.

மூத்தபோராளி கஸ்ரோ அவர்கள் சரியான உடல் இயக்கம் இல்லாத நபர் என்பது யாவருக்கும் தெரியும். எனவே இறுதிக்கட்டங்களில் அவரைப் பாதுகாப்பான இடங்களுக்கு நகர்த்திவிட்டு விடுதலைப் புலிகளின் சர்வதேச வலையமைப்புச் சம்பந்தப்பட்ட ஆவணங்களை அழிக்கின்ற அல்லது நகர்த்துகின்ற பொறுப்பில் இந்த நந்தகோபன் என்பவரும், அறிவு என்பவருமே பொறுப்பாக இருந்தார்கள். அவர்கள் தமது கடமையைச் சரிவரச் செய்யாது தங்களை மட்டும் பாதுகாத்துக் கொண்டு மக்களோடு சேர்ந்து சரணடைந்து வந்துவிட்டார்கள். இதனால் தான் விடுதலைப்புலிகளின் சர்வதேச ஆவணங்கள் முழுவதும் சிறிலங்கா படைகளால் விஸ்வமடுப்பகுதியில் வைத்து எடுக்கப்பட்டது. அவ்வாறு அவ் ஆவணங்கள் அனைத்தும் சிங்கள அரசிடம் செல்வதற்கு காரணகர்த்தாக்கள் இவர்கள் இருவருமே. இவர்களே இன்று அனைத்துலக செயலகத்தை வழிநடத்தும் பொறுப்பாளர்கள். சிங்கள அரசுக்கெதிராகச் செயற்பட்ட புலம்பெயர் தமிழர்களை இனங்காணுவதற்கு விஸ்வமடுவில் எடுக்கப்பட்ட அனைத்துலகச் செயலகத்தின் ஆவணங்களே போதுமாவை.

புலம்பெயர் மக்களுக்குத் தெரியாத தீவிர விடுதலைச் செயற்பாட்டாளர்கள், உயர்மட்ட அரசியலாளர்கள், பொருளியலாளர்கள் என யாவருடைய விபரங்களும் இராணுவத்தினரிடம் உள்ளன. வெளியே யாருக்கும் தெரியாத விடயங்களை இராணுவத்திடம் அகப்பட வைத்துவிட்டு புலம் பெயர் தேசத்திற்கு வந்து மற்றவர்களைத் துரோகி என்று சொல்ல இந்த நந்தகோபனுக்கு எப்படி முடியும்.

தமிழீழ விடுதலைப் போராட்டத்தில் இராணுவத்திடம் அகப்பட்டு அல்லது சரணடைந்து வெளியில் வந்தவர்களுக்கு தமிழீழ விடுதலைப்புலிகள் இயக்கம் உடனடியாக பாரிய பொறுப்புக்கள் எதனையும் கொடுத்தது கிடையாது. அப்படி வந்தவர்கள் உடனடியாக பொறுப்புக்களை ஏற்றதும் கிடையாது. அப்படியிருக்க நந்தகோபன்; புலம்பெயர் தேசத்திற்கு வந்தவுடன் ஊடத்துறைப் பொறுப்பை எடுத்துக்கொண்டு ஏன் இப்படியான குழப்பங்களை விளைவிக்கின்றார்?.

நந்தகோபனை நம்புவது எப்படி. கேபி ஒரு கைதி. அவர் பற்றி நாம் அலட்டத் தேவையில்லை. அவர் இலங்கை அரசின் நிகழ்ச்சி நிரலுக்கு ஏற்பவே செயற்பட்டுக் கொண்டிருக்கின்றார் என்பது வெளிப்படை. அத்துடன் மக்கள் மத்தியில் அறியப்படாத கேபியை புலம்பெயர் மக்கள் மத்தியில் அறியச் செய்து அவரை ஒரு பெரிய நபர் ஆக்கியதும் இந்த ஊடகங்களும், நந்தகோபனுமே. கேபி குழு என்ற விடயத்தை கையிலெடுத்து மக்கள் மத்தியில் அவரைப் பெரிய சக்தியாகக் காட்டி. விளம்பரப்படுத்தி.
தன்னுடைய நிலையை மறைப்பதற்காக ஏதோ தலைமைத்துவப் போட்டி இருப்பது போல ஒரு மாயையை ஏற்படுத்தி மக்களை குழப்பத்தில் ஆழ்த்தியிருப்பது இந்தஊடகங்களும், நந்தகோபனுமே. குறிப்பாக கருணா எனப்படும் விநாயகமூர்த்தி முரளிதரன் விடுதலைப்புலிகள் இயக்கத்திலிருந்து பிரிந்ததன் பின் பல அறிக்கைகளை ஊடகங்களுக்குத் தெரிவித்திருந்தார்.

அதில் ஒன்று தான் இலங்கைப்படைகளால் 97,98,99 காலப்பகுதிகளில் நடாத்தப்பட்ட ஜயசிக்குறூய் இராணுவ நடவடிக்கைக்கெதிராக விடுதலைப்புலிகள் மேற்கொண்ட ஒட்டுமொத்த தாக்குலையும் தாமே தலைமைதாங்கி நடத்தினேன் என்பது. இவ்வாறு இவர் தம்பட்டம் அடித்தபோது தமிழீழ விடுதலைப்புலிகள் அதைப்பற்றி அலட்டிக் கொள்ளவில்லை. அதனால் கருணாவின் தம்பட்டம் உடைந்து போனது. அதேபாணியில் கேபி விடயத்தையும் கையாண்டிருந்தால் கேபி மிகப்பெரிய சக்தி பற்றிய மாயை உருவாக்கியிருக்க வாய்ப்பேயில்லை. எனது அன்புக்கும் பாசத்துக்குமுரிய மக்களே! அனைத்துலகச் செயலகத்தின் தற்போதய பொறுப்பாளர்கள் எமது விடுதலைப் போராட்டத்தின் எதிர்காலம் பற்றிய ஏதாவது ஒரு செயற்திட்டத்தை கடந்த ஒன்றரை வருடங்களில் அறிவித்தார்களா?

என்பதைச் சிந்தித்துப் பாருங்கள். மற்றவர்களைத் துரோகி என்பதும், தமிழ்த் தேசியச் செயற்பாட்டாளர்கள் பற்றி தவறான பரப்புரைகளை தமது ஊடகங்களான பதிவு, சங்கதி (புதிது), ஈழமுரசு, புலத்தில் (கனடா) ஆகியவற்றில் மேற்கொண்டு காலத்தை வீணடித்து தேசிய நிதியைச் சூறையாடுவதிலும், தங்களுடை இருப்பை உறுதிப்படுத்துவதிலுமே காலத்தைக் கழித்துக் கொண்டிருக்கின்றார்கள்.

இறுதிக்கட்டப் போரின்போது இராணுவ முற்றுகையை உடைத்துக் கொண்டு வெளியேறி விடுதலை வேட்கையோடு இன்று இயங்கிக் கொண்டிருக்கும் போராளிகளையும், கட்டளைத் தளபதிகளையும் மதிக்காது அவர்களின் செயற்பாடுகளுக்கான வழங்கல்கள் எதனையும் செய்யாமல் அவர்களைப் புறந்தள்ளிவிட்டு காகிதத்திலும், இணையத்தளங்களிலுமே தமிழீழ விடுதலைப்போர் என்று கர்ச்சித்துக் கொண்டு தமிழீழச் செயற்பாட்டாளர்களுக்குத் துரோகிப்பட்டம் வழங்குவதுதான் இந்த அனைத்துலகத் செயலக தற்போதைய பொறுப்பாளர்களின் பணியாகிப் போய்விட்டது. உண்மையில் புலனாய்வு அமைப்புக்கள் ஊடுருவுவதென்றால் அது யாருக்கும் புலப்படாது. அதை சிங்கள அரசு பிரச்சாரப்படுத்தவும் மாட்டாது.

புலனாய்வு என்பது எவருக்கும் தெரியாமலேயே இரகசியமாக நடத்தப்படும் வேலை. புலனாய்வாளர்கள் பற்றிய சரியான மதிப்பீடு தெரியாமல் சிங்கள அரசின் புலனாய்வு ஊடுருவல் என்ற பூச்சாண்டியைக் காட்டி இந்த நந்தகோபன் குழு புலம்பெயர் மக்களிடையே குழப்பம் விளைவிக்க முனைகின்றது. பொதுவாக அனைத்துக தொடர்பகத்தைச் செயற்படுத்திக் கொண்டிருக்கும் ஒருசில பொறுப்பாளர்களே தவறானவர்கள் என்று குறிப்பிடுகின்றேன். ஆனால் அதில் உள்ள அனைத்துப் போராளிகளும் பிழையானவர்கள் அல்ல.
அதேபோல் அனைத்துலக செயற்பாட்டுக் கிளைகள் எல்லாவற்றையும், அதன் எல்லாச் செயற்பாட்டாளர்களையும் பிழை என்றும் கூறவில்லை. இலங்கை அரசு உடைக்க நினைக்கும் நாடுகடந்த தமிழீழ அரசையும், புலம்பெயர் தேசத்தில் இருக்கின்ற மக்கள் அமைப்புக்களையும் இவர்கள் ஒற்றுமையாகச் செயற்படுவதைத் தடுக்கிறார்கள். அதாவது நாடுகடந்த அரசு. மற்றும் அனைத்துலக தொடர்பகம் மக்களுடன் இணைந்து ஒற்றுமையாகச் செயற்படக்கூடாது என்பதே சிங்கள அரசின் திட்டமாகும். அதைத் தற்போது இந்த நந்தகோபன் குழு நடைமுறைப்படுத்திக் கொண்டிருக்கின்றது.

இதிலிருந்து தெரிகின்றது நந்தகோபன் யாரின் நிகழ்ச்சி நிரலுக்கு ஏற்ப செயற்படுகின்றார் என்பது. இந்நபரின் கீழ் இயங்கிக் கொண்டிருக்கின்ற உண்மையான போராளிகளும் தேசியச் செயற்பாட்டாளர்களும் இதை விளங்கிக் கொள்ளவேண்டும். இவ்வாறு நந்தகோபன் குழுவினரால் பல தேசியச் செயற்பாட்டாளர்களும், மக்கள் கட்டமைப்புக்களும் துரோகி என்ற முத்திரை குத்தப்பட்டு முடக்கப்படுவதோடு தமிழீழ விடுதலைப்போரை அடுத்த கட்;டத்திற்கு நகர்த்தும் நோக்கத்தில் புதிதாக உருவாக்கப்படுகின்ற கட்டமைப்புக்களை துரோகி கருணாவுடனும், கேபியுடனும், இலங்கைப் புலனாய்வுத் துறையினருடனும் முடிச்சுப்; போடுகின்ற சூட்சுமம் இதுதான். அத்துடன் நந்தகோபனதும், சில தனிப்பட்ட நபர்களினதும் தமிழீழத் தேசிய நிதியைச் சூறையாடி மோசடி செய்த விடயங்களை அடுத்த மடலில் வெளியிடுகின்றேன்.

ஆகவே எத்தனை தடைகள் வரினும் தமிழீழ விடுதலைக்கான போராட்டம். மானிட இயங்கியல் விதியின் வழித்தடத்தைப் பின்பற்றி இயல்பாகவும், உறுதியாகவும் முன்னோக்கிச் செல்லும். இக்கால ஓட்டத்தில் பல அற்புதமான மனிதர்கள் வருவார்கள். போவார்கள். சங்கமிப்பார்கள். தமிழீழ விடுதலைப் போராட்டம் தனி மனிதர்களுக்கானதன்று. அது தமிழ்த் தேசிய இனத்திற்குச் சொந்தமானது. உண்மையான தேசியவாதிகள் யாராக இருந்தாலும் இதில் இணையலாம் செயற்படலாம், பணியாற்றலாம்.

இதற்கு யாரும் தடை போடமுடியாது. “நான் சாகலாம் நாங்கள் சாகமுடியாது” இலக்கை அடையும் வரை தொடர்ந்தும் போராடுவோம். “
புலிகளின் தாகம் தமிழீழத் தாயகம்”
ச.புலிச்சோழன்.
நிர்வாகப் பொறுப்பாளர் இம்ரான் பாண்டியன் படையணி --
ச.புலிச்சோழன் நிர்வாகப் பொறுப்பாளர் இம்ரான் பாண்டியன் படையணி

இந்த 30வயது இளம் பெணிற்கு உங்களால் உதவ முடியுமா ..?+சிறையிலிருந்து சீறிப்பாய்ந்த சீமான்

2010-12-13T02:21:00.000-08:00

நாம் தமிழர் கட்சியின் தலைமை ஒருங்கிணைப்பாளர் செந்தமிழன் சீமான் தமிழர் குரல் வானொலிக்கு அளித்த செவ்வி

நாம் தமிழர் கட்சியின் தலைமை ஒருங்கிணைப்பாளர் செந்தமிழன் சீமான் அவர்கள் தன் மீது பொய்யாக போடப்பட்ட தேசிய பாதுகாப்பு சட்டத்தில் இருந்து விடுதலையாகி உள்ளார். இந்நிலையில் தமிழர் குரல் வானொலிக்கு அளித்த செவ்வி.

[381 புகைப்படங்கள் இணைப்பு] வேலூர் சிறையிலிருந்து வெளிவந்தது முதல் சென்னை கட்சி தலைமை அலுவலகத்தில் நடந்த கூட்டம் வரையான புகைப்படங்கள்.

செந்தமிழன் சீமான் நேற்று அவர் மேல் போடப்பட்ட பொய்யான தேசிய பாதுகாப்பு சட்டத்தை உடைத்து வெளிவந்தார். நேற்று வேலூர் சிறையிலிருந்து வெளிவந்தது முதல் சென்னை கட்சி தலைமை அலுவலகத்தில் நடந்த கூட்டம் வரை முழுமையான புகைப்பட தொகுப்பு.

http://74.53.30.66/~seemaan/gallery/#/content/994_thalaimaiseyalagam/998_/

3ஆண்பி அனாள்ளைகளையும் நாட்டுக்குக் கொடுத்துவிட்டுதையாய் போன தாயின் குரல் இது.

2010-12-12T04:34:00.000-08:00

http://tamilnews24.com/nesakkaram/ta/?p=342

இன்றைய குரலுக்குரிய அம்மாவின் 3ஆண்பிள்ளைகளும் மண்ணுக்காக மடிந்து போனார்கள். இன்னும் ஒரு 17வயது மகன் முள்ளிவாய்க்காலில் காணாமல் போய்விட்டான். இன்றைய அம்மாவின் நம்பிக்கை 9வயது மகள் மட்டுமே.
இரவல் வீடுகளில் அம்மாவின் வாழ்வு இப்போது கழிகிறது. தனது பிள்ளைகளை இழந்த வலியும் வேதனையும் நிரம்பிய மனசுக்குள் உறைந்து துயரங்களை யாருக்கும் சொல்லவும் முடியாது மெல்லவும் முடியாது துயரங்களால் தின்னப்பட்டுக் கொண்டிருக்கிறார்.
பள்ளிக்குச் செல்லும் 9வயது மகளின் விருப்பங்களை நிறைவுசெய்ய முடியாது தனக்குள் குமுறும் இந்தத்தாய் தனது மகளுக்கான கல்வியைக் கோருகிறார். தானில்லாது போனால் தனது மகளை காப்பாற்றுங்கள் எனக்கெஞ்சுகிறாள். இந்தத்தாய் போல் பல்லாயிரம் தாய்கள் தங்கள் காணாமற்போன பிள்ளைகளையும் களங்களில் மடிந்த பிள்ளைகளையும் தேடிக்கொண்டிருக்கிறார்கள்.
தனது பிள்ளைகள் திரிந்த தெருக்களில் வாழ்வதில் ஒரு திருப்தியைப் பெற்றுக் கொள்கிற இந்த அம்மாவுக்கு ஒரு கரம் கொடுத்துத் தூக்கிவிடுவோம். இந்த அம்மாவின் பிள்ளைகளுக்கு நிகராக எம்மால் எதுவும் முடியாது ஆயினும் எங்களால் இயன்ற உதவியைக் கொடுத்து உயர்த்திவிடுவோமா உறவுகளே…?

தொடர்புகளுக்கு

நேசக்கரம்
முகவரி:
Nesakkaram e.V
Hauptstr – 210
55743 Idar-Oberstein
Germany
Shanthy Germany – 0049 6781 70723 begin_of_the_skype_highlighting 0049 6781 70723 end_of_the_skype_highlighting
Sri France – 0033 611149470 begin_of_the_skype_highlighting 0033 611149470 end_of_the_skype_highlighting
Vereinsregister:
AZ- VR 20302
Amtsgericht 55543 Bad Kreuznach
Finanzamt Idar-Oberstein,Steuer-Nr. 09/665/1338/8
மின்னஞ்சல்: nesakkaram@gmail.com

செந்தமிழன் சீமான்

2010-12-10T06:30:00.000-08:00

சீமானை வரவேற்கும் நாம் தமிழர் கட்சியினர் (படங்கள்)
தேசிய பாதுகாப்பு சட்டத்தில் கைது செய்யப்பட்டு வேலூர் சிறையில் இருந்த நாம் தமிழர் கட்சியின் தலைமை ஒருங்கிணைப்பாளர் சீமான் இன்று மதியம் 1.30க்கு சிறையில் இருந்து விடுதலை பெற்றார்.

தமிழகம் முழுவதிலும் இருந்து வந்திருந்த ஏராளமான நாம் தமிழர் கட்சியினர் சீமானை பட்டாசு கொளுத்தி உற்சாகமாய் வரவேற்றனர். மேலும் கொளத்தூர் மணி, இயக்குநர் பாலா, இயக்குநர் வ.கவுதமன் உட்பட பலரும் அவரை வரவேற்றனர்.

செந்தமிழன் சீமான் வேலூரில் இருந்து ஆயிரக்கனக்கான செயல்வீரர்களுடன் சென்னை நோக்கி பயணம்.

செந்தமிழன் சீமான் அவர்கள் வேலூர் சிறைச்சாலைக்குள் இருந்து வெளிவந்த பின் அவரை வரவேற்க்க காத்திருந்த ஆயிரக்கணக்கான தமிழர்கள் முன்பு எழுச்சியுரையாற்றினர். பின் அங்கிருந்து புறப்பட்டு வேலூர் சந்திப்பில் உள்ள அம்பேத்கர் சிலைக்கு மாலை அணிவித்தார். செந்தமிழன் சீமான் அவர்களின் வாகனத்திற்கு முன்பும் அவரது வாகனத்தை பின்தொடர்ந்தும் நூற்றுக்கணக்கான வாகனத்தில் நாம் தமிழர் செயல்வீரர்கள் எழுட்சி முழக்கம் இட்டபடியே பின்தொடர்கின்றனர். சீமான் அவர்கள் சென்னை வந்தடைந்தவுடன் நாம் தமிழர் கட்சி தலைமை அலுவலகத்தில் கட்சி நிர்வாகிகளுடனான கலந்துரையாடலில் ஈடு பட உள்ளார் .எம்.ஜி.ஆர். சிலைக்கு சீமான் மாலை அணிவித்து மரியாதை

தேசிய பாதுகாப்பு சட்டத்தில் கைது செய்யப்பட்டு வேலூர் சிறையில் இருந்த நாம் தமிழர் கட்சியின் தலைமை ஒருங்கிணைப்பாளர் சீமான் இன்று மதியம் 1.30க்கு சிறையில் இருந்து விடுதலை பெற்றார்
தமிழகம் முழுவதிலும் இருந்து வந்திருந்த ஏராளமான நாம் தமிழர் கட்சியினர் சீமானை உற்சாகமாய் வரவேற்றனர். மேலும் கொளத்தூர் மணி, இயக்குநர் பாலா, இயக்குநர் வ.கவுதமன் உட்பட பலரும் அவரை வரவேற்றனர்.

பின்னர் சீமான், சிறை வாசலில் இருந்து 200 மீட்டர் தொலைவில் இருக்கும் மறைந்த தமிழக முன்னாள் முதல்வர் எம்.ஜி.ஆர். சிலைக்கு மாலை அணிவித்து மரியாதை செலுத்தினார்.

இதையடுத்து அருகே இருந்த பெரியார் சிலைக்கும் மாலை அணிவித்து மரியாதை செலுத்தினார்

[ஒலிப்பதிவு இணைப்பு] சிறையை விட்டு சீறி பாய்ந்த சீமான் – பாலமுரளிவர்மன்

சிறையை விட்டு சீறி வெளியே வந்த சீமான் வழியேங்கும் மக்கள் இடையே எழுச்சி உரை ஆற்றிய படியே சென்னை நோக்கி நகர்கிறார். அவரை பின் தொடர்ந்தே கட்சியின் செயல்வீரர்களும் எழுச்சி முழக்கம் இட்டபடியே பின் நகர்கின்றனர். இவ் பிரமாண்ட ஊர்வலம் சென்னை தலைமை அலுவலகத்தை இரவு 8.00மணிக்கு வந்தடையும் என்று எதிர்பார்க்க படுகிறது. சிறையை விட்டு சீரி பாய்ந்த சீமான் – பாலமுரளிவர்மன் நாம் தமிழர் இணையதளத்திற்கு அளித்த செவ்வி

http://74.53.30.66/~seemaan/%e0%ae%95%e0%ae%9f%e0%af%8d%e0%ae%9a%e0%ae%bf-%e0%ae%9a%e0%af%86%e0%ae%af%e0%af%8d%e0%ae%a4%e0%ae%bf%e0%ae%95%e0%ae%b3%e0%af%8d/%e0%ae%92%e0%ae%b3%e0%ae%bf%e0%ae%aa%e0%af%8d%e0%ae%aa%e0%ae%a4%e0%ae%bf%e0%ae%b5%e0%af%81-%e0%ae%87%e0%ae%a3%e0%af%88%e0%ae%aa%e0%af%8d%e0%ae%aa%e0%af%81-%e0%ae%9a%e0%ae%bf%e0%ae%b1%e0%af%88

நாம் தமிழர் கட்சியின் தலைமை ஒருங்கிணைப்பாளர் செந்தமிழன் சீமான் விடுதலை

2010-12-09T04:10:00.000-08:00

திரைப்பட இயக்குனரும், நாம் தமிழர் கட்சியின் தலைமை ஒருங்கிணைப்பாளருமான சீமான் மீதான தேசிய பாதுகாப்பு சட்ட நடவடிக்கையை ரத்து செய்து, சென்னை உயர்நீதிமன்றம் உத்தரவிட்டது. நீதிபதிகள் தர்மாராவ், ஹரிபரந்தாமன் ஆகியோர் அடங்கிய அமர்வு இந்த உத்தரவை பிறப்பித்துள்ளது.

தமிழக மீனவர்களை இலங்கை கடற்படையினர் தாக்கப்படுவதை கண்டித்து, சென்னையில் நாம் தமிழர் இயக்கத்தின் சார்பில் கண்டன ஆர்ப்பாட்டம் நடைபெற்றது. இதில் இந்திய இறையாண்மைக்கு எதிராக சீமான் பேசியதாக வழக்குப் பதிவு செய்யப்பட்டது. பின்னர் அவர் மீது தேசிய பாதுகாப்பு சட்டத்தின் கீழ் வழக்குப் பதிவு செய்யப்பட்டு கைது நடவடிக்கை மேற்கொள்ளப்பட்டது.

பரபரப்பான அந்த சூழ்நிலையில் சென்னை பத்திரிகையாளர் மன்றத்துக்கு பத்திரிகையாளர்களை சந்திக்க சீமான் வந்தபோது, போலீசார் அவரை கைது செய்து வேலூர் சிறையில் அடைத்தனர்.

இதனை எதிர்த்து சீமான் சகோதரர் ஜேம்ஸ் பீட்டர் சென்னை ஐகோர்ட்டில் வழக்கு தொடர்ந்தார். நீதிபதிகள் தர்மாராவ், ஹரிபரந்தாமன் ஆகியோர் அடங்கிய அமர்வு முன் இந்த வழக்கு இன்று (09.12.2010) விசாரணைக்கு வந்தது. மனு மீதான வழக்கு விசாரணையின்போது, தேசிய பாதுகாப்பு சட்டத்தினை ஒருவர் மீது பிரயோகிக்க மாநகர ஆணையருக்கு மட்டுமே அதிகாரம் உள்ளது என, சீமானின் வழக்கறிஞர் வாதிட்டார். சீமானுக்கு எதிராக கூடுதல் மாநகர ஆணையர் பிறபித்த உத்தரவு செல்லாது என அறிவிக்க வேண்டும் என்றும் கோரினார்.

வழக்கில் ஆஜரான அரசு வழக்கறிஞர், மாநகர காவல்துறை ஆணையர் பதவியில் இல்லாதபோது, கூடுதல் ஆணையருக்கு முழு அதிகாரம் உள்ளதாக வாதாடினார்.

அப்போது நீதிபதிகள் தர்மாராவ், ஹரி பரந்தாமன் ஆகியோர் குறுக்கீட்டு, இலங்கை கடற்படையால் தமிழக மீனவர்கள் தாக்கப்பட்டால் இங்கு படிக்கும் சிங்கள மாணவர்கள் தாக்கப்படுவார்கள் என்று எதிர்காலத்தின் அடிப்படையில் சீமான் பேசியுள்ளார்.

தேசிய பாதுகாப்பு சட்டத்தில் கைது செய்யப்பட்டுள்ள அவரின் இந்த பேச்சை தொடர்ந்து தமிழகத்தில் வன்முறை சம்பவங்கள் எதுவும் நடந்ததா? என்று கேள்வி எழுப்பினர்.

இருதரப்பு வாதத்தையும் கேட்ட நீதிபதிகள், தேசிய பாதுகாப்பு சட்டம் பிரயோகிப்பதற்கு, மாநகர காவல்துறை ஆணையருக்கு மட்டுமே அதிகாரம் உள்ளது என்று ஏற்கனவே உச்சநீதிமன்றம் தீர்ப்பளித்ததை சுட்டிக்காட்டினர். எனவே, சீமானுக்கு எதிரான தேசிய பாதுகாப்பு சட்டத்தின் நடவடிக்கையை ரத்து செய்து நீதிபதிகள் உத்தரவிட்டனர். இதையடுத்து சீமான் இன்று மாலை அல்லது நாளை காலை விடுதலை ஆவார் என எதிர்பார்க்கப்படுகிறது.

ஜேம்ஸ் பீட்டர் தரப்பில் வழக்கறிஞர்கள் நடராஜன், சந்திரசேகர், இளங்கோ ஆகியோர் ஆஜரானார்கள். அரசு தரப்பில் அட்வகெட் ஜெனரல் பி.எஸ்.ராமன் ஆஜரானார்.
http://www.naamtamilar.org/textnews_detail.php?id=2915

[படங்கள் இணைப்பு] ஈரோடு மாவட்ட நாம் தமிழர் கட்சியினர் சார்பாக நடைபெற்ற மாவீரர் தின நிகழ்வு

2010-12-07T22:48:00.000-08:00

மாவீரர் நாள் நவம்பர் 27, 2010 அன்று நாம் தமிழர் கட்சி உளிட்ட,தேசிய உரிமைகளுக்கான கூட்டமைப்பு சார்பாக காசுமீர் கசுமீரிகளுக்கே என்ற தலைப்பில் கருத்தரங்கமும் மாவீரர் வீரவணக்க நிகழ்வும் ஈரோடு பெரியார் மன்றத்தில் நடைபெட்ட்றது. 1500 க்கும் மேற்பட்டோர் கலந்துகொண்டு வீரவணக்கம் செலுத்தினர்.

காசுமீர் விடுதலை இயக்கம் சார்பாக வந்து இருந்த தோழர் ஆசாத் அவர்கள், ஈழம் போன்று கசுமீரில் இந்திய ராணுவம் செய்யும் அட்டூழியங்களை கண்ணீர் மல்க கூறினார். நமது தமிழ் தேச விடுதலைக்கும், ஈழ விடுதலைக்கும், காசுமீர் மக்கள் அதரவு கொடுப்பார்கள் என்று உறுதி கூறினார். நிகழ்வில் வழக்குறைஞர் ப.மோகன் அவர்கள் பேரறிவாளனின், மன உறிதியுடன் கூடிய ஆற்றலையும், நிகரில்லா தியாகத்தையும்,அவருக்கு இழைக்கப்பட்ட அநிதியையும் கூறி பேரறிவாளனின் முறையீட்டு மடல் புத்தகத்தை அறிமுகப்படுத்தினார்.

நிகழ்ச்சி இறுதியில் நடைபெற்ற வீரவணக்க நிகழ்வில் நாம் தமிழர் தோழர்கள் குடும்பத்துடன் மாவீரர் நினைவு தூண் முன்பு மாவட்ட ஒருங்கிணைப்பாளர் செயராசு தலைமையில் வீரவணக்கம் செலுத்தி நாம் தமிழர் உறுதி மொழி ஏற்றனர்.

நன்றி
இரா. செழியன்
செய்தி தொடர்பாளர் ஈரோடு மாவட்டம்.

இந்த வருட மாவீரர் வாரம் தரும் செய்தி என்ன?

2010-12-07T01:17:00.000-08:00

இந்த வருடம் கடைப்பிடிக்கப்பட்ட மாவீரர் வாரம் பல செய்திகளை உலகத்தமிழருக்கும் சிங்கள இனவெறி அரசிற்கும் தந்துள்ளது. புலிகளை அழித்துவிட்டதாகவும், தமிழர்களை புலிகளிடமிருந்து மீட்டுவிட்டதாகவும் கொக்கரிப்பதனால் தமிழர்களின் தேசிய பிரச்சினைக்கு முடிவு வரப்போவதில்லை. தமிழர்களின் அரசியல் பிரச்சினையை தீர்க்காமால் கபட நாடகம் ஆடி தமிழர்களின் மனங்களை வெல்லலாம் என்பது பகல் கனவே. சிங்கள ஆட்சியாளர்கள் தமிழர்களுக்கு அதிகாரங்களையளித்து அவர்தம் பூமியில் சுமூகமான வாழ்வு வாழ அனுமதியாதுவரை சிறிலங்காவில் அமைதி திரும்பப்போவதில்லை.

புலிகள் ஆயுத பலத்துடன் இருந்தவேளை புலிகள்தான் சமாதானத்திற்கான கதவை மூடி வைத்திருந்து பயங்கரவாத நடவடிக்கைகளில் ஈடுபட்டார்கள் என்று கூறிய சிங்கள அரசுகள், கடந்த வருடத்தில் புலிகள் ஆயுதங்களை மௌனிக்கச் செய்த பின்னர் புலிகளை வென்று அதன் தலைவரை கொன்று நந்திக்கடலில் கரைத்துவிட்டதாக சொல்லி தம்மையும் ஏமாற்றி மற்றவர்களையும் ஏமாற்றிப் பிழைப்பு நடத்தும் வேலையில் இறங்கியது மகிந்த ராஜபக்சாவின் அரசு.

வன்னி நிலப்பரப்பை கட்டுப்பாட்டின்கீழ் வைத்திருந்த வேளையில் தமிழ் மக்களும் புலிகளும் பல இன்னல்களை அனுபவித்துக்கொண்டேதான் இருந்தார்கள். ரணிலுடன் மேற்கொண்ட ஒப்பந்தத்தின் பின்னர் புலிகள் எந்தவொரு இராணுவ முன்னெடுப்புக்களை மேற்கொண்டு இராணுவக் கட்டுப்பாட்டின்கீழ் இருந்த இடங்களை கைப்பற்றவில்லை. நோர்வே அரசின் தலைமையில் இடம்பெற்ற ஒப்பந்தத்தை எந்தளவுக்கு புலிகள் மதித்து நடந்தார்கள் என்பதை இது காட்டுகின்றது. சிங்கள இராணுவம் வலிந்த தாக்குதலை கிழக்கில் மேற்கொண்டு புலிகளின் கட்டுப்பாட்டின்கீழ் இருந்த நிலங்களை கைப்பற்றும் வேளையில் புலிகள் பலமுறை மௌனம் காத்தார்கள்.

சிங்கள ஆக்கிரமிப்பின்கீழ் இருந்த சம்பூரை கைப்பற்றி வெற்றிமீது வெற்றிபெற்று படையை நகர்த்தும் வேளையில் உலகநாடுகளின் தயவை நாடியது சிறிலங்கா அரசு. உலகநாடுகளின் வேண்டுதலுக்கு இணங்க தாம் கைப்பற்றிய இடங்களிலிருந்து பின்வாங்கியது புலிப்படை. அன்று நினைத்திருந்தால் சிங்கள இராணுவத்திற்கும் கடற்படைக்கும் புலிகள் பாரிய இழப்பை உண்டுபண்ணியிருக்கலாம். புலிகள் அதைச் செய்யவில்லை காரணம் பிரபாகரனால் கைச்சாத்திடப்பட்ட ஒப்பந்தத்தை மீறமாட்டோம் என்கிற கோட்பாட்டில் இருந்தார்கள் புலிப்படையினர்.

அடிமேல் அடிகொடுத்து புலிகளின் கட்டுப்பாட்டுப் பிரதேசங்களை கைப்பற்றும் வலிந்த தாக்குதலை இராணுவம் மேற்கொள்ளும்போது தற்காப்பு போர்முறையையே மேற்கொண்டு உலகநாடுகளின் வேண்டுதலுக்கு மதிப்பளித்து இறுதியில் ஆயுதங்களை மௌனித்தார்கள் புலிப்படையினர். எதிரியின் அனைத்து சூழ்ச்சிகளையும் முறியடிக்கும் ஆற்றல் படைத்தவரே பிரபாகரன் என்பது அவரின் பரம எதிரிக்கும் தெரியும். தமிழீழ மக்களின் சுமூக வாழ்வு மற்றும் அவர்களின் விடுதலையே புலிகளின் பல வருட போராட்டத்திற்கான காரணம்.

வெறும் கண்துடைப்புக்காக வெளிநாடுகளை ஏமாற்றி பணம் பெறுவதற்காக நரித்தந்திர வேலையை மகிந்தா அரசு மேற்கொள்கிறது. பல உலகநாடுகளும் போட்டி போட்டுக்கொண்டு உதவிகளையும் செய்கிறது. பாவப்பட்ட தமிழினம் இன்றும் சொல்லொனாத் துயரையே அனுபவிக்கிறது. புலிகள் ஆயுத பலமுடன் தனியரசையே நடாத்திக்கொண்டு இருந்தவேளை தமிழர்களுக்கு அரசியல் பிரச்சினை இருக்கிறதுதான் என்று சொன்ன சிங்கள அரசியல்வாதிகள் இன்று தமிழர்களுக்கென்று குறிப்பிடப்படும் வடக்கு கிழக்கு பிரதேசங்கள் சொந்தமில்லை என கூறுவதுடன் சிங்களவர்களை குடியமர்த்தும் வேலையில் இறங்கி வேகமாக செயற்படுத்துகிறார்கள். மக்களால் தேர்ந்தெடுக்கப்பட்ட தமிழ் பிரதிநிதிகள் பலமுறை இதைத் தடுப்பதற்கு பிரயத்தனங்களை எடுத்தும் தோல்வியிலையே முடிந்துள்ளது.

தமிழர்களின் பிரச்சினையை சிங்கள தேசம் ஒருபோதும் சமாதான வழியில் தீர்க்காது என்பதையே இது எடுத்துக்காட்டுகிறது. புலிகளின் அறிக்கையின் முக்கியத்துவம் சிங்கள அரசின் கபடத்தனமான நடவடிக்கைகள் மீது துளியளவேனும் நம்பிக்கையில்லையெனத் தெரிந்தும் சமாதானக்கதவை ஏன் புலிகள் திறந்து மூன்றாம் நாடொன்றின் அனுசரணையுடன் பேச்சுவார்த்தைக்கு சென்றார்கள் என விளக்கமாக தெரிவித்துள்ளது புலிகளின் இந்த வருட அறிக்கை. பிரபாகரனின் மாவீரர் உரை எவ்வாறு அறிக்கைவாயிலாக வருமோ அதைப்போலவே இந்த வருடமும் புலிகளிடத்திலிருந்து வந்திருக்கிறது அறிக்கை. இவ்வறிக்கையின்படி புலிகள் சிங்கள அரசுகளை நம்பி பேச்சுவார்த்தைக்கு செல்லவில்லை.
வெளிநாடுகளின் நிர்ப்பந்தத்தினாலும் தமிழீழ விடுதலையை பெறும் நோக்கிலையே விடுதலைப்புலிகள் இப்படியான ஒரு இக்கட்டான நிலையை எடுக்க வேண்டிவந்துள்ளது என்பதை சுட்டிக்காட்டியுள்ளது புலிகளின் அறிக்கை. தமதறிக்கையில் புலிகள் தெரிவித்துள்ளதாவது: “சிங்களப் பேரினவாத அரசு ஐக்கிய நாடுகள் சபையினதும் உலக நாடுகளினதும் முயற்சிகளைப் புறக்கணிப்பதோடு அவற்றை மூர்க்கத்தனமாக எதிர்த்தும் வருகின்றது. கூடவே மனித உரிமை அமைப்புக்களினது வேண்டுகோளையும் கரிசனைகளையும் உதாசீனப்படுத்துகிறது. சுயாதீனமான விசாரணையொன்று நடைபெறுவதை எப்பாடுபட்டாவது தடுத்து விடுவதில் சிறிலங்கா அரசு குறியாகவே இருக்கின்றது. இவ்வாறு ஒருபக்கம் சுயாதீனமான பன்னாட்டு விசாரணை முயற்சிகளை நிராகரித்துக் கொண்டு கண்துடைப்புக்காக தானே ஒரு விசாரணைக்குழுவை அமைத்துள்ளது.

இப்படியான விசாரணைக்குழுக்கள் தொடர்பில் தமிழர்களுக்கு மிக நீண்டகால அனுபவமுண்டு. அவ்வகையிலேயே சிறிலங்கா அரசு அமைத்திருக்கும் “கற்றுக்கொண்ட பாடங்கள் மற்றும் நல்லிணக்கத்துக்கான ஆணைக்குழு” என்ற நாடகமும் அரங்கேறிக் கொண்டிருக்கிறது. சிறிலங்கா அரசின் இந்தச் சூழ்ச்சியில் உலகநாடுகளும் மனித உரிமை அமைப்புக்களும் வீழ்ந்து விடாமலிருக்க வேண்டும் என்பதே தமிழ்மக்களின் வேண்டுகோளாகும்." “எமது விடுதலைப் போராட்டத்தில் பல்வேறு சந்தர்ப்பங்களில் நாம் போர்நிறுத்தங்களை மேற்கொண்டுள்ளோம். சமாதானப் பேச்சுக்களில் பங்கெடுத்துள்ளோம்.

இக்காலகட்டத்தில் எதிரி மேற்கொள்ளும் சூழ்ச்சிகளைத் தெரிந்துகொண்டும் நாம் பல்வேறு சந்தர்ப்பங்களில் பேச்சுக்களுக்குச் சென்றுள்ளோம். அமைதிப் பேச்சுக்கள் தொடர்பில் உலகநாடுகள் மேற்கொண்ட முயற்சிகளுக்கு எப்போதும் நாம் மதிப்பளித்தே வந்துள்ளோம். அவ்வகையில் 2002-ஆம் ஆண்டு நோர்வே தலைமையிலான சமாதான ஏற்பாட்டாளர்களின் துணையோடு சிறிலங்கா அரசுடனான புரிந்துணர்வு உடன்படிக்கையை நாம் ஏற்றுக்கொண்டோம். சிங்களப் பேரினவாத அரசாங்கங்களோடு தமிழ்த் தலைமைகள் கடந்த காலங்களில் ஏற்படுத்திய பல உடன்படிக்கைகள் காலத்துக்குக் காலம் சிங்கள அரசாங்கங்களால் தூக்கி வீசப்பட்டன.

தமிழர்களாகிய நாம் எப்போதுமே எந்த உடன்படிக்கையிலிருந்தும் நாமாக விலகிக் கொண்டதில்லை. அதேபோலவே 2002 ஆம் ஆண்டில் மேற்கொள்ளப்பட்ட புரிந்துணர்வு உடன்படிக்கையிலிருந்தும் இறுதிவரை வெளியேறாமலே இருந்தோம். ஆனால் மகிந்த இராஜபக்ச அரசு அவ்வுடன்படிக்கையைக் கிழித்தெறிந்து நோர்வேயின் நடுநிலைமையையும் அசட்டை செய்து தமிழர் தாயகமெங்கும் பெரும்போரை நடாத்தி மாபெரும் மானுட அழிவைத் தமிழர்மேல் கட்டவிழ்த்து விட்டது. தமிழர் தேசத்தில் தமிழர்களை ஒரு திறந்தவெளிச் சிறைச்சாலையில் வாழ்பவர்களைப் போலவே இப்போது நடாத்தி வருகின்றது. மகிந்த இராஜபக்ச அரசானது நோர்வே உட்பட்ட இணைத்தலைமை நாடுகளின் நடுநிலைத் தன்மையைக் கேலிக்குரியதாக்கி இருக்கின்றது." தமிழர்களை எமாற்றுமுகமாகவேதான் சிறிலங்கா பல செயல்களை செய்துகொண்டுவந்துள்ளது என்பதை இவ்வறிக்கையின் மூலமாக புலிகள் சுட்டிக்காட்டியுள்ளார்கள்.

கடந்த வருடத்தில் இடம்பெற்ற மனித பேரவலத்திற்கு பின்னர் உலகநாடுகள் தமிழர்களின் போராட்டத்தைப் பற்றிய உண்மை நிலையை அறிய முனைந்திருக்கிறது என்றால் மிகையாகாது. மீண்டும் ஒரு ஆயுதப்போராட்டம் வந்துவிடக்கூடாது என்றால் தமிழர்களின் தேசியப் பிரச்சினைக்கு நிரந்திர அரசியல் தீர்வு எட்டப்பட வேண்டுமென்பதே பல மேற்கத்தைய நாடுகளின் கருத்து. இவ் நாடுகளின் வேண்டுதலை நிறைவேற்ற தவறும்பட்சத்தில் புலிகள் மீண்டும் ஆயுதங்களை எடுப்பார்கள் என்பதே பல நாடுகளின் கருத்து. மேற்கத்தைய நாடுகளின் வேண்டுதலை நிறைவேற்றாமல் சிங்கள அரசுகள் தமிழர்களை ஏமாற்றியது போன்று வெளிநாடுகளையும் ஏமாற்ற முனைந்தால் தக்க பாடங்களை இந்நாடுகளே மறைமுகமாக கற்பிக்க வேண்டிவரும். இதை நன்கே புரிந்துகொண்ட புலிகள் நோர்வேயின் அனுசரணையுடன் இடம்பெற்ற சமாதான காலப்பகுதியில் அவர்களின் எதிர்ப்பை சம்பாதிக்காமல் அவர்களுடன் இணைந்து செயற்பட்டார்கள். புலிகள் பயங்கரவாதிகள் இல்லை என்ற நிலையை பல உலகநாடுகளுக்கு பல முறை புலிகள் உணர்த்தியுள்ளார்கள்.

முன்னர் பயங்கரவாதிகள் என்று வர்ணிக்கபட்ட பல அமைப்புக்கள் இன்று விடுதலை இயக்கங்களாக உலகநாடுகளினால் அங்கீகரிக்கபட்டுள்ளனர். தென்னாபிரிக்க தேசிய காங்கிரஸ் தலைவர் நெல்சன் மண்டேலா கூட பயங்கரவாதியாகவே அறிவிக்கப்பட்டு பல ஆண்டுகள் தடுப்புக்காவலில் வைக்கப்பட்டு சித்திரவதை செய்யப்பட்டார். இவரை இன்று சமாதானத்தின் தூதுவர் என்றும் போராட்ட வீரர் என்றும் உலகமே போற்றுகின்றது. புலிகள் தமதறிக்கையில் மேலும் தெரிவித்துள்ளதாவது: “இலங்கைத்தீவில் தமது இறைமையைப் பேணியபடி தம்மைத்தாமே ஆட்சி செய்துகொண்டிருந்த தமிழினம் படிப்படியாக மேற்குலக நாட்டவரின் ஆதிக்கத்தின் கீழ் கொண்டுவரப்பட்டது. மாறிமாறி ஆட்சி செய்தவர்கள் இறுதியில் இலங்கைத்தீவைக் கைவிட்டுச் சென்றபோது தமிழரின் அரசியல் உரிமைகளைச் சிங்களப் பெரும்பான்மையினத்திடம் நிரந்தரமாகக் கையளித்துச் சென்றார்கள்.

பிரித்தானியரின் வெளியேற்றத்தைத் தொடர்ந்து தமிழினத்தின் மீதான கொடுமைகள் சிங்களப் பெரும்பான்மையினத்தால் இனவெறியோடு மேற்கொள்ளப்பட்டன. இவற்றுக்கெதிராக தமிழ்மக்கள் நடாத்திய தொடர்ச்சியான அறவழிப்போராட்டங்கள் பலனற்றுப்போன நிலையிலும் தமிழினத்தின் மீதான அடக்குமுறைகள் அதிகரித்த நிலையிலும்தான் எமது மக்கள் ஆயுதப் போராட்ட வழிமுறையைத் தெரிவு செய்தார்கள். உலகநாடுகள் பலவற்றில் நடந்த விடுதலைப் போராட்டங்கள் போலவே எமது போராட்டமும் முற்றிலும் நியாயமான அடிப்படைகளைக் கொண்டதாகவே அமைந்துள்ளது. ஆயுதப் போராட்டத்தை வழிமுறையாகக் கொண்டு விடுதலைபெற்ற அனைத்து இனங்களுக்கும் நாடுகளுக்கும் இருக்கும் அதே உரிமை எமது மக்களுக்கும் எமது போராட்டத்துக்கும் உண்டு என்பதை மனச்சான்றுள்ள அனைவரும் அறிவர். ஆயினும் பல நாடுகள் தமது சொந்த பிராந்திய அரசியல் – பொருளாதார நலன்களுக்காக எமது இனத்தின் விடுதலைப் போராட்டம் தொடர்பில் பாராமுகமாக இருந்தமை கவலைக்குரியது.

சில வல்லரசுகள் இன்னும் ஒருபடி மேற்சென்று எமது போராட்டத்தை நசுக்கவும் அடியோடு அழிக்கவும் மேற்கொள்ளப்படும் முயற்சிகளுக்குத் துணைபுரிந்து கொண்டிருப்பது நியாயமற்றது." மேலும் அவ்வறிக்கையில் தெரிவிக்கப்பட்டுள்ளதாவது: “நீண்டகாலமாக பெரும்பான்மையினத்தின் அனைத்துவித அடக்குமுறைகளையும் எதிர்கொண்டு தமது விடுதலைக்காக வீறுடன் போராடிக்கொண்டிருந்த ஓரினத்தை ஒட்டுமொத்தமாகச் சிதைக்கவென நடாத்தப்பட்ட இனவழிப்பு நடவடிக்கையில் சிலநாடுகள் அணிதிரண்டு உதவியளித்தபோது மனித உரிமைகளைப்பற்றி பெரிதாகப் பேசிக்கொண்டிருந்த நாடுகளும்கூட கண்டுகொள்ளாமல் இருந்தமை தமிழ்மக்களின் மனங்களில் ஆறாத வடுவாகவே உள்ளது. உலக வரலாறு கண்டிராத மாபெரும் மனிதப் பேரழிவு முள்ளிவாய்க்காலில் நிகழ்த்தப்பட்டபோதும் சரி அதன்பின்னரும் சரி உலகம் தீர்க்கமான நடவடிக்கையேதும் எடுக்கவில்லையென்பது தமிழ்மக்களை வேதனையின் விளிம்பில் கொண்டுபோய் விட்டுள்ளது.

போரில் வெற்றிபெற்றதாக மமதையோடு அறிவித்த சிங்களப் பேரினவாத அரசு அதன்பின்னர் நடந்துகொண்ட நடந்துகொள்ளும் முறையும் மனித விழுமியங்களுக்கு அப்பாற்பட்டது.” “தமிழினத்தின் ஆன்மாவையே சிதைக்கும் நடவடிக்கையில் சிங்கள அரசு தீவிரமாக ஈடுபட்டுள்ளது. எமது மக்கள் தமது உயிரினும் மேலாக மதித்துப் பூசித்துவந்த மாவீரர் துயிலுமில்லங்களை முற்றாக அழித்து அவை இருந்த இடமே தெரியாத வண்ணம் மாற்றியமைத்துள்ளது. தமிழர் பகுதிகளில் எஞ்சியுள்ள பண்டைய வரலாற்றுச் சின்னங்களையும் தேடித்தேடி அழித்தும் வருகின்றது. தமிழர் தாயகத்தில் புதிது புதிதாக முளைத்துவரும் புத்தர் சிலைகளும் விகாரைகளும் எமது தேசிய அடையாளத்தைச் சிதைக்கும் நோக்கோடு முன்னெடுக்கப்பட்டுவரும் மறைமுக நடவடிக்கையே. இவை தனியே மத அடையாளங்கள் என்பதையும் தாண்டி எமது தாயகக் கோட்பாட்டைச் சிதைக்கும் நோக்கோடு ஆண்டாண்டு காலமாக சிங்கள – பௌத்த பேரினவாத சக்திகளால் முன்னெடுக்கப்பட்டு வந்த சதித்திட்டங்களே.

எமது விடுதலை இயக்கம் தாயகத்தில் பலம்பெற்றிருந்தபோது முடக்கப்பட்டிருந்த இந்தப் பண்பாட்டுப் படையெடுப்பு தற்போது தீவிரமாக எமது தாயகத்தில் நடைமுறைப்படுத்தப்படுகிறது." இராஜதந்திரத்தினூடாகவே தமிழர்களின் அரசியல் அபிலாசைகளை அடைய முடியுமென்பதே புலிகளின் நிலைப்பாடு என்பதை இவ்வறிக்கையினூடாக தெட்டத்தெளிவாக்கப்பட்டுள்ளது. புனர்வாழ்வுஇ அபிவிருத்தி என்ற பெயரில் தமிழர் தாயகப்பகுதிகளில் சிறிலங்கா அரசு நிகழ்த்திக்கொண்டிருப்பது நில ஆக்கிரமிப்பே தவிர தமிழ் மக்களுக்கான நிம்மதியான வாழ்வாதாரமன்று. ஆங்காங்கே சிங்களக் குடியிருப்புக்களும் படைக்குடியிருப்புக்களும் நிறுவப்பட்டுக் கொண்டிருப்பது தமிழ் மக்களுக்கான அபிவிருத்தியல்ல.

அபிவிருத்தியென்ற போர்வையில் நில ஆக்கிரமிப்பை ஒருபுறம் நிகழ்த்திக்கொண்டு தமிழரின் இனப்பரம்பலைச் சிதைத்து இலங்கைத்தீவை முழுமையான ஒரு சிங்கள–பௌத்த நாடாக்கும் கைங்கரியத்தைத் திட்டமிட்டுச் செயற்படுத்துகிறது சிங்களப் பேரினவாத அரசு என்பதை நினைவுபடுத்தி இவ்வறிக்கை வாயிலாக புலிகள் தெரிவித்துள்ளார்கள். புலிகளின் இந்த வருட அறிக்கை முன்னைவிட அதி மதிநுட்பத்துடன் வரையப்பட்ட அறிக்கை என்பதை யாரும் மறுக்க முடியாது. குறிப்பிடப்பட்ட நிலப்பரப்பில் தனி அரசையே நடத்தி வந்த புலிகளை கலைத்து ஒரு கூண்டில் வாழ்ந்த குருவிகளை எப்படி கலைத்துவிடும் செயல்போன்றேதான் சிங்கள அரசு தமிழ் மக்கள் மீதும் செய்தது. தமிழர்கள் பட்ட துன்பங்கள் வார்த்தைகளால் வர்ணிக்க முடியாதவை.

ஈழ விடுதலையின் ஆரம்பக்கட்ட ஆயுத போர் காலத்தில் கரந்தடி முறையிலான பாணியில் யுத்தம் செய்து பாரிய இழப்புக்களை எதிரிக்கு கொடுத்தே எதிரியானவனை கலங்கடித்தார்கள் தமிழ்ப் போராளிகள். மீண்டும் அப்படியானதொரு நிலையை சிங்கள அரசு தமிழர்கள் மீது திணிக்கக்கூடாது என்பதையே புலிகளின் இந்த வருட மாவீரர் அறிக்கை மூலமாக உணரமுடிகிறது. ஆகவே இந்த வருட புலிகளின் அறிக்கை அதியுயர் முக்கியத்துவத்தை பெறுகிறது. யுத்தத்தை திணிக்காமல் தீர்வு காண்பதே சாமத்தியம் புலிகள் அழிந்துவிட்டார்கள் என்ற மமதையில் காலத்தை வீணடித்து தமிழர்களை ஓரம்கட்டலாம் என்ற நிலை சிங்கள ஆட்சியாளர்களின் மனங்களில் இருக்கிறது. இதனை அகற்றி தமிழர்கள் கோரும் சுயநிர்ணய உரிமையை சமாதான வழியில் வழங்கி ஒன்றுபட்ட நாட்டில் இரு தேசங்கள் என்ற நோக்குடன் கையாள்வதே சாலச்சிறந்தது. அதைவிடுத்து வேதாளம் முருங்கை மரத்தில் ஏறும் கதைபோல் இருக்காமல் மீண்டும் போர் மூளாமல் தடுப்பதே புத்திசாலித்தனம்.

இறுதிப்புலி இருக்கும்வரை தமிழீழப் போராட்டம் தொடரும் என்ற கருத்தை உள்வாங்கி சிங்கள அரசு செயற்படுமேயானால் சிறிலங்கா மீண்டுமொரு யுத்தத்தை தடுக்கலாம். முன்னர் எப்போதும் இல்லாதவாறு கோபத்துடன் இருக்கிறார்கள் தமிழ் மக்கள். இவர்களின் கோபத்தை அடக்கி அவர்களின் வாழ்வில் வெளிச்சத்தை உண்டுபண்ணவேண்டுமென்றால் அவர்கள் வேண்டி நிற்கும் கோரிக்கையை நிவர்த்திசெய்வதே ஒரே வழி. தலைவரை சூரியக் கதிரொளியாலேயே சாகடிக்க முடியாது என்று உறுதிப்பட தெரிவித்திருந்தார்கள் புலிகள் என்பதை ஞாபகத்தில் வைத்து சிங்கள அரசு செயற்பட வேண்டும். ஈழப் போர் எவ்வாறான பின்னடைவைச் சந்தித்தாலும் மீண்டும் புத்தெளிச்சிபெற்று புதிய யுக்திகளுடன் களம் காண்பதுவே புலிகளின் வரலாறு என்பதை ஈழப்போரின் வரலாற்றை படித்தவர்களுக்கு தெரியும். இவ்வருட மாவீரர் தின அறிக்கையிலும் புலிகள் தமது நிலைப்பாட்டை உறுதிப்பட தெரிவித்துள்ளதாவது: “தமிழீழ விடுதலைப் போராட்டம் இப்போது பல சவால்கள் நிறைந்த நெருக்கடிக்குள் தள்ளப்பட்டுள்ளது.

எத்தனை நெருக்கடிகள் வந்தாலும் காலத்துக்கேற்ப உலக ஒழுங்குகளுக்கு அமைய மாற்றங்களைச் செய்து அவற்றை எமக்குச் சாதகமாக்கி தமிழீழ விடுதலையை வென்றெடுப்பதற்கான போராட்டத்தை நாம் தொடர்ந்தும் முன்னெடுப்போம். தங்கள் பூர்வீக நிலத்தில் இறைமையோடு வாழ்ந்த ஒரு தேசிய இனம் அழிக்கப்படும்போது தம்மைத் தாமே காப்பாற்றிக்கொள்ளப் போராடுவது பயங்கரவாதம் ஆகாது. எங்களின் விடுதலைப் பயணத்தில் உலகநாடுகள் நியாயத்தைப் புரிந்துகொள்ளாமல் எமது அமைப்பை பயங்கரவாத அமைப்பாகப் பட்டியலிட்டதை வேதனையோடு பார்க்கின்றோம். சிங்களப் பேரினவாத அரசின் அரசபயங்கரவாதத்துக்கு எதிராக எமது மக்களது அரசியல் முன்னெடுப்புக்களை நாம் சுதந்திரமாக முன்னெடுப்பதற்கு உலகநாடுகள் எம்மைப் புரிந்துகொண்டு நீதியான நியாயமான முறையில் வழிவிட வேண்டுமென்று அன்போடு வேண்டி நிற்கின்றோம்.” இந்தியாவின் நிரந்தர நட்பு நாடே சுதந்திர தமிழீழம் என்பதை மீண்டும் இவ்வறிக்கையூடாக கூறியுள்ளார்கள் புலிகள். அவ்வறிக்கையில் புலிகள் கூறியுள்ளதாவது: “இந்திய தேசத்தின் மீது ஆழ்ந்த பற்றுதல் காலங்காலமாக தமிழ் மக்களுக்குண்டு. எமது விடுதலைப் போராட்டமும் இதற்கு எந்தவகையிலும் எதிரானதன்று.

எமது மக்களால் முன்னெடுக்கப்பட்டு வரும் போராட்டங்கள் இந்தியாவின் தேசிய நலனோடு பின்னிப் பிணைந்துள்ளன. எமது ஆயுதப்போராட்டத்தின் பின்னடைவும் சிங்கள அரசின் படை மேலாதிக்கமும் தமிழர் தேசத்தில் அமைக்கப்படுகின்ற பெரும் சிங்களப் படைத்தளங்களும் அத்தளங்களை அமைக்க உதவி புரியும் நாடுகளின் கபடத்தனமும் இந்திய தேசத்துக்கு மிகப்பெரிய அச்சுறுத்தலாகவே அமைந்துள்ளன. இந்தியாவோடு எம்மக்களுக்கு இருந்த உறவு சிங்கள ஆட்சியாளர்களின் துப்பாக்கி முனையில் சிறுகச்சிறுக சிதைவடைந்து போகாமலிருப்பதை இந்தியாவே உறுதிசெய்ய வேண்டும். எமது மக்களின் அவலங்களைப் பார்த்து துடியாய்த் துடித்த தமிழக உறவுகளின் உணர்வும் எமக்கு ஆதரவாக அவர்கள் நடாத்திய போராட்டங்களும் எமது மக்களுக்கு நம்பிக்கையையும் எழுச்சியையும் ஊட்டியுள்ளன. கடல் எம்மைப் பிரித்தாலும் மொழியால் உணர்வால் நாம் தனித்தவர்களில்லை என்பதை தமிழ்நாட்டு எழுச்சிப் போராட்டங்கள் எங்களுக்கு உணர்த்தி நிற்கின்றன.

இப்போராட்டங்களின்போது தம்மையே எரித்து தம்முயிரை ஈகம் செய்த வீரமறவர்களையும் இந்நாளில் நினைவு கூறுகின்றோம்." தமிழீழ மக்களின் அணையாத தாகமான தமிழீழமென்ற தேசத்தை மீட்க கடசித் தமிழன் இருக்கும் வரை தொடரும். ஒருவனின் உயிரைக் குண்டுகளால் அழிக்கலாம். ஆனால் ஒருவனின் மனதை கருணையுள்ளத்துடன் அணுகியே வெல்லலாம். அதைவிடுத்து தன்னிடத்தில் படையுண்டு என்ற வெறித்தனத்துடனும், உலகநாடுகளின் ஆதரவுண்டு என்ற மமதையிலும் ஓர் இனத்தை அழிக்க முற்படுவதென்பது சின்னப்பிள்ளைத்தனமானது. திடமான சிந்தனையில்லாமலும், சுய நலன்களுக்காகவும் ஓர் இனத்தை அழிப்பதானது மனித குலத்திற்கே ஒவ்வாத செயல். யுத்தம் செய்ய என்ன மனநோயாளியா என்று கேட்டார் புலிகளின் தலைவர் பிரபாகரன். இவர் நினைத்திருந்தால் கடந்த வருடம் பல்லாயிரம் சிங்கள மக்களைக் கொன்று தமிழர்கள் மீது மேற்கொண்ட இராணுவ நடவடிக்கையை திசைமாற்றியிருக்க முடியும். ஆனால், புலிகள் அப்படிச் செய்யவில்லை காரணம் தமிழர்கள் சிங்கள தேசத்திற்கு எதிரான இனத்தவர்களோ அல்லது மனநோயாளிகளோ இல்லை.

தம்மை தாமே ஆழும் உரிமைக்காகவேதான் ஆயுதத்தை ஏந்தி தமது நிலத்தினிலேயே ஆக்கிரமிப்புப்படைக்கெதிராக போராடினார்கள் புலிகள். இதனைப் புரியாத பல உலகநாடுகள் புலிகளை பயங்கரவாதிகளாக பிரகடனப்படுத்தி, தமிழர்களின் நியாயபூர்வமான தாயக விடுதலைக்கான போராட்டத்தை களங்கப்படுத்தினர். இராஜதந்திர போரையே இன்று புலிகள் கையாளுகிறார்கள் என்பதையே புலிகளின் இந்த வருட அறிக்கை காட்டி நிற்கின்றது. புலிகளின் எதிர்கால நடவடிக்கையே தடுக்க வேண்டுமாயின் சிங்கள அரசு தமிழர்களுக்கு அதிகாரங்களை அளித்து சமாதான வழியில் தீர்வு காண்பதே சாணக்கியம்.

நண்பர்களே இந்த பதிவு பயனுள்ளதாக இருந்தால் இன்ட்லியிலும், தமிழ் மணத்திலும் மறக்காமல் ஓட்டு போட்டு செல்லவும். அனைவரும் பயனடைவார்கள்

யார் இந்த பிரபாகரன்…?

2010-12-05T04:17:00.000-08:00

தமிழன் யார் என்பதை அகிலமே திரும்பிப் பார்க்க வைத்தவர் ஒரு நாட்டின் வரலாற்றை மாத்தரமல்ல உலகின் பெரும் பகுதி வரலாற்றையே தலைகீழாக புரட்டிப் போட்ட ஈழப் போராட்டத்தின் நாயகன் பெயர் வேலுப்பிள்ளை பிரபாகரன் உலகத் தமிழினத்தின் எண்ணம், சொல், செயல், மாற்றமடையக் காரணமானவர் பிரபாகரன்

தமிழர்களுக்கு தமிழுணர்வை ஊட்டியவர். சோம்பிக் கிடந்த இனத்தைத் தட்டியெழுப்பினவர் என்பதோடு நிறுத்த முடியாது. பூமிப் பரப்பெல்லாம் தமிழின் விதை விதைக்கக் காரணமானவர் அவர்தான.; சென்ற இடத்தில் மறைந்து வாழ்ந்த தமிழர்களை நான் தமிழன் என்று துணிந்து சொல்ல வைத்தவர் பிரபாகரன் தான் .

இனித் தமிழர் வரலாறு தூக்க நிலைக்குத் திரும்ப வாய்ப்பில்லை அவர் அடியெடுத்த போராட்ட மரபு தொடரும். கூலிகள் என்றும் வந்தேறு குடிகள் என்றும் நாதியற்றவர்கள் என்றும் தூற்றப்பட்ட உலகத் தமிழர்களை வலிமை பெற்று உரிமை கோர வைத்தவர் தலைவர் பிரபாகரன்.

இணையத்தில் தமிழ் உலகின் முக்கிய மொழிகளில் ஒன்றாகத் திகழக் காரணமானவர் தமிழியலுக்கும் தமிழ் வளர்ச்சிக்கும் ஊக்கு கருவியாகத் திகழ்பவர் தமிழ் இலக்கியம், தமிழ்ப் பண்பாடு, தமிழன் தோற்றம், வளர்ச்சி பற்றிய ஆய்வுக்குத் தோன்றாத் துணையாக நிற்பவர்
பலரை வரலாறு படைக்கின்றது ஒரு சிலர் வரலாற்றைப் படைக்கிறார்கள் அந்தச் சிலரில் ஒருவர் பிரபாகரன். மிக விரைவில் பிரபாகரன் யுகம் தோன்றும் அப்போது உலகம் நினைத்துப் பார்க்காத உயரத்திற்க்குத் தமிழினத்தைப் பிரபாகரன் தூக்கிச் சென்று நிறுத்தியதைத் தமிழினம் உணரும்.

அன்று தொட்டு இன்று வரை தமிழரின் போரட்டம் அற வழியைத் தழுவி நிற்கின்றது அகிம்சை வழியிலும் சரி, ஆயுத வழியிலும் சரி தமிழர் வரித்துக் கொண்ட போராட்டம் தர்மத்தின் நியமத்தில் நெறிப்பட்டு நிற்கின்றது அவர் நடத்திய ஈழவிடுதலைப் போர் தார்மீக அடிப்படையிலானது. அது தமிழர்களின் ஆன்மபலமாகவம் இருந்து வருகிறது.
சிங்களவர்கள் உண்மையான புத்த மதத்தினராக இருந்தால் தமிழீழ விடுதலைப் போருக்கான அவசியம் இராது சமாதானப் பேச்சென்றாலும் சரி, போர் என்றாலும் சரி, சிங்களவர்கள் நேர்மை, நிதானம், காருண்யம் அற்றவர்களாக வெளிப்படுகிறார்கள் சிங்களப் பயங்கரவாதம் ஈழத் தமிழர்களின் தேசிய ஆன்மாவில் விழுத்திய வடுக்கள் என்றுமே மாறப்போவதில்லை.

“ விடுதலைப் போராட்டம் என்பது இரத்தம் சிந்தும் புரட்சிகர அரசியல் பாதை’ என்று பிரபாகரன் மிகச் சுருக்கமாகக் கூறியிருக்கிறார். அவர் தொடர்ந்து பேசுகிறார் விடுதலை என்ற இலட்சியத்தை நாம் இலகுவாகத் தேர்ந்தெடுக்கவில்லை. வரலாறுதான் அதை எம்மிடம் வலுக்கட்டாயமாகக் கையளித்துள்ளது சுதந்திரம் வேண்டுவதைத் தவிர வேறு வழி எதையும் வரலாறு எமக்கு விட்டு வைக்கவில்லை .

தமிழர்களை ஏமாற்றுவதும் அடிமை கொள்ளும் நோக்குடன் இன அழிப்புச் செய்வதும் சிங்கள தேசத்தின் பாரம்பரிய நடைமுறை. தற்காக புத்த மதத்தைத் துணைக்கு அழைக்க அவர்கள் தயங்கியதில்லை சிங்கள மக்களின் பாலி மொழி இதிகாசமான மகாவம்சத்தின் நாயகனான துட்ட காமினி போர் மரபை மீறீத் தமிழ் மன்னன் எல்லாளனை வஞ்சகமாகக் கொன்றான் பல்லாயிரம் தமிழர்களையும் அதே போரில் அவன் கொன்றான்.

இரத்த வெறி அடங்கியபிறகு அவன் சோர்வடைந்து மாளிகை உப்பரிகையில் படுத்திருந்தான் உயிர்ப்பலி அவனை துயரடையச் செய்ததாக மாகவம்சம் கூறுகிறது அவனுக்கு ஆறதல் மொழி கூறுவதற்காக எட்டு புத்த பிக்குகள் வான் மூலம் பறந்து அவனிடம் வந்து சேர்ந்தனர்.
புத்த மதத்தைச் செராதவர்களைக் கொல்வதில் பாவமில்லை என்ற ஞான உபதேசத்தை பிக்குகள் மன்னனுக்கு வழங்கி அவனுக்குப் புத்துணர்ச்சி ஊட்டியதாக மகாவம்சம் கூறுகிறது அண்மையில் புத்த பிக்கு ஒருவர் வெளியிட்ட ஆங்கில ஆய்வு நூலில் சிங்கள தேசியத்தின் அதியுச்சம் துட்டகாமினியின் தமிழ்ப் படுகொலைகளின் போது எட்டப்பட்டதாகத் தெரிவிக்கப்படுகிறது.

சிங்கள பௌத்தம் என்ற புதிய மதத்தைச் சிங்களப் பேரினவாதிகள் உருவாக்கியுள்ளனர் திவ்வியஞான சபையைச் சேர்ந்த (Theosophical society ) காலஞ்சென்ற கிருஷ்ணமூர்த்தி கொழும்பு வந்த போது இதைக் கடுமையாகச் சாடியுள்ளார் .

சிறிலங்கா தனது அரசியல் சாசனத்தின் மூலம் புத்த மதத்திற்கு மேலிடம் வழங்கியுள்ளது புத்த மதத்தைத் பாதுகாத்தல் அரசின் பொறுப்பு என்று அரசியல் சாசனம் இடித்துரைக்கிறது. சிறிலங்கா மதச் சார்புள்ள நாடு. படிப்படியாகப் பிற மதங்களின் சுதந்திரம் பறிக்கப்படுகிறது
தமிழ் நாட்டிலும் தமிழீழத்திலும் தமிழர் மத்தியில் புத்த மதம் முன்னர் செழித்தோங்கி இருந்தது 7ம் நூற்றாண்டில் தொடங்கிய சிவ மதத்தின் மறுமலர்ச்சிக்குப் பிறகு இரு பகுதிகளிலும் புத்த மதம் மங்கிவிட்டது ஆனால் வரலாற்றுச் சின்னங்கள் கிடைக்கின்றன.

ஈழத் தமிழர் வாழும் பகுதிகளில் புத்த சின்னங்களும், புத்த கோயில்களின் எச்சங்களும் காணப்படுகின்றன இவை சிங்கள பௌத்தத்தின் அடையாளங்கள் என்று சிங்கள பௌத்த பேரினவாதிகள் புதிய வரலாறு படைக்கின்றனர் யாழ் கந்தரோடையிலுள்ள புத்த மத இடிபாடுகள் சிங்கள பௌத்தத்திற்கு உரியவை என்ற வாதம் நிறுவப்படுகிறது.
கந்தரோடை இடிபாடுகளுக்கு சிங்களப் பெயர் சூட்டப் பட்டுள்ளதோடு சிங்களப் புத்த பிக்குகளும் அங்கு நிலைகொண்டுள்ளனர் பிக்குகளின் பாதுகாப்பிற்காக சிங்கள இராணுவ அணி நிறுத்தப்பட்டுள்ளது பாலஸ்தீன அரபு மக்களின் பூர்வீக நிலத்தை ஆக்கிரமிக்கும் யூத அரசு போலி வரலாற்று செய்திகளைக் கூறுவது வழமை.

பழைய ஏற்பாட்டில் இருந்து எடுக்கப்பட்ட பெயர்களை ஆக்கிரமிப்புச் செய்த நிலத்திற்குச் சூட்டியபின் அது புராதான கால யூத நிலம் என்று உரிமை கோருவது இஸ்ரேலிய நடைமுறை இதைச் சிங்கள அரசும் பின்பற்றுகிறது சிறிலங்கா சுதந்திரம் பெற்ற நாட்தொட்டுத் தமிழர் நிலத்தில் சிங்களக் குடியேற்றங்கள் இடைவிடாது நடக்கின்றன.

எந்தக் கட்சி ஆட்சியைப் பிடித்தாலும் வெப்ப வலய மேம் பாட்டுத் திட்டம் என்ற பெயரில் சிங்களக் குடியேற்றம் தமிழர் எதிர்ப்பையும் மீறி முன்னெடுக்கப் படுககின்றது இராணுவம் மற்றும் விசேட அதிரடிப்படை தமிழர்களை விரட்டுவதற்கும் குடியேற்ற வாசிகளுக்குப் பாதுகாப்பு வழங்குவதற்கும் பயன்படுத்தப்படுகிறது.

தமிழர் நிலத்திற்க்குப் புதிய சிங்களப் பெயர் சூட்டும் செயற்பாடு இன்னுமோர் பக்கத்தில் நடக்கிறது பெயர் மாற்றம் செய்யப்பட்ட தமிழ் மண்ணின் பட்டியல் மிக நீளமானது மிக அண்மையில் முல்லைத்தீவு மூலதூவ என்றும் கிளிநொச்சி கிரானிக்கா என்றும் பெயர் மாற்றம் செய்யப்பட்டுள்ளன. இனப் படுகொலையின் அங்கமாகவும் சிங்களக் குடியேற்றத்தை பார்க்கலாம் மணலாறில் வாழ்ந்த தமிழ்க் குடும்பங்கள் nஐனரல் ஐhனகா பெறேரா தலைமையிலான இராணுவத்தால் சுட்டும் வெட்டியும் கொன்று விரட்டப்பட்டுள்ளன.
ஓரு தமிழ்க் கிராமத்திற்கு ஐhனகாபுர என்று தன்னுடைய பெயரை அவர் சூட்டியுள்ளார் குடியேற்றத்தின் மூலம் தமிழர்கள் அம்பாறை, மட்டக்களப்பு, திருகோணமலை, மணலாறு ஆகிய பகுதிகளில் சிறுபான்மையினராக ஆக்கப்பட்டுள்ளனர் இப்போது வடக்கில் குடியேற்றம் தொடங்கிவிட்டது.

குடியேற்றத்தின் மூலம் இனப் பிரச்சனைக்குத் திர்வு காணமுடியும் என்று கூறும் புவியியல் ஆய்வு நூல்கள் வெளிவந்துள்ளன. வடக்கு கிழக்கில் தமிழர் வாழும் நிலம் சிங்களவருடைய நிலம் என்று வாதிடும் சிங்களப் பேரினவாதிகள் ஒரு நூற்றாண்டுக்கு மேலாக இலங்கையில் நிலவிய சோழர் ஆட்சியின் போது தாம் அங்கிருந்து விரட்டியடிக்கப்பட்டதாகக் கூறுகிறார்கள்
தாம் குடியேறும் நிலத்திற்கு தாமே சொந்தக்காரர்கள் தமிழர்கள் அல்லவென்றும் வாதிடுகிறார்கள். இது போதாதென்று 1956 தொடக்கம் காலத்திற்கு காலம் அரசு ஆதரவு பெற்ற சிங்களக் காடையர்கள் இராணுவ மற்றும் பொலிஸ் பாதுகாப்புடன் தமிழர் மீது தாக்குதல் நடத்தினார்கள். உயிரிழப்புக்களையும் சொத்திழப்புக்களையும் தமிழர்கள் சந்தித்தனர் 1983ல் இது உச்சம் அடைந்தது.

பாதிக்கப்பட்ட தமிழர்கள் வெளிநாடுகடுளுக்குத் தப்பியோடும் நிர்ப்பந்தம் ஏற்பட்டது தமிழ் டயஸ் போறா எனப்படும் புலம்பெயர் தமிழர் சமூகம் அனைத்துலக மட்டத்தில் தோன்றியது உலகத் தமிழர் என்றால் புலம்பெயர்ந்த ஈழத் தமிழர்கள் என்ற கருத்து நிலவுவதற்கு இது தான் காரணம்

தமிழர் தாயகம் மனிதப் புதைகுழிகள் நிறைந்த பூமி மட்டு அம்பாறைத் தமிழுறவுகள் கொடுத்த விலை மிக அதிகம் கொக்கட்டிச் சோலையிலே தமிழர் வீடுகள் குடிசைகள் தோறும் எண்ணற்றோர் உயிரிழந்துள்ளனர் வடக்கில் செம்மணி, வயாவிளான் என்பன கொன்று புதைக்கப்பட்டவர்களுக்குச் சாட்சி பகர்கின்றன இறுதியாக இப்போது முள்ளிவாய்க்காலில் மீண்டும் புதைகுழி.

வரலாறு எமது வழிகாட்டி என்று சொன்ன தமிழீழத் தேசியத் தலைவர் பிரபாகரன் அவர்கள் “ சிங்களப் பயங்கரவாதம் எமது தேசிய ஆன்மாவில் விழுத்திய வடுக்கள் என்றுமே மாறப் போவதில்லை ‘என்று அடித்தக் கூறியுள்ளார் .

பிரபாகரனின் தனிப்பெரும் பண்புகளை இங்கு எடுத்துக் காட்டலாம் குறைந்த பேச்சு, நிறைந்த கேள்வி, தனித்த சிந்தனை, கருத்தில் தெளிவு சாதனைக்கு மதிப்பு எனலாம் அவர் மேடை போட்டு முழங்கியதில்லை. வேட்டி சால்வை அணிந்து அரசியல்வாதி வேடம் தரித்ததில்லை தந்தவனுக்கே திருப்பி கொடு இது தான் அவருடைய செய்தி அடித்தவனைத் திருப்பியடி என்பது இந்தச் செய்தியின் சாரம்சம் அறிவு ரீதியாகவும் விஞ்ஞான ரீதியாகவும் தமிழீழனம் வளர வேண்டுமென்டு ஆசைப்பட்டு அதற்காக உழைத்தவர் விடுதலைப் பெற்ற தமிழீழம் பொருளாதார சுபீட்சம் காணவேண்டுமென்டு திட்டமிட்டார்.

சாதி ஒழிப்பிற்கு அவர் முன்னுரிமை அளித்தார் சீதனக் கொடுக்கல் வாங்கலைத் தடைசெய்தார் மதச் சமத்துவத்தைப் பேணினார் தமிழீழ காவல்துறையை உருவாக்கி சட்ட ஒழுங்கை அமுலாக்கினார் ; எல்லாவற்றிக்கும் மேலாக அவர் பெண்கள் வாழ்வில் புரட்சிகர மாற்றத்தைத் ஏற்படுத்தினார் ஒரு புதுமைப் பெண்னை, புரட்சிகரப் பெண்னை தமிழீழ விடுதலைப்புலிகள் உருவாக்கினார்கள் அதன் தாக்கம் நிரந்தரமானது.

தேசியத் தலைவர் அவர்கள் ஒரு சந்தர்ப்பத்தில் “ மகளீர் படையணினின் தோற்றமும் வளர்ச்சியும் எழுச்சியும் எமது இயக்கம் படைத்த மாபெரும் சாதனைகளில் ஒன்று “ என்று சொன்னார்.

தன்னாட்சி பெற்ற தமிழீழத்திற்கான அரசியல் சாசனத்தை உருவாக்குவதற்காக உலகின் தலைசிறந்த அரசறிவியல் பேராசியர்களையும் புலிகள் அமைப்பில் உறுப்பியம் பெற்;ற வல்லுனர்களையும் ஒன்றிணைத்து ஒரு வரைவைத் தயாரித்தார் சாசனவியலாளர்களால் அந்த வரைவு போற்றி பாதுகாக்கப்படுகிறது.

ஒடுக்கப்பட்ட இனம் தொடர்ந்து ஒடுங்கியிராது என்பதற்கு பிரபாகரன் தொடுத்த விடுலைப் போர் சாட்சியாக அமைகிறது பிரபாகரன் நேத்தாஜி சுபாஸ் சந்திரபோசை நேசித்தார். அவரைப் போலவே பிரபாகரன் தூய்மையாக வாழ்ந்தார் நேத்தாஜியின் போராட்டப் பங்களிப்பு இன்னும் சரிவர கணிப்பி;டப் படவில்லை. மழங்ககடிக்கப் படுகிறது என்று கூடச் சொல்லலாம்
தமிழினத்தை கடந்த முப்பதிற்கும் மேலான வருட காலம் வழிநடத்தி வரும் பிரபாகரன் அவர்களின் தாக்கம் உலகத் தமிழினத்தால் மிக நன்றாக உணரப்படுகிறது. உலக தமிழ்ச் சமுதாயத்தில் எது நடந்தாலும் அவருடைய தாக்கம் இல்லாமல் நடக்க முடியாதளவிற்கு அவர் முத்திரை பதித்துள்ளார்.

நண்பர்களே இந்த பதிவு பயனுள்ளதாக இருந்தால் இன்ட்லியிலும், தமிழ் மணத்திலும் மறக்காமல் ஓட்டு போட்டு செல்லவும். அனைவரும் பயனடைவார்கள்.

தமிழர்களே அணிதிரள்வீர் சென்னையில் நாளை

2010-12-02T15:01:00.000-08:00

பிரிட்டனுக்கு சென்றிருக்கும் போர்குற்றவாளி ராஜபக்சேவை கைது செய்ய வலியுறுத்தி 3.12.2010 அன்று காலை 10 மணிக்கு சென்னை சாஸ்திரிபவன் எதிரில் உள்ள பிரிட்டிஷ் தூதரகம் முன்பு நாம் தமிழர் கட்சியினரால் ஆர்பாட்டம் நடத்தப்படவுள்ளது. எனவே நாம் தமிழர் கட்சியின் தோழர்கள் மற்றும் தமிழின உணர்வாளர்கள் அனைவரும் ஆர்பாட்டத்தில் கலந்து கொள்ளுமாறு வேண்டுகிறோம்.

அம்பலமாகியிருக்கும் மற்றொரு ஆதாரம் : தளபதி ரமேஷை விசாரிக்கும் இராணுவத்தினர்

2010-12-02T06:07:00.000-08:00

விடுதலைப் புலிகளின் படைத்தளபதிகளில் ஒருவரான ரமேஷ் அவர்கள் உட்பட முள்ளிவாய்க்காலில் நடைபெற்ற இறுதிப்போரில் அரசியல் துறைப்பொறுப்பாளர் நடேசன், சமாதானச் செயலக பொறுப்பாளர் புலித்தேவன் அவர்கள் ராணுவத்தினரால் சுட்டுக்கொல்லப்பட்டிருந்ததாக முன்பு செய்திகள் வெளிவந்திருந்தமை யாவரும் அறிந்த உண்மை

ஆனால் பிரித்தானியாவின் ரெலிகிராப் மற்றும் இன்டிபென்டன் ஆகிய பத்திரிகைகள் தமிழீழ விடுதலைப் புலிகளின் ஆயுதப் படையணியின் தளபதிகளில் ஒருவராக ரமேஷ் அவர்கள் ராணுவத்தினரிடம் சரணடைந்த போது ராணுவத்தினரால் விசாரிக்கப்படும் காணொளியை வெளியிட்டுள்ளது.

இந்தக் காணொளி வெளிவரும் பட்சத்தில் இலங்கை அரசு உலக அளவில் இன்னும் பல பிரச்சினைகளுக்கு முகம்கொடுக்க வேண்டியேற்படும் என்பது குறிப்பிடத்தக்கது.

உதவுவோம் தழிழனுக்கு....................

2010-12-01T00:35:00.000-08:00

அடுத்தாண்டு மகாராஷ்டிராவில் நடக்கும் தேசிய ஆணழகன் போட்டிக்கு செல்ல பணமில்லாமல், தூத்துக்குடியைச் சேர்ந்த மாற்றுத்திறனாளி தவித்து வருகிறார். அதற்கான உதவி வேண்டி நேற்று அவர், கலெக்டரிடம் மனு கொடுத்தார். தூத்துக்குடி மாவட்டம் கருங்குளத்தைச் சேர்ந்த விவசாயி பலவேசம் மகன் சுடலை(26). கால் ஊனமுற்ற மாற்றுத்திறனாளி. இவர், பிளஸ் 2 வரை படித்துள்ளார். ஏதாவது சாதிக்க வேண்டுமென்ற எண்ணம் சிறுவயதில் இவருக்கு ஏற்பட்டது. இதனால், தினமும் பளு தூக்குதலில் பல்வேறு பயிற்சிகளை மேற்கொண்டார்.
இதன்பயனாக, 2009 ஜன.,4 ல் நெல்லையில் நடந்த மாற்றுத்திறனாளிகளுக்கான மாவட்ட பளுதூக்கும் ஆணழகன் போட்டியிலும், இந்தாண்டு ஜன., 5 ல், கோவையில் நடந்த மாநில அளவிலான போட்டியிலும் சுடலை, முதல்பரிசு பெற்றுள்ளார். இந்தாண்டு மே 9 ல் அசாம், கவுகாத்தியில் நடந்த தேசிய போட்டியில், இந்திய அளவில் மூன்றாம் இடம்பிடித்தார். இந்நிலையில், அடுத்தாண்டு பிப்.,6 ல் மகாராஷ்டிராவில், மாற்றுத்திறனாளிகளுக்கான தேசிய ஆணழகன் போட்டி நடக்கிறது. இதில், கலந்துகொள்ளும்படி போட்டி நடத்தும் அமைப்பு, சுடலைக்கு அழைப்பு அனுப்பியுள்ளது. ஆனால், குடும்ப வறுமை காரணமாக, அப்போட்டிக்கு அவரால் செல்ல முடியாத சூழ்நிலை உள்ளது. இந்நிலையில், நேற்று தூத்துக்குடி கலெக்டர் அலுவலகம் வந்த சுடலை, தனது நிலையை விளக்கியும், தேசிய போட்டிக்குச் செல்ல உதவி செய்யுமாறும், கலெக்டர் மகேஸ்வரனிடம் மனு கொடுத்தார்.

சுடலை கூறியதாவது: குடும்ப வறுமையை நினைத்து தேசிய போட்டிக்கு செல்லவேண்டாமென நினைத்திருந்தேன். அதனால், பயிற்சிக்கு கூட செல்லாமல் மனம் நொந்து வீட்டில் முடங்கினேன். என் குடும்பத்தினர், நண்பர்கள், சமூக அமைப்பினர் என்னை ஊக்கப்படுத்தினர். அதனால் தான், போட்டியில் கலந்து கொள்ள பணஉதவி வேண்டி, கலெக்டரிடம் மனு கொடுத்தேன். ஆணழகன் போட்டிக்கு தயாராக, தேவையான உணவு சாப்பிட தினமும் குறைந்த பட்சம் 500 ரூபாய் செலவாகும். ஆனால், அந்த வசதி எனக்கில்லை. மேலும், போட்டிக்குச் சென்றுவர 50,000 ரூபாய் செலவாகும். எனவே, தொண்டுள்ளம் கொண்ட தனிநபர்களோ அல்லது நிறுவனமோ எனக்கு உதவினால், தேசிய போட்டியில் நிச்சயம் சாதித்து, தமிழகத்திற்கு புகழ் பெற்றுத்தருவேன்.
இவ்வாறு சுடலை கூறினார். இவருக்கு உதவ விரும்புவோர், தொடர்பு கொள்ள வேண்டிய மொபைல் போன் எண்:94892 37992